ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

29 օգոստոսի 2017 թվականի

թիվ 104

քաղ. Մոսկվա

Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Արտաքին տնտեսական գործունեության ապրանքային անվանացանկի մեկնաբանման հիմնական 1-ին և 6-րդ կանոններին համապատասխան՝ Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8479 89 ենթադիրքում դասակարգվում է մեխանիկական և ջերմատեխնիկական սարքավորումներով կահավորված մետաղյա սիլոսը, որը նախատեսված է հացահատիկային և յուղատու մշակաբույսերի պահպանման, ինչպես նաև վերաբեռնման համար, և որը կազմված է հետևյալ բաղադրիչներից՝

գլանաձև կորպուս՝ հավաքված մետաղաթերթերից, կոշտության կողերից, դռներից, ելանցքներից, խցվածքներից և միակցման տարրերից.

կոնի ձևով տանիք՝ բեռնման և հսկման անցքերով, պատրաստված մետաղաթերթերից, հեծաններից, խցվածքներից և միակցման տարրերից.

ջերմաստիճանի հսկման համակարգ, ներառյալ՝ ամրացման տարրերով և ջերմաստիճանի չափման տվիչներով մալուխներ (ջերմային կախոցներ), տաքացման հսկման սարքեր.

դատարկման համակարգ (հեռացման պտուտակրիչ).

օդափոխման (օդավորման) համակարգ, որը ներառում է օդափոխիչներ և գալվանապատված թերթեր՝ ծակոտած մակերեսով։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի կոլեգիայի նախագահ՝

Տ. Սարգսյան

  Պաշտոնական հրապարակման օրը՝ 22 հունիսի 2022 թվական: