հայաստանի հանրապետության նախագահի

հ ր ա մ ա ն ա գ ի ր ը

պետական սոցիալական ապահովագրության մուծումների դրույքաչափի եվ կենսաթոշակների նվազագույն չափի մասին

1. (կետն ուժը կորցրել է 25.01.93 ՆՀ-188)

2. Սահմանել, որ 1992 թվականի հունվարի 5-ից գյուղացիական տնտեսությունները պետական սոցիալական ապահովագրության մուծումներ են կատարում սեփականաշնորհված հողատարածքի համար` 1991 թվականի դրությամբ սահմանված կադաստրային զուտ եկամտից ամսական 3,3 տոկոսի չափով:

3. (կետն ուժը կորցրել է 25.01.93 ՆՀ-188)

4. 1992 թվականի հունվարի 5-ից Հայաստանի Հանրապետությունում բոլոր կենսաթոշակները բարձրացնել 140 ռուբլով, այն ավելացնելով կենսաթոշակի հիմնական չափին:

(4-րդ կետը փոփ. 01.03.92 ՆՀ-78)

5. Աշխատող բոլոր կենսաթոշակառուների կենսաթոշակների վճարումը 1992 թվականի հունվարի 5-ից կատարել սոցիալական ապահովության մարմինների միջոցով առանց սահմանափակումների` անկախ եկամտի կամ աշխատավարձի չափից:

6. Հայաստանի Հանրապետության կառավարությանը` 15-օրյա ժամկետում ընդունել սույն հրամանագրի կիրարկումն ապահովող համապատասխան ակտեր:

Հայաստանի Հանրապետության Նախագահ`	Լ. Տեր-Պետրոսյան
Երևան 4 հունվարի 1992 թ. ՆՀ-50