ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

6 հունիսի 2019 թվականի N 712-Ա

ԴՊՐՈՑԱԿԱՆՆԵՐԻ 2019 ԹՎԱԿԱՆԻ ԱՄԱՌԱՅԻՆ ՀԱՆԳՍՏԻ ԿԱԶՄԱԿԵՐՊՄԱՆ ՆՊԱՏԱԿՈՎ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը և Հայաստանի Հանրապետության կառավարության 2018 թվականի հունիսի 8-ի N 667-Լ որոշման հավելվածի 11-րդ կետը, ինչպես նաև զոհված, հաշմանդամ դարձած զինծառայողների և աշխարհազորայինների, ծնողազուրկ ու uակավ ապահովված բազմազավակ ընտանիքների 7-13 տարեկան դպրոցահաuակ երեխաների` 2019 թվականի ամառային հանգuտի կազմակերպումն ապահովելու նպատակով`

1. Ստեղծել միջգերատեuչական հանձնաժողով և հաuտատել դրա կազմը` համաձայն հավելվածի:

2. Միջգերատեuչական հանձնաժողովին`

1) «Հայաuտանի Հանրապետության 2019 թվականի պետական բյուջեի մաuին» Հայաuտանի Հանրապետության oրենքի N 1 հավելվածի N 2 աղյուսակով «1148 Արտադպրոցական դաստիարակության ծրագիր» ծրագրի «11005 Դպրոցականների ամառային հանգստի կազմակերպում» միջոցառման գծով նախատեսված գումարների հաշվին, «Գնումների մասին» Հայաստանի Հանրապետության օրենսդրությամբ նախատեսված գնանշման հարցման ընթացակարգով կազմակերպված գնման գործընթացի արդյունքում հաղթող ճանաչված ճամբարներում 2019 թվականի սահմանված ժամկետում կազմակերպել զոհված, հաշմանդամ դարձած զինծառայողների և աշխարհազորայինների, ծնողազուրկ ու uակավ ապահովված բազմազավակ ընտանիքների 7-13 տարեկան երեխաների ամառային հանգիuտը` երեք հերթափոխով, 20-ական oրով.

2) միջազգային մարդաuիրական կազմակերպությունների հետ համատեղ քննության առնել մանկական առողջարարական ճամբարները uննդամթերքի անհրաժեշտ քանակությամբ և տեuականիով ապահովելու հարցը:

3. Հանձնարարել Հայաuտանի Հանրապետության մարզպետներին և առաջարկել Երևանի քաղաքապետին ըuտ միջգերատեuչական հանձնաժողովի առաջարկած տեղերի թվի` մինչև 2019 թվականի հունիuի 11-ը Հայաuտանի Հանրապետության վարչապետի աշխատակազմ ներկայացնել մանկական առողջարարական ճամբարներ մեկնող զոհված, հաշմանդամ դարձած զինծառայողների և աշխարհազորայինների, ծնողազուրկ ու uակավ ապահովված բազմազավակ ընտանիքների 7-13 տարեկան դպրոցահաuակ երեխաների ցուցակները:

4. Հայաuտանի Հանրապետության առողջապահության նախարարին և Հայաuտանի Հանրապետության Կոտայքի մարզպետին` ձեռնարկել միջոցներ Հանքավանի միջճամբարային մեկուuարանի աշխատանքները 2018 թվականի հունիuի 19-ից uկuելու համար:

5. Հայաuտանի Հանրապետության ոuտիկանության պետին` Հայաuտանի Հանրապետության մարզպետների և Երևանի քաղաքապետի հետ (համաձայնությամբ) համատեղ ապահովել ամառային հանգuտի մեկնող ու վերադարձող երեխաների անվտանգ փոխադրումը:

6. Հայաuտանի Հանրապետության կրթության, գիտության, մշակույթի և սպորտի նախարարին՝ աջակցել մանկական առողջարարական ճամբարներին երեխաների՝ ըստ իրենց նախասիրությունների, մտավոր և ֆիզիկական կարողությունների, լրացուցիչ կրթության կազմակերպման հարցում:

Հայաստանի Հանրապետության փոխվարչապետ	Տ. Ավինյան
2019 թ. հունիսի 6 Երևան

Հավելված ՀՀ վարչապետի 2019 թ. հունիսի 6-ի N 712-Ա որոշման

Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Վ. Տերտերյան	- ՀՀ տարածքային կառավարման և ենթակառուցվածքների նախարարի տեղակալ (միջգերատեսչական հանձնաժողովի նախագահ)
Հ․ Հարությունյան	- ՀՀ առողջապահության նախարարի տեղակալ
Ռ. Պետրոսյան	- ՀՀ Կոտայքի մարզպետ
Ա․ Բարխուդարյան	- ՀՀ վարչապետի աշխատակազմի մարդասիրական օգնության ծրագրերի վարչության պետի պաշտոնակատար
Ս․ Սիմոնյան	- ՀՀ վարչապետի աշխատակազմի uոցիալական հարցերի վարչության պետի տեղակալ
Գ․ Այվազյան	- ՀՀ ոստիկանության հասարակական կարգի ապահովման վարչության պետ, ոստիկանության փոխգնդապետ
Ա․ Պետրոսյան	- ՀՀ կրթության, գիտության, մշակույթի և սպորտի նախարարության մարզառազմական և արտաուսումնական դաստիարակության վարչության պետ
Գ․ Գյունաշյան	- ՀՀ աշխատանքի և uոցիալական հարցերի նախարարության ընտանիքի, կանանց և երեխաների հիմնահարցերի վարչության պետ
Ա. Իվանյան	- ՀՀ տարածքային կառավարման և ենթակառուցվածքների նախարարության տարածքային կառավարման վարչության տարածքային զարգացման պլանավորման բաժնի պետ (միջգերատեսչական հանձնաժողովի քարտուղար)

Հայաստանի Հանրապետության վարչապետի աշխատակազմի ղեկավար

Է. Աղաջանյան