ԿՈԼԵԳԻԱ

Ո Ր Ո Շ ՈՒ Մ

4 օգոստոսի 2017 թվականի

թիվ 93

քաղ. Մոսկվա

ՎԻՆԻԼԱՅԻՆ ՊԱՍՏԱՌՆԵՐ ԱՐՏԱԴՐԵԼԻՍ ՕԳՏԱԳՈՐԾՎՈՂ ՊՈԼԻՎԻՆԻԼՔԼՈՐԻԴԻ ՀԻՄՔՈՎ ԽԱՌՆՈՒՐԴԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Մաքսային միության մաքսային օրենսգրքի 52-րդ հոդվածի 7-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Միկրոկախույթային կամ էմուլսիոն պոլիմերացումով ստացված պոլիվինիլքլորիդի հիմքով խառնուրդը՝ ներառյալ պլաստիֆիկատորը, լցանյութը, ներկող գունանյութը, նոսրացուցիչը և տարբեր հավելումներ, որն օգտագործվում է վինիլային պաստառներ արտադրելիս՝ որպես ծածկույթ, տարբեր տեխնոլոգիաների օգնությամբ դրա հիմքի վրա զետեղելու միջոցով, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 3904 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 60 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Տ. Սարգսյան

Պաշտոնական հրապարակման օրը՝ 22 հունիսի 2022 թվական: