ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

4 սեպտեմբերի 2017 թվականի

թիվ 114

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական հանձնաժողովի կոլեգիայի 2012 թվականի մայիսի 16-ի թիվ 45 որոշումը և Եվրասիական տնտեսական հանձնաժողովի կոլեգիայի 2015 թվականի ապրիլի 21-ի թիվ 30 որոշումը 2014 թվականի մայիսի 29-ի «Եվրասիական տնտեսական միության մասին» պայմանագրին համապատասխանեցնելու նպատակով Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի որոշումներում կատարել փոփոխություններ՝ հավելվածի համաձայն:

2. Սույն որոշումն ուժի մեջ է մտնում դրա պաշտոնական հրապարակման օրվանից 60 օրացուցային օրը լրանալուց հետո։

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2017 թվականի սեպտեմբերի 4-ի թիվ 114 որոշման

1. Եվրասիական տնտեսական հանձնաժողովի կոլեգիայի 2012 թվականի մայիսի 16-ի «Ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացության (թույլատրագրի) միասնական ձևի մասին, որոնց նկատմամբ Եվրասիական տնտեսական համայնքի շրջանակներում Մաքսային միության անդամ պետությունների կողմից երրորդ երկրների հետ առևտրում կիրառվում են ներմուծման կամ արտահանման արգելքներ կամ սահմանափակումներ, և այդ ձևը լրացնելու մեթոդական ցուցումների մասին» թիվ 45 որոշման մեջ՝

ա) անվանումը շարադրել հետևյալ խմբագրությամբ.

«Ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացության (թույլատրագրի) միասնական ձևի, որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ, և այդ ձևը լրացնելու մեթոդական ցուցումների մասին».

բ) տեքստում համապատասխան թվով «Մաքսային միության անդամ պետության» բառերը փոխարինել համապատասխան թվով «անդամ պետության» բառերով՝.

գ) 1-ին և 2–րդ կետերը շարադրել հետևյալ խմբագրությամբ.

«1. Հաստատել կից ներկայացվող՝

ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացության (թույլատրագրի) միասնական ձևը, որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ,

ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացության (թույլատրագրի) միասնական ձևը լրացնելու մեթոդական ցուցումները, որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ:

2. Սահմանել, որ ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացությունը (թույլատրագիրը), որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ (այսուհետ՝ եզրակացություն (թույլատրագիր)), կիրառվում է այն ապրանքների առանձին տեսակները Եվրասիական տնտեսական միության մաքսային տարածք (այսուհետ՝ Միություն) ներմուծելու և (կամ) Միության մաքսային տարածքից արտահանելու վերաբերյալ հիմնադրույթներով (Եվրասիական տնտեսական հանձնաժողովի կոլեգիայի 2015 թվականի ապրիլի 21-ի թիվ 30 որոշման թիվ 3-12, 15-21 հավելվածներ) նախատեսված դեպքերում, որոնք ընդգրկված են «Երրորդ երկրների նկատմամբ ոչ սակագնային կարգավորման միջոցների մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 7 հավելված) 4-րդ կետով նախատեսված այն ապրանքների միասնական ցանկում, որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ, ինչպես նաև Եվրասիական տնտեսական հանձնաժողովի որոշումներով նախատեսված դեպքերում՝ բացառությամբ այն ապրանքների արտահանման և (կամ) ներմուծման թույլտվության տրամադրման դեպքերի, որոնց համար ներդրված է ապրանքների արտահանման և (կամ) ներմուծման ավտոմատ լիցենզավորում (հսկողություն)՝ «Երրորդ երկրների նկատմամբ ոչ սակագնային կարգավորման միջոցների մասին» արձանագրության համապատասխան («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 7 հավելված):».

դ) 3-րդ և 4-րդ կետերը ուժը կորցրած ճանաչել.

ե) 5-րդ կետում «Մաքսային միության անդամ պետությունների» բառերը փոխարինել «Միության անդամ պետությունների (այսուհետ՝ անդամ պետություններ)» բառերով.

զ) նշված որոշման թիվ 1 հավելվածում՝

համարակալված վերնագիրը և անվանումը շարադրել հետևյալ խմբագրությամբ.

«ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2012 թվականի մայիսի 16-ի թիվ 45 որոշմամբ (Եվրասիական տնտեսական հանձնաժողովի կոլեգիայի 2017 թվականի սեպտեմբերի 4-ի թիվ 114 որոշման խմբագրությամբ)

ԵԶՐԱԿԱՑՈՒԹՅՈՒՆ (թույլատրագիր)».

«Մաքսային միության» բառերը փոխարինել «Եվրասիական տնտեսական միության» բառերով, «Ապրանքների միասնական ցանկի» բառերը փոխարինել «միասնական ցանկի» բառերով, «ՄՄ ԱՏԳ ԱԱ» բառերը փոխարինել «ԵԱՏՄ ԱՏԳ ԱԱ» բառերով.

է) նշված որոշման թիվ 2 հավելվածում՝

համարակալված վերնագիրը և անվանումը շարադրել հետևյալ խմբագրությամբ.

«ՀԱՍՏԱՏՎԱԾ ԵՆ Եվրասիական տնտեսական հանձնաժողովի կոլեգիայի 2012 թվականի մայիսի 16-ի թիվ 45 որոշմամբ (Եվրասիական տնտեսական հանձնաժողովի կոլեգիայի 2017 թվականի սեպտեմբերի 4-ի թիվ 114 որոշման խմբագրությամբ)

տեքստում համապատասխան հոլովով «Միասնական ցանկ» բառերը փոխարինել համապատասխան հոլովով «միասնական ցանկ» բառերով, «ՄՄ ԱՏԳ ԱԱ» բառերը փոխարինել «ԵԱՏՄ ԱՏԳ ԱԱ» բառերով, «Մաքսային միության անդամ պետության» բառերը փոխարինել «անդամ պետության» բառերով.

1-ին կետը շարադրել հետևյալ խմբագրությամբ.

«1. Սույն մեթոդական ցուցումները սահմանում են Եվրասիական տնտեսական միության անդամ պետությունների պետական իշխանության մարմինների կողմից տրամադրվող՝ ապրանքների միասնական ցանկում ընդգրկված առանձին այն ապրանքների ներմուծման, արտահանման և տարանցման համար եզրակացության (թույլատրագրի) (այսուհետ համապատասխանաբար՝ եզրակացություն (թույլատրագիր)) միասնական ձևի՝ «Երրորդ երկրների նկատմամբ ոչ սակագնային կարգավորման միջոցների մասին» արձանագրության 4-րդ կետով ( «Եվրասիական տնտեսական միության մասին» 2014 թվականի մայիսի 29-ի պայմանագրի թիվ 7 հավելված) նախատեսված լրացման կարգը, որոնց նկատմամբ երրորդ երկրների հետ առևտրում կիրառվում են ոչ սակագնային կարգավորման միջոցներ:».

2-րդ կետում «Մաքսային միության» բառերը փոխարինել «Եվրասիական տնտեսական միության» բառերով.

8-րդ կետում «(Բելառուսի Հանրապետություն՝ BY, Ղազախստանի Հանրապետություն՝ KZ, Ռուսաստանի Դաշնություն՝ RU)» բառերը փոխարինել «(Հայաստանի Հանրապետություն՝ AM, Բելառուսի Հանրապետություն՝ BY, Ղազախստանի Հանրապետություն՝ KZ, Ղրղզստանի Հանրապետություն՝ KG, Ռուսաստանի Դաշնություն՝ RU)» բառերով.

10-րդ կետում՝

երկրորդ պարբերությունը «հասցեն,» բառից հետո լրացնել «Հայաստանի Հանրապետության անձանց համար՝ հարկ վճարողի հաշվառման համարը (ՀՎՀՀ)» բառերով, «համար (ԲՆՀ)» բառերից հետո լրացնել «Ղրղզստանի Հանրապետության անձանց համար՝ նույնականացման հարկային համարը (ՆՀՀ)» բառերով.

երրորդ պարբերության երկրորդ նախադասությունը «նշվում է» բառից հետո լրացնել «ՀՎՀՀ,» բառով.

24-27-րդ կետերում «պետական մարմնի» բառերը փոխարինել «պետական իշխանության մարմնի» բառերով:

2. Եվրասիական տնտեսական հանձնաժողովի կոլեգիայի 2015 թվականի ապրիլի 21-ի «Ոչ սակագնային կարգավորման միջոցների մասին» թիվ 30 որոշման մեջ՝

ա) թիվ 3-9, 11, 12, 15-17, 19-21 հավելվածների «Եզրակացության (թույլատրագրի) տրամադրում» բաժնում «Այն ապրանքների միասնական ցանկը, որոնց նկատմամբ Եվրասիական տնտեսական համայնքի շրջանակներում Մաքսային միության անդամ պետությունների կողմից երրորդ երկրների հետ առևտրում ներմուծման կամ արտահանման արգելքներ կամ սահմանափակումներ են կիրառվում» բառերը և «Այն ապրանքների միասնական ցանկը, որոնց նկատմամբ Եվրասիական տնտեսական համայնքի շրջանակներում Մաքսային միության անդամ պետությունների կողմից երրորդ երկրների հետ առևտրում ներմուծման կամ արտահանման արգելքներ և սահմանափակումներ են կիրառվում» բառերը փոխարինել «այն ապրանքների ցանկը, որոնց նկատմամբ երրորդ երկրների հետ առևտրում ոչ սակագնային կարգավորման միջոցներ են կիրառվում» բառերով.

բ) թիվ 18 հավելվածի «Լիցենզիայի տրամադրում» բաժնում «Այն ապրանքների միասնական ցանկը, որոնց նկատմամբ Եվրասիական տնտեսական համայնքի շրջանակներում Մաքսային միության անդամ պետությունների կողմից երրորդ երկրների հետ առևտրում ներմուծման կամ արտահանման արգելքներ կամ սահմանափակումներ են կիրառվում» բառերը փոխարինել «այն ապրանքների ցանկը, որոնց նկատմամբ երրորդ երկրների հետ առևտրում ոչ սակագնային կարգավորման միջոցներ են կիրառվում» բառերով:

Պաշտոնական հրապարակման օրը՝ 22 հունիսի 2022 թվական: