ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2008 ԹՎԱԿԱՆԻ ՀՈՒՆԻՍԻ 6-Ի N 308-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2008 թվականի հունիսի 6-ի «Էլեկտրաէներգետիկական և ջերմամատակարարման համակարգերի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվության ներկայացման կարգը հաստատելու մասին» N 308-Ն որոշման 1-ին կետով հաստատված հավելվածում՝ էլեկտրաէներգետիկական և ջերմամատակարարման համակարգերի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվության ներկայացման կարգում (այսուհետ՝ Կարգ), կատարել հետևյալ լրացումները և փոփոխությունները.

1) Կարգի՝

ա. 1-ին կետում «2-15» և 2-րդ կետի 2-րդ ենթակետում «2-12» թվերից հետո լրացնել «, 2-16, 2-17» թվերը.

բ. 4-րդ, 5-րդ և 6-րդ կետերը շարադրել հետևյալ խմբագրությամբ.

«4. Լիցենզավորված անձը տեղեկատվությունը հանձնաժողով է ներկայացնում առձեռն, փոստային կամ էլեկտրոնային եղանակով, հանձնաժողովի կողմից սահմանված կարգով և ժամկետներում:

5. Էլեկտրոնային եղանակով տեղեկատվությունը ներկայացվում է փաստաթղթերի էլեկտրոնային շարժի համակարգի (Mulberry) կամ հանձնաժողովի պաշտոնական ինտերնետային կայքի (www.psrc.am) առցանց հաշվետվությունների հանձնման էլեկտրոնային համակարգի միջոցով: Հանձնաժողովի պաշտոնական ինտերնետային կայքի առցանց հաշվետվությունների հանձնման էլեկտրոնային համակարգի միջոցով տեղեկատվության ներկայացման կարգը սահմանվում է հանձնաժողովի որոշմամբ:

6. Առձեռն եղանակով ներկայացման դեպքում տեղեկատվության ներկայացման օր է համարվում հանձնաժողովում տեղեկատվության և ուղեկցող գրության փաստացի մուտքագրման օրը, փոստային եղանակով ներկայացման դեպքում՝ տեղեկատվության և ուղեկցող գրության փոստային բաժանմունքում ընդունվելու օրվա օրացուցային կնիքի արտատիպում նշված օրը, իսկ փաստաթղթերի էլեկտրոնային շարժի համակարգով (Mulberry) ներկայացման դեպքում՝ տեղեկատվության և ուղեկցող գրության էլեկտրոնային առաքման օրը:».

2) Կարգը լրացնել հետևյալ բովանդակությամբ 8-12-րդ կետերով.

«8. Փաստաթղթերի էլեկտրոնային շարժի համակարգով (Mulberry) տեղեկատվությունը ներկայացվում է Մայքրոսոֆթ Էքսել (Microsoft Excel) ձևաչափով՝ էլեկտրոնային ստորագրությամբ, տեղեկատվությունում գրանցումները կատարվում են Յունիկոդ (Unicod) ձևաչափով, իսկ այլ տվյալներ ներկայացնելու համար կիրառելի են Մայքրոսոֆթ Էքսել (Microsoft Excel), Մայքրոսոֆթ Վորդ (Microsoft Word) և Փի Դի Էֆ (PDF) ձևաչափերը:

9. Առձեռն կամ փոստային եղանակով ներկայացման դեպքում, բացառությամբ մինչև 30 ՄՎտ տեղակայված հզորություն ունեցող էլեկտրական էներգիայի արտադրության լիցենզիա ունեցող լիցենզավորված անձանց, տեղեկատվությունը Մայքրոսոֆթ Էքսել (Microsoft Excel) ձևաչափով հանձնաժողով է ներկայացվում նաև e-reports@psrc.am էլեկտրոնային հասցեին։

10. Հանձնաժողով ներկայացված տեղեկատվությունում սահմանված ձևերին անհամապատասխանությունների, անճշտությունների կամ բացթողումների առկայության դեպքում լիցենզավորված անձը հանձնաժողովի կողմից տեղեկացվում է այդ մասին և օրենքով սահմանված կարգով իրազեկվելու օրվան հաջորդող հինգ աշխատանքային օրվա ընթացքում հանձնաժողով է ներկայացնում ճշգրտված տեղեկատվություն կամ տեղեկատվությանն առնչվող լրացուցիչ պարզաբանումներ:

11. Տեղեկատվության կազմման համար անհրաժեշտ սկզբնական հաշվառման փաստաթղթերում անորոշությունների, անճշտությունների և այլ վիճահարույց տվյալների առկայության, կամ տարբեր պատճառներով այդ փաստաթղթերի վավերացված չլինելու դեպքում լիցենզավորված անձը սկզբնական հաշվառման առկա փաստաթղթերի կամ իր կողմից առավել արժանահավատ համարվող ցուցանիշների հիման վրա լրացնում և հանձնաժողովի կողմից սահմանված ժամկետներում տեղեկատվությունը ներկայացնում է հանձնաժողով, իսկ հետագայում նոր հիմնավոր փաստերի առկայության կամ սկզբնական հաշվառման փաստաթղթերում փոփոխությունների կատարման դեպքում տեղեկատվությունում կատարում է փոփոխություններ և հանձնաժողով է ներկայացնում ճշգրտված տեղեկատվություն:

12. Հանձնաժողով ներկայացված տեղեկատվությունում լիցենզավորված անձի կողմից  սխալների ինքնուրույն հայտնաբերման դեպքում ևս վերջինս կարող է ներկայացնել ճշգրտված տեղեկատվություն: Սույն կարգի կիրառության իմաստով՝ հաշվետու ժամանակաշրջանի համար ներկայացված մեկից ավելի  տեղեկատվությունից առաջինը համարվում է հաշվետու ժամանակաշրջանի համար ներկայացված, իսկ մյուսները` ճշգրտված տեղեկատվություն:».

3) Կարգի՝

ա. N 1 հավելվածով սահմանված ցանկը շարադրել նոր խմբագրությամբ՝ համաձայն N 1 հավելվածի.

բ. N 2 հավելվածը լրացնել 2-16 և 2-17 ձևերով՝ համաձայն N 2 հավելվածի:

2. Սույն որոշումն ուժի մեջ է մտնում 2020 թվականի հունվարի 1-ից:

Հավելված N 1 Հայաստանի Հանրապետության հանրային ծառայությունները կարգավորող հանձնաժողովի 2019 թվականի հոկտեմբերի 9-ի N 376-Ն որոշման

«Հավելված N 1 Հայաստանի Հանրապետության հանրային ծառայությունները կարգավորող հանձնաժողովի 2008 թվականի հունիսի 6-ի N 308-Ն որոշմամբ հաստատված կարգի

ՑԱՆԿ

ԼԻՑԵՆԶԱՎՈՐՎԱԾ ԱՆՁԱՆՑ ԿՈՂՄԻՑ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ՏԵՂԵԿԱՏՎՈՒԹՅԱՆ

N/N	Լիցենզավորված անձի անվանումը	Էլեկտրական էներգիայի արտա-դրության լիցենզիա ունեցող անձ (30 ՄՎտ և ավելի տեղակայված հզորության հիդրո-էլեկտրա-կայան)	Էլեկտրական էներգիայի արտա-դրության լիցենզիա ունեցող անձ (վերա-կանգնվող էներգետիկ ռեսուրսների օգտա-գործմամբ աշխատող կայան, բացա-ռությամբ 30 ՄՎտ և ավելի տեղակայված հզորության հիդրո-էլեկտրա-կայանների)	Էլեկտրական էներգիայի (հզորության) և ջերմային էներգիայի արտա-դրության (ներառյալ դրանց համակցված արտա-դրության) լիցենզիա ունեցող անձ	Էլեկտրական էներգիայի արտա-դրության լիցենզիա ունեցող անձ (ատոմային էլեկտրա-կայան)	Էլեկտրական էներգիայի հաղորդման լիցենզիա ունեցող անձ	Էլեկտրաէներ-գետիկական համակարգի օպերատորի լիցենզիա ունեցող անձ	Էլեկտրաէներ-գետիկական համակարգի շուկայի օպերատորի ծառայու-թյունների մատուցման լիցենզիա ունեցող անձ	Էլեկտրական էներգիայի բաշխման լիցենզիա ունեցող անձ	Էլեկտրական էներգիայի մեծածախ առևտրի լիցենզիա ունեցող անձ	Էլեկտրական էներգիայի մատա-կարարման լիցենզիա ունեցող անձ
	Ներկայացվող տեղեկատվության անվանումը
1	2	3	4	5	6	7	8	9	10	11	12
1.	Տեղեկատվություն հիդրոէլեկտրակայանում (հիդրոէլեկտրակայանների համալիրում) արտադրված էլեկտրական էներգիայի (հզորության) վերաբերյալ (Հավելված N 2, Ձև 2-1)	●	---	---	---	---	---	---	---	---	---
2.	Տեղեկատվություն արտադրված էլեկտրական էներգիայի վերաբերյալ (Հավելված N 2, Ձև 2-2)	---	●	---	---	---	---	---	---	---	---
3.	Տեղեկատվություն ատոմային էլեկտրակայանում արտադրված էլեկտրական էներգիայի (հզորության) վերաբերյալ (Հավելված N 2, Ձև 2-3)	---	---	---	●	---	---	---	---	---	---
4.	Տեղեկատվություն ջերմային էլեկտրակայանում արտադրված էլեկտրական էներգիայի (հզորության) և ջերմային էներգիայի վերաբերյալ (Հավելված N 2, Ձև 2-4)	---	---	●	---	---	---	---	---	---	---
5.	Տեղեկատվություն հաղորդվող էլեկտրական էներգիայի վերաբերյալ (Հավելված N 2, Ձև 2-5)	---	---	---	---	●	---	---	---	---	---
6.	Տեղեկատվություն բաշխիչ ցանց մուտք գործող և առաքվող էլեկտրական էներգիայի վերաբերյալ (Հավելված N 2, Ձև 2-6)	---	---	---	---	---	---	---	●	---	---
7.	Տեղեկատվություն էլեկտրական էներգիայի (հզորության) կամ ջերմային էներգիայի արտադրության լիցենզիա ունեցող անձի ապրանքային արտադրանքի և դրա դիմաց վճարումների վերաբերյալ (Հավելված N 2, Ձև 2-7, Աղյուսակ 1) Տեղեկատվություն էլեկտրական էներգիայի (հզորության) կամ ջերմային էներգիայի արտադրության լիցենզիա ունեցող անձի կողմից գնված էներգակիրների և դրանց դիմաց վճարումների վերաբերյալ (Հավելված N 2, Ձև 2-7, Աղյուսակ 2) Տեղեկատվություն էլեկտրական էներգիայի (հզորության) բաշխման լիցենզիա ունեցող անձից արտահանման և սեփական ու տնտեսական կարիքների համար գնված էլեկտրական էներգիայի և դրա դիմաց վճարումների վերաբերյալ (Հավելված N 2, Ձև 2-7, Աղյուսակ 3)	●	---	●	●	---	---	---	---	---	---
8.	Տեղեկատվություն էլեկտրական էներգիայի (հզորության) բաշխման լիցենզիա ունեցող անձի կողմից գնված էլեկտրական էներգիայի (հզորության), ստացված ծառայությունների և դրանց դիմաց վճարումների վերաբերյալ (Հավելված N 2, Ձև 2-8)	---	---	---	---	---	---	---	●	---	---
9.	Տեղեկատվություն էլեկտրական էներգիայի (հզորության) հաղորդման լիցենզիա ունեցող անձի ապրանքային արտադրանքի և դրա դիմաց վճարումների վերաբերյալ (Հավելված N 2, Ձև 2-9)	---	---	---	---	●	---	---	---	---	---
10.	Տեղեկատվություն էլեկտրաէներգետիկական համակարգի շուկայի օպերատորի ծառայությունների մատուցման և էլեկտրաէներգետիկական համակարգի օպերատորի լիցենզիա ունեցող անձանց կողմից մատուցված ծառայությունների և դրանց դիմաց վճարումների վերաբերյալ (Հավելված N 2, Ձև 2-10)	---	---	---	---	---	●	●	---	---	---
11.	Տեղեկատվություն էլեկտրական էներգիայի (հզորության) արտադրության լիցենզիա ունեցող անձանց ապրանքային արտադրանքի վերաբերյալ (Հավելված N 2, Ձև 2-11, Աղյուսակ 1) Տեղեկատվություն էլեկտրաէներգետիկական համակարգին ծառայություններ մատուցող անձանց ապրանքային արտադրանքի վերաբերյալ (Հավելված N 2, Ձև 2-11, Աղյուսակ 2)	---	---	---	---	---	---	●	---	---	---
12.	Տեղեկատվություն էլեկտրական էներգիայի բաշխման լիցենզիա ունեցող անձի ապրանքային արտադրանքի և հավաքագրումների վերաբերյալ (Հավելված N 2, Ձև 2-12)	---	---	---	---	---	---	---	●	---	---
13.	Տեղեկատվություն վերականգնվող էներգետիկ ռեսուրսներ օգտագործող ինքնավար էներգաարտադրողի և էլեկտրական էներգիայի բաշխման լիցենզիա ունեցող անձի միջև իրականացվող էլեկտրական էներգիայի փոխհոսքերի վերաբերյալ (Հավելված N 2, Ձև 2-15)	---	---	---	---	---	---	---	●	---	---
14.	Տեղեկատվություն էլեկտրական էներգիայի մեծածախ առևտրի լիցենզիա ունեցող անձի կողմից գնված, վաճառված, ներկրված, արտահանված էլեկտրաէներգիայի և ստացված ծառայությունների վերաբերյալ (Հավելված N 2, Ձև 2-16)	---	---	---	---	---	---	---	---	●	---
15.	Տեղեկատվություն էլեկտրական էներգիայի մատակարարման լիցենզիա ունեցող անձի կողմից գնված, վաճառված, ներկրված էլեկտրաէներգիայի և ստացված ծառայությունների վերաբերյալ (Հավելված N 2, Ձև 2-17)	---	---	---	---	---	---	---	---	---	●

1. «●» նշանի դեպքում տեղեկատվությունը ներկայացվում է:

2. «-» նշանի դեպքում տեղեկատվությունը չի ներկայացվում:»:

Հավելված N 2 Հայաստանի Հանրապետության հանրային ծառայությունները կարգավորող հանձնաժողովի 2019 թվականի հոկտեմբերի 9-ի N 376-Ն որոշման

«Հավելված N 2 Հայաստանի Հանրապետության հանրային ծառայությունները կարգավորող հանձնաժողովի 2008 թվականի հունիսի 6-ի N 308-Ն որոշմամբ հաստատված կարգի

Ձև 2-16

ՏԵՂԵԿԱՏՎՈՒԹՅՈՒՆ ԷԼԵԿՏՐԱԿԱՆ ԷՆԵՐԳԻԱՅԻ ՄԵԾԱԾԱԽ ԱՌԵՎՏՐԻ ԼԻՑԵՆԶԻԱ ՈՒՆԵՑՈՂ ԱՆՁԻ ԿՈՂՄԻՑ ԳՆՎԱԾ, ՎԱՃԱՌՎԱԾ, ՆԵՐԿՐՎԱԾ, ԱՐՏԱՀԱՆՎԱԾ ԷԼԵԿՏՐԱԷՆԵՐԳԻԱՅԻ ԵՎ ՍՏԱՑՎԱԾ ԾԱՌԱՅՈՒԹՅՈՒՆՆԵՐԻ ՎԵՐԱԲԵՐՅԱԼ

1. Սույն ձևով սահմանված տեղեկատվությունը ներկայացվում է ամսական և ընթացիկ տարվա սկզբից աճողական արդյունքներով` մինչև հաշվետու ամսվան հաջորդող ամսվա 25-ը։

2. Սույն ձևում լրացվող դրամային մեծությունները ներառում են ավելացված արժեքի հարկը։

_____________________________________ (ընկերության ղեկավարի ստորագրությունը)		_______________________________________ (անունը, ազգանունը)
Կ.Տ. (առկայության դեպքում)

Ձև 2-17

ՏԵՂԵԿԱՏՎՈՒԹՅՈՒՆ ԷԼԵԿՏՐԱԿԱՆ ԷՆԵՐԳԻԱՅԻ ՄԱՏԱԿԱՐԱՐՄԱՆ ԼԻՑԵՆԶԻԱ ՈՒՆԵՑՈՂ ԱՆՁԻ ԿՈՂՄԻՑ ԳՆՎԱԾ, ՎԱՃԱՌՎԱԾ, ՆԵՐԿՐՎԱԾ ԷԼԵԿՏՐԱԷՆԵՐԳԻԱՅԻ ԵՎ ՍՏԱՑՎԱԾ ԾԱՌԱՅՈՒԹՅՈՒՆՆԵՐԻ ՎԵՐԱԲԵՐՅԱԼ

1. Սույն ձևով սահմանված տեղեկատվությունը ներկայացվում է ամսական և ընթացիկ տարվա սկզբից աճողական արդյունքներով` մինչև հաշվետու ամսվան հաջորդող ամսվա 25-ը։

2. Սույն ձևում լրացվող դրամային մեծությունները ներառում են ավելացված արժեքի հարկը։

_____________________________________ (ընկերության ղեկավարի ստորագրությունը)		_______________________________________ (անունը, ազգանունը)
Կ.Տ. (առկայության դեպքում)»: