ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

3 ապրիլի 2018 թվականի

թիվ 48

քաղ. Մոսկվա

ԲԺՇԿԱԿԱՆ ԱՐՏԱԴՐԱՏԵՍԱԿԻ ԳՐԱՆՑՄԱՆ ԴՈՍՅԵԻ ՓԱՍՏԱԹՂԹԵՐԻ ՏԵՍԱԿՆԵՐԻ ԴԱՍԱԿԱՐԳՉԻ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 31-րդ հոդվածին, «Եվրասիական տնտեսական միության շրջանակներում տեղեկատվական-հաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 4-րդ և 7-րդ կետերին համապատասխան և ղեկավարվելով Եվրասիական տնտեսական հանձնաժողովի կոլեգիայի 2015 թվականի նոյեմբերի 17-ի թիվ 155 որոշմամբ հաստատված՝ «Եվրասիական տնտեսական միության նորմատիվ-տեղեկատվական տեղեկությունների միասնական համակարգի մասին» հիմնադրույթով՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ բժշկական արտադրատեսակի գրանցման դոսյեի փաստաթղթերի տեսակների դասակարգիչը (այսուհետ՝ դասակարգիչ)։

2. Դասակարգիչը ներառել Եվրասիական տնտեսական միության նորմատիվ-տեղեկատվական տեղեկությունների միասնական համակարգի ռեսուրսների կազմում։

3. Սահմանել, որ՝

դասակարգիչը կիրառվում է սույն որոշումն ուժի մեջ մտնելու օրվանից.

դասակարգչի ծածկագրային նշագրերի կիրառումը պարտադիր է Եվրասիական տնտեսական միության շրջանակներում բժշկական արտադրատեսակների շրջանառության ոլորտում ընդհանուր գործընթացներ իրականացնելիս.

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի կոլեգիայի նախագահ՝

Տ. Սարգսյան

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2018 թվականի ապրիլի 3-ի թիվ 48 որոշմամբ

ԴԱՍԱԿԱՐԳԻՉ

բժշկական արտադրատեսակի գրանցման դոսյեի փաստաթղթերի տեսակների

Բաժնի ծածկագիրը	Փաստաթղթի տեսակի ծածկագիրը	Փաստաթղթի տեսակի անվանումը
01	Հայտեր
	0101	բժշկական արտադրատեսակի գրանցում անցկացնելու մասին հայտ
	0102	բժշկական արտադրատեսակի փորձաքննություն անցկացնելու մասին հայտ
	0103	բժշկական արտադրատեսակի գրանցման հավաստագրի կրկնօրինակ տրամադրելու մասին հայտ
	0104	բժշկական արտադրատեսակի գրանցման դոսյեում փոփոխություններ կատարելու մասին հայտ
	0105	բժշկական արտադրատեսակի գրանցման հավաստագրի գործողությունը դադարեցնելու (չեղյալ ճանաչելու) մասին հայտ
02	Լիազորագրեր
	0201	գրանցման դեպքում շահերը ներկայացնելու իրավունք տվող՝ արտադրողի լիազորագիր
03	Հայտարարագրեր
	0301	բժշկական արտադրատեսակների անվտանգության և արդյունավետության պահանջներին համապատասխանության մասին հայտարարագիր
	0302	բժշկական արտադրատեսակների անվտանգության և արդյունավետության պահանջներին համապատասխանության մասին հայտարարագրին համարժեք փաստաթուղթ
04	Որակի կառավարման համակարգի համապատասխանության սերտիֆիկատներ
	0401	ԻՍՕ 13485 ստանդարտի պահանջներին բժշկական արտադրատեսակներն արտադրողի որակի կառավարման համակարգի համապատասխանության սերտիֆիկատ
	0402	Եվրասիական տնտեսական միության անդամ պետության տարածաշրջանային ստանդարտի պահանջներին՝ բժշկական արտադրատեսակներն արտադրողի որակի կառավարման համակարգի համապատասխանության սերտիֆիկատ
	0403	Եվրասիական տնտեսական միության անդամ պետության ազգային ստանդարտի պահանջներին՝ բժշկական արտադրատեսակներն արտադրողի որակի կառավարման համակարգի համապատասխանության սերտիֆիկատ
05	Թույլատրող փաստաթղթեր (լիցենզիաներ)
	0501	արտադրողի երկրում արտադրության իրավունքը հաստատող՝ թույլատրող փաստաթուղթ
06	Երրորդ երկրներում բժշկական արտադրատեսակի գրանցումը հաստատող փաստաթուղթ
	0601	երրորդ երկրներում բժշկական արտադրատեսակի գրանցումը հաստատող փաստաթուղթ
07	Արտահանման, ազատ վաճառքի սերտիֆիկատներ
	0701	արտադրողի երկրում տրված՝ ազատ վաճառքի սերտիֆիկատ
	0702	արտադրողի երկրում տրված՝ արտահանման սերտիֆիկատ
	0703	արտադրողի երկրում տրված՝ ազատ վաճառքի սերտիֆիկատ (ռուսերեն թարգմանությամբ)
	0704	արտադրողի երկրում տրված՝ արտահանման սերտիֆիկատ (ռուսերեն թարգմանությամբ)
08	Բժշկական արտադրատեսակի նկարագրություն
	0801	բժշկական արտադրատեսակի համար տեղեկանք
	0802	բժշկական արտադրատեսակն ըստ նշանակության կիրառելու համար անհրաժեշտ պարագաների հետ միասին՝ բժշկական արտադրատեսակի ընդհանուր տեսքի լուսանկարչական պատկեր
09	Փաթեթվածքի և մականշվածքի մանրակերտեր
	0901	ռուսերենով մակնշման տեքստ պարունակող փաստաթուղթ
	0902	Եվրասիական տնտեսական միության անդամ պետության պետական լեզվով մակնշման տեքստ պարունակող փաստաթուղթ
	0903	բժշկական արտադրատեսակի փաթեթվածքի մանրակերտ
	0904	բժշկական արտադրատեսակի պիտակի մանրակերտ
	0905	բժշկական արտադրատեսակի սթիքերի մանրակերտ
10	Շահագործման հրահանգներ, ձեռնարկներ
	1001	բժշկական արտադրատեսակի շահագործման փաստաթուղթ՝ ռուսերենով
	1002	բժշկական արտադրատեսակի շահագործման փաստաթուղթ՝ Եվրասիական տնտեսական միության անդամ պետության պետական լեզվով
	1003	բժշկական արտադրատեսակի կիրառման հրահանգ՝ ռուսերենով
	1004	բժշկական արտադրատեսակի կիրառման հրահանգ՝ Եվրասիական տնտեսական միության անդամ պետության պետական լեզվով
	1005	բժշկական արտադրատեսակի սերվիսային սպասարկման ձեռնարկ
11	Ամփոփ տեղեկատվություն
	1101	բժշկական արտադրատեսակի օգտագործման հետ կապված անցանկալի իրադարձությունների և (կամ) դժբախտ դեպքերի մասին ամփոփ տեղեկատվություն
12	Հաշվետվություններ
	1201	արտադրության տեսչական ստուգման մասին հաշվետվություն
	1202	ռիսկերի վերլուծության մասին հաշվետվություն
	1203	բժշկական արտադրատեսակի արդյունավետության և անվտանգության կլինիկական ապացույցի մասին հաշվետվություն
	1204	կայունության հետազոտությունների մասին հաշվետվություն՝ փորձարկումների արդյունքների ռուսերեն նույնական թարգմանությամբ (պահպանման ժամկետ ունեցող արտադրատեսակների համար)
13	Ցանկեր
	1301	այն ստանդարտների ցանկ, որոնց համապատասխանում է բժշկական արտադրատեսակը
	1302	բժշկական արտադրատեսակի օգտագործման հետ կապված անցանկալի իրադարձությունների և (կամ) դժբախտ դեպքերի ցանկ
	1303	շուկայից բժշկական արտադրատեսակների հետկանչերի և (կամ) բացատրական ծանուցումների ցանկ
14	Պլաններ
	1401	հետվաճառքային փուլում բժշկական արտադրատեսակների անվտանգության և արդյունավետության մասին տվյալների հավաքման ու վերլուծության պլան
15	Արձանագրություններ
	1501	բժշկական արտադրատեսակի այն տեխնիկական փորձարկումների արձանագրությունը, որոնք անցկացվել են բժշկական արտադրատեսակների անվտանգության և արդյունավետության ընդհանուր պահանջներին, դրանց մակնշմանը և շահագործման փաստաթղթերին ներկայացվող պահանջներին այդ բժշկական արտադրատեսակի համապատասխանությունն ապացուցելու նպատակով
	1502	բժշկական արտադրատեսակի կենսաբանական ազդեցության գնահատման այն հետազոտությունների (փորձարկումների) արձանագրությունը, որոնք անցկացվել են բժշկական արտադրատեսակների անվտանգության և արդյունավետության ընդհանուր պահանջներին, դրանց մակնշմանը և շահագործման փաստաթղթերին ներկայացվող պահանջներին այդ բժշկական արտադրատեսակի համապատասխանությունն ապացուցելու նպատակով
	1503	չափման միջոցների տեսակի հաստատման նպատակով բժշկական արտադրատեսակների փորձարկումների արդյունքները հաստատող փաստաթուղթ
16	Բժշկական արտադրատեսակներ արտադրողների գրություններ
	1601	բժշկական արտադրատեսակն արտադրողի գրություն, որը պարունակում է բժշկական արտադրատեսակի ֆունկցիոնալ և տեխնիկական բնութագրերի վրա չազդող՝ բժշկական արտադրատեսակի անվանումը փոփոխելու անհրաժեշտության պատճառաբանված հիմնավորում
	1602	բժշկական արտադրատեսակն արտադրողի գրություն, որը պարունակում է բժշկական արտադրատեսակի լրակազմող տարրերի կազմի փոփոխությունների անհրաժեշտության պատճառաբանված հիմնավորում և հաստատում է դրա ֆունկցիոնալ ու տեխնիկական բնութագրերի վրա այդ փոփոխությունների ազդեցության բացակայությունը
	1603	բժշկական արտադրատեսակն արտադրողի գրություն, որը պարունակում է բժշկական արտադրատեսակի կիրառության ցուցումները փոփոխելու անհրաժեշտության պատճառաբանված հիմնավորում
	1604	բժշկական արտադրատեսակն արտադրողի գրություն, որը հաստատում է պատրաստի արտադրանքի արտադրական գործընթացում և դրա անվտանգության ու որակի հսկողության ընթացակարգում փոփոխությունների բացակայությունը
	1605	բժշկական արտադրատեսակն արտադրողի գրություն, որը պարունակում է փոփոխություններ կատարելու անհրաժեշտության հիմնավորում
17	Այլ փաստաթղթեր և տեղեկություններ
	1701	բժշկական արտադրատեսակների անվտանգության և արդյունավետության ընդհանուր պահանջներին, դրանց մակնշմանը և շահագործման փաստաթղթերին ներկայացվող պահանջներին՝ բժշկական արտադրատեսակի համապատասխանության մասին փաստաթուղթ
	1702	բժշկական արտադրատեսակի կենսաբանական անվտանգությունը հաստատող փաստաթուղթ
	1703	հատուկ ծրագրային ապահովման մասին տեղեկություններ՝ ներառյալ ծրագրային ապահովման վալիդացման մասին արտադրողից ստացված տեղեկատվությունը
	1704	բժշկական արտադրատեսակի կազմում ներառված դեղամիջոցների մասին տեղեկություններ պարունակող փաստաթուղթ
	1705	փաստաթուղթ, որը պարունակում է բժշկական արտադրատեսակի մշակման և արտադրության մասին տեղեկատվություն՝ ներառյալ արտադրության գործընթացների սխեմայի, արտադրության հիմնական փուլերի, փաթեթվածքի, փորձարկումների և վերջնական արտադրանքի թողարկման ընթացակարգի նկարագիրը
	1706	արտադրողի մասին տեղեկատվություն պարունակող փաստաթուղթ
	1707	մարքեթինգի մասին տեղեկատվություն պարունակող փաստաթուղթ
	1708	բժշկական արտադրատեսակի կիրառության հետ կապված անցանկալի իրադարձությունների և (կամ) դժբախտ դեպքերի, ինչպես նաև՝ նշված իրադարձություններին և (կամ) դեպքերին ի պատասխան՝ արտադրողի կողմից ձեռնարկված գործողությունների ուսումնասիրությանն առնչվող մոտեցման նկարագիր
	1708	բժշկական արտադրատեսակի կիրառության հետ կապված անցանկալի իրադարձությունների և (կամ) դժբախտ դեպքերի վերլուծության և (կամ) դրանց առնչությամբ ձեռնարկված շտկող գործողությունների նկարագիր
	1709	բժշկական արտադրատեսակի տեխնիկական բնութագրերի նկատմամբ պահանջներ սահմանող փաստաթուղթ
	1710	մանրէազերծման ընթացակարգի մասին տեղեկություններ՝ ներառյալ մանրէազերծման ընթացակարգի վալիդացման մասին տեղեկատվությունը, միկրոօրգանիզմների պարունակության մասով բժշկական արտադրատեսակի փորձարկման արդյունքները (կենսաբանական ծանրաբեռնվածության աստիճանը), պիրոգենությունը [ջերմածնություն], մանրէազերծումը (անհրաժեշտության դեպքում) (նշելով փորձարկումների անցկացման մեթոդները և փաթեթվածքի վալիդացման մասին տեղեկատվությունը)

II. Դասակարգչի անձնագիրը

Թիվ ը/կ	Տարրի նշագիրը		Նկարագրությունը
1	2		3
1	Ծածկագիրը		0_
2	Տիպը		2՝ դասակարգիչ
3	Անվանումը		բժշկական արտադրատեսակի գրանցման դոսյեի փաստաթղթերի տեսակների դասակարգիչ
4	Հապավումը		ԲԱԳԴՓՏԴ
5	Նշագիրը		ՄԴ 0_- 201 (խմբ. 1)
6	Տեղեկատուի (դասակարգչի) ընդունման (հաստատման) մասին ակտի վավերապայմանները		Եվրասիական տնտեսական հանձնաժողովի կոլեգիայի 2018 թվականի ապրիլի 3-ի թիվ 48 որոշում
7	Տեղեկատուն (դասակարգիչը) գործողության մեջ դնելու (կիրառումն սկսելու) ամսաթիվը		20 թ.
8	Տեղեկատուի (դասակարգչի) կիրառումը դադարեցնելու մասին ակտի վավերապայմանները		-
9	Տեղեկատուի (դասակարգչի) կիրառման ավարտի ամսաթիվը		-
10	Օպերատորը (օպերատորները)		RU, Առողջապահության ոլորտում վերահսկողության դաշնային ծառայություն
11	Նշանակությունը		նախատեսված է բժշկական արտադրատեսակի գրանցման դոսյեի փաստաթղթերի տեսակների մասին տեղեկություններ տրամադրելու համար
12	Անոտացիա (կիրառության ոլորտը)		կիրառվում է բժշկական արտադրատեսակների գրանցման հետ կապված ընթացակարգեր իրականացնելիս, այդ թվում՝ Եվրասիական տնտեսական միության շրջանակներում ընդհանուր գործընթացների իրագործման ժամանակ տեղեկատվական փոխգործակցության ապահովման համար
13	Առանցքային բառերը		գրանցման դոսյեի փաստաթուղթ, բժշկական արտադրատեսակի գրանցում
14	Այն ոլորտը, որտեղ իրականացվում են Եվրասիական տնտեսական միության մարմինների լիազորությունները		տեխնիկական կանոնակարգում
15	Միջազգային (միջպետական, տարածաշրջանային) դասակարգման օգտագործում		2՝ դասակարգչի մշակման ժամանակ միջազգային (միջպետական, տարածաշրջանային) դասակարգիչներ և (կամ) ստանդարտներ չեն կիրառվել
16	Եվրասիական տնտեսական միության անդամ պետությունների պետական տեղեկատուների (դասակարգիչների) առկայությունը		2՝ Եվրասիական տնտեսական միության անդամ պետություններում դասակարգիչը չունի անալոգներ
17	Համակարգման (դասակարգման) մեթոդը		2՝ ստորակարգային, աստիճանների (մակարդակների) թիվը՝ 2
18	Վարման մեթոդիկան		1 ՝ վարման կենտրոնացված ընթացակարգ: Դասակարգչի արժեքների ավելացումը, փոփոխումը կամ հանումը կատարվում է օպերատորի կողմից՝ Եվրասիական տնտեսական հանձնաժողովի ակտին համապատասխան: Արժեքը հանելու դեպքում դասակարգչի գրառումը նշվում է որպես չգործող հանելու օրվանից՝ նշելով դասակարգչի գրառման գործողության ավարտը կանոնակարգող՝ Եվրասիական տնտեսական հանձնաժողովի ակտը: Դասակարգչի գրառումների ծածկագրերը եզակի են, դասակարգչի գրառումների ծածկագրերի կրկնակի օգտագործում, այդ թվում՝ չգործող՝ չի թույլատրվում
19	Կառուցվածքը		դասակարգչի կառուցվածքի վերաբերյալ տեղեկատվությունը (դասակարգչի տողերի կազմը, դրանց արժեքների ոլորտները և ձևավորման կանոնները) նշված է սույն դասակարգչի III բաժնում
20	Տվյալների գաղտնիության աստիճանը		դասակարգչից տեղեկությունները վերաբերում են բաց հասանելիությամբ տեղեկատվությանը
21	Վերանայման սահմանված պարբերականությունը		սահմանված չէ
22	Փոփոխությունները		-
23	Հղում՝ տեղեկատուից (դասակարգչից) մանրամասն ներկայացված տեղեկություններին	դասակարգչից մանրամասն ներկայացված տեղեկությունները նշված են սույն դասակարգչի I բաժնում
24	Տեղեկատուից (դասակարգչից) տեղեկություններ տրամադրելու եղանակը	հրապարակում Եվրասիական տնտեսական միության տեղեկատվական պորտալում

III. Դասակարգչի կառուցվածքի նկարագրությունը

1. Սույն բաժնով սահմանվում են սույն դասակարգչի կառուցվածքին ներկայացվող պահանջները, այդ թվում՝ որոշվում են դասակարգչի վավերապայմանների կազմը և կառուցվածքը, վավերապայմանների արժեքների ոլորտներն ու դրանց ձևավորման կանոնները:

2. Սույն դասակարգչի վավերապայմանների կազմը և կառուցվածքը ներկայացված են այն աղյուսակում, որում ձևավորվում են հետևյալ դաշտերը (սյունակները)՝

«Վավերապայմանի արժեքի ոլորտը»՝ տարրի իմաստը (իմաստաբանական նշանակությունը) պարզաբանող տեքստ.

«Վավերապայմանի արժեքի ձևավորման կանոնները»՝ վավերապայմանի նշանակությունը հստակեցնող և դրա ձևավորման (լրացման) կանոնները սահմանող տեքստ կամ վավերապայմանի հնարավոր արժեքների բառային նկարագրություն.

«Բազմ.»՝ վավերապայմանի բազմաքանակություն (վավերապայմանի պարտադիր (կամընտրական) լինելը և վավերապայմանի հնարավոր կրկնությունների քանակը):

Փոխանցվող տվյալների վավերապայմանների բազմաքանակությունը նշելու համար օգտագործվում են հետևյալ նշագրերը՝

1՝ վավերապայմանը պարտադիր է, կրկնություններ չեն թույլատրվում.

n՝ վավերապայմանը պարտադիր է, պետք է կրկնվի n անգամ (n > 1).

1..* ՝ վավերապայմանը պարտադիր է, կարող է կրկնվել առանց սահմանափակումների.

n..* ՝ վավերապայմանը պարտադիր է, պետք է կրկնվի ոչ պակաս, քան n անգամ

(n > 1).

n..m՝ վավերապայմանը պարտադիր է, պետք է կրկնվի ոչ պակաս, քան n անգամ, և ոչ ավելի, քան m անգամ (n > 1, m > n).

0..1՝ վավերապայմանը կամընտրական է, կրկնություններ չեն թույլատրվում.

0..*՝ վավերապայմանը կամընտրական է, կարող է կրկնվել առանց սահմանափակումների.

0..m՝ վավերապայմանը կամընտրական է, կարող է կրկնվել ոչ ավելի, քան m անգամ (m > 1):

Աղյուսակ

Դասակարգչի կառուցվածքը և վավերապայմանների կազմը

Վավերապայմանի անվանումը	Վավերապայմանի արժեքի ոլորտը	Վավերապայմանի արժեքի ձևավորման կանոնները	Բազմ.
1. Բժշկական արտադրատեսակի գրանցման դոսյեի փաստաթղթերի տեսակների մասին տեղեկություններ	որոշվում է ներդրված վավերապայմանների արժեքների ոլորտներով	որոշվում է ներդրված վավերապայմանների ձևավորման կանոններով	1..*
1.1. Բժշկական արտադրատեսակի գրանցման դոսյեի փաստաթղթերի տեսակների դասակարգչի բաժնի ծածկագիրը	պայմանանշանների նորմալացված տողը: Ձևանմուշը՝ \d{2}	ծածկագրային նշագիրը ձևավորվում է ծածկագրման հաջորդական մեթոդի օգտագործմամբ	1
1.2. Բժշկական արտադրատեսակի գրանցման դոսյեի փաստաթղթերի տեսակների դասակարգչի բաժնի անվանումը	պայմանանշանների տողը: Նվազ. երկարությունը՝ 1. Առավ. երկարությունը՝ 4000	ձևավորվում է ռուսերենով բառակապակցության տեսքով	1
1.3. Բժշկական արտադրատեսակի գրանցման դոսյեի փաստաթղթի տեսակի մասին տեղեկություններ	որոշվում է ներդրված վավերապայմանների արժեքների ոլորտներով	որոշվում է ներդրված վավերապայմանների ձևավորման կանոններով	1..*
1.3.1. Բժշկական արտադրատեսակի գրանցման դոսյեի փաստաթղթի տեսակի ծածկագիրը	պայմանանշանների նորմալացված տողը: Ձևանմուշը՝ \d{4}	ծածկագրային նշագիրը ձևավորվում է ծածկագրման հաջորդական մեթոդի օգտագործմամբ	1
1.3.2. Բժշկական արտադրատեսակի գրանցման դոսյեի փաստաթղթի տեսակի անվանումը	պայմանանշանների տողը: Նվազ. երկարությունը՝ 1. Առավ. երկարությունը՝ 4000	ձևավորվում է ռուսերենով բառակապակցության տեսքով	1
1.3.3. Տեղեկատուի (դասակարգչի) գրառման մասին տեղեկություններ	որոշվում է ներդրված վավերապայմանների արժեքների ոլորտներով	որոշվում է ներդրված վավերապայմանների ձևավորման կանոններով	1
*.1. Գործողության մեկնարկի ամսաթիվը	ամսաթվի նշագիրը՝ ԳՕՍՏ ԻՍՕ 8601-2001-ին համապատասխան՝ [տարի, ամիս, օր] «YYYY-MM-DD» ձևաչափով	համապատասխանում է Եվրասիական տնտեսական միության մարմնի ակտում նշված՝ գործողության մեկնարկի ամսաթվին	1
*.2. Տեղեկատուի (դասակարգչի) գրառման գործողության մեկնարկը կանոնակարգող ակտի մասին տեղեկություններ	որոշվում է ներդրված վավերապայմանների արժեքների ոլորտներով	որոշվում է ներդրված վավերապայմանների ձևավորման կանոններով	1
*.2.1. Ակտի տեսակը	պայմանանշանների նորմալացված տողը: Ձևանմուշը՝ \d{5}	ակտի ծածկագրային նշագիրը՝ միջազգային իրավունքի նորմատիվ իրավական ակտերի տեսակների դասակարգչին համապատասխան	1
*.2.2. Ակտի համարը	պայմանանշանների տողը: Նվազ. երկարությունը՝ 1. Առավ. երկարությունը՝ 50	համապատասխանում է Եվրասիական տնտեսական միության մարմնի ակտի համարին	1
*.2.3. Ակտի ամսաթիվը	ամսաթվի նշագիրը՝ ԳՕՍՏ ԻՍՕ 8601-2001-ին համապատասխան՝ «YYYY-MM-DD» [տարի, ամիս, օր] ձևաչափով	համապատասխանում է Եվրասիական տնտեսական միության մարմնի ակտի ընդունման ամսաթվին	1
*.3. Գործողության ավարտի ամսաթիվը	ամսաթվի նշագիրը՝ ԳՕՍՏ ԻՍՕ 8601-2001-ին համապատասխան՝ «YYYY-MM-DD» [տարի, ամիս, օր] ձևաչափով	համապատասխանում է Եվրասիական տնտեսական միության մարմնի ակտում նշված՝ գործողության ավարտի ամսաթվին	0..1
*.4. Տեղեկատուի (դասակարգչի) գրառման գործողության ավարտը կանոնակարգող ակտի մասին տեղեկություններ	որոշվում է ներդրված վավերապայմանների արժեքների ոլորտներով	որոշվում է ներդրված վավերապայմանների ձևավորման կանոններով	0..1
*.4.1. Ակտի տեսակը	պայմանանշանների նորմալացված տողը: Ձևանմուշը՝ \d{5}	ակտի ծածկագրային նշագիրը՝ միջազգային իրավունքի նորմատիվ իրավական ակտերի տեսակների դասակարգչին համապատասխան	1
*.4.2. Ակտի համարը	պայմանանշանների տողը: Նվազ. երկարությունը՝ 1. Առավ. երկարությունը՝ 50	համապատասխանում է Եվրասիական տնտեսական միության մարմնի ակտի համարին	1
*.4.3. Ակտի ամսաթիվը	ամսաթվի նշագիրը՝ ԳՕՍՏ ԻՍՕ 8601-2001-ին համապատասխան՝ «YYYY-MM-DD» [տարի, ամիս, օր] ձևաչափով	համապատասխանում է Եվրասիական տնտեսական միության մարմնի ակտի ընդունման ամսաթվին	1

Պաշտոնական հրապարակման օրը՝ 22 հունիսի 2022 թվական: