ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

9 հոկտեմբերի 2019 թվականի N 1436-Ա

ՊԱՏՎԻՐԱԿՈՒԹՅՈՒՆ ԲԵԼԳԻԱՅԻ ԹԱԳԱՎՈՐՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Հայաստանի Հանրապետության և Եվրոպական միության միջև Համապարփակ և ընդլայնված գործընկերության համաձայնագրի շրջանակներում՝ ՀՀ-ԵՄ Առևտրի հարցերով գործընկերության կոմիտեի երկրորդ նիստին, Աշխարհագրական նշումների հարցերով ենթակոմիտեի առաջին նիստին, «Կոնյակ» աշխարհագրական անվանման հետ կապված բանակցությունների երկրորդ փուլին և ԱՀԿ-ում ընթացող Հայաստանի Հանրապետության մաքսատուրքերի դրույքաչափերի փոփոխման բանակցությունների շրջանակներում ԵՄ պատվիրակության հետ հանդիպմանը մասնակցելու նպատակով 2019 թվականի հոկտեմբերի 15-18-ը Բելգիայի Թագավորություն (Բրյուսել) գործուղել պատվիրակություն` համաձայն հավելվածի:

2. Պատվիրակության՝ Բելգիայի Թագավորություն (Բրյուսել) գործուղման հետ կապված ծախսերը կատարել՝

1) Վարոս Սիմոնյանինը, Արտակ Քամալյանինը, Նաիրա Մարգարյանինը, Ավետիս Հովհաննիսյանինը, Արթուր Մայսուրյանինը, Ժորա Սարգսյանինը, Ալեն Մկրտչյանինը, Սերգեյ Շահնազարյանինը, Դավիթ Հովհաննիսյանինը` Հայաստանի Հանրապետության 2019 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Քրիստինե Համբարյանինը՝ Հայաստանի Հանրապետության էկոնոմիկայի նախարարության արտաբյուջետային միջոցների հաշվին.

3) Սուրեն Մելիք-Իսրայելյանինը՝ Հայաստանի Հանրապետության 2019 թվականի պետական բյուջեով հաստատված՝ Հայաստանի Հանրապետության պետական եկամուտների կոմիտեի կողմից կատարվող՝ 9006 ծրագրի 11001 միջոցառման գծով արտասահմանյան գործուղումների համար նախատեսված միջոցների հաշվին.

4) Արման Ալոյանինը` Հայաստանի Հանրապետության կենտրոնական բանկի հաշվին.

5) Վիվիանա Քալաեջյանինը՝ Հայաստանի Հանրապետության արտաքին գործերի նախարարության միջոցների հաշվին:

3. Հայաստանի Հանրապետության էկոնոմիկայի նախարարին՝ ապահովել գործուղումից վերադառնալուց հետո եռօրյա ժամկետում Վարոս Սիմոնյանի` Բելգիայի Թագավորություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը։

Հայաստանի Հանրապետության վարչապետ	Ն. Փաշինյան
2019 թ. հոկտեմբերի 9 Երևան

Հավելված ՀՀ վարչապետի 2019 թ. հոկտեմբերի 9-ի N 1436-Ա որոշման

Կ Ա Զ Մ

ԲԵԼԳԻԱՅԻ ԹԱԳԱՎՈՐՈՒԹՅՈՒՆ ԳՈՐԾՈՒՂՎՈՂ ՊԱՏՎԻՐԱԿՈՒԹՅԱՆ

Վարոս Սիմոնյան	- ՀՀ էկոնոմիկայի նախարարի տեղակալ (պատվիրակության ղեկավար)
Արտակ Քամալյան	- ՀՀ էկոնոմիկայի նախարարի տեղակալ
Նաիրա Մարգարյան	- ՀՀ էկոնոմիկայի նախարարի տեղակալ
Ավետիս Հովհաննիսյան	- ՀՀ էկոնոմիկայի նախարարի խորհրդական
Արթուր Մայսուրյան	- ՀՀ էկոնոմիկայի նախարարության Եվրամիության հետ տնտեսական համագործակցության վարչության պետ
Քրիստինե Համբարյան	- ՀՀ էկոնոմիկայի նախարարության Մտավոր սեփականության գործակալության պետի տեղակալ
Սուրեն Մելիք-Իսրայելյան	- ՀՀ պետական եկամուտների կոմիտեի միջազգային համագործակցության վարչության պետ (16.10.2019 թ.- 18.10.2019 թ.)
Ժորա Սարգսյան	- ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ (16.10.2019 թ.- 18.10.2019 թ.)
Ալեն Մկրտչյան	- ՀՀ արդարադատության նախարարության միջազգային իրավական համագործակցության վարչության պետի տեղակալ (16.10.2019 թ.- 18.10.2019 թ.)
Սերգեյ Շահնազարյան	- ՀՀ ֆինանսների նախարարության գնումների քաղաքականության վարչության պետ (16.10.2019 թ.- 18.10.2019 թ.)
Դավիթ Հովհաննիսյան	- Տնտեսական մրցակցության պաշտպանության պետական հանձնաժողովի գլխավոր քարտուղարի տեղակալի պաշտոնակատար (16.10.2019 թ.- 18.10.2019 թ.)
Արման Ալոյան	- ՀՀ կենտրոնական բանկի իրավաբանական վարչության պետի տեղակալ (16.10.2019 թ.- 18.10.2019 թ.)
Վիվիանա Քալաեջյան	- ՀՀ արտաքին գործերի նախարարության Եվրոպայի վարչության Եվրոպական միության բաժնի կցորդ (16.10.2019 թ.- 18.10.2019 թ.):

Հայաստանի Հանրապետության վարչապետի աշխատակազմի ղեկավար

Է. Աղաջանյան