ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մայիսի 2019 թվականի N 673-Ա

ՆԵՐԴՐՈՒՄԱՅԻՆ ԾՐԱԳՐԻՆ ՀԱՎԱՆՈՒԹՅՈՒՆ ՏԱԼՈՒ, ԱՐՄԵՆ ՏԵՐ-ՏԱՃԱՏՅԱՆԻՆ ՈՒՂՂԱԿԻ ՎԱՃԱՌՔԻ ՁԵՎՈՎ ՀՈՂԱՄԱՍ ՕՏԱՐԵԼՈՒՆ ԵՎ ՈՒՂՂԱԿԻ ՁԵՎՈՎ ԿԱՌՈՒՑԱՊԱՏՄԱՆ ԻՐԱՎՈՒՆՔՈՎ ՀՈՂԱՄԱՍ ՏՐԱՄԱԴՐԵԼՈՒՆ ՀԱՄԱՁԱՅՆՈՒԹՅՈՒՆ ՏԱԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ ՄԱՐՏԻ 29-Ի N 340-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով հողային օրենսգրքի 48.1-ին հոդվածով, 49-րդ հոդվածի 1-ին մասի 14-րդ կետով, 66-րդ հոդվածի 1-ին մասի 5-րդ կետով, 76-րդ հոդվածի 5-րդ մասով, 85-րդ հոդվածի 1-ին մասով, «Նորմատիվ իրավական ակտերի մասին» օրենքի 33-րդ հոդվածի 1-ին մասի 3-րդ կետով ու Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 46.2-րդ կետի «է» ենթակետով՝ Հայաստանի Հանրապետության կառավարությունը  որոշում է.

1. Հավանություն տալ Արմեն Տեր-Տաճատյանի կողմից ներկայացված՝ Երևանի Ծիծեռնակաբերդի խճուղու 33 հասցեի և դրան հարակից՝ 1.422214 հա (1.309391+0.112823) և 0.2605 հա հողամասերում տեխնոլոգիական հագեցվածության շենքային համալիրի կառուցման ներդրումային ծրագրին (այսուհետ՝ ծրագիր)` համաձայն N 1 հավելվածի:

2. Համաձայնություն տալ Երևան համայնքի վարչական տարածքում գտնվող՝ Երևանի Ծիծեռնակաբերդի խճուղու 33 հասցեին հարակից համայնքային սեփականություն հանդիսացող՝ 1.422214 հա (1.309391+0.112823) մակերեսով, 98.983.095 դրամ կադաստրային արժեք ունեցող հողամասը Արմեն Տեր-Տաճատյանին ուղղակի վաճառքով օտարելուն, իսկ Հայաստանի Հանրապետության հողային օրենսգրքի 60-րդ հոդվածով նախատեսված սահմանափակումների ցանկում ընդգրկված 0.2605 հա հողամասը՝ ուղղակի ձևով կառուցապատման իրավունքով տրամադրելուն՝ որպես պետություն-համայնք-մասնավոր համագործակցություն՝ համաձայն N 2 հավելվածի։

3. Սահմանել, որ սույն որոշման 2-րդ կետում նշված հողամասերը կարող են օգտագործվել բացառապես տեխնոլոգիական հագեցվածության բազմաֆունկցիոնալ շենքային համալիրի կառուցման նպատակով և դրանց նպատակային նշանակությանը համապատասխան:

4. Առաջարկել Երևանի քաղաքապետին Արմեն Տեր-Տաճատյանի հետ համատեղ ապահովել սույն որոշման 2-րդ կետում նշված հողամասի ուղղակի ձևով օտարման և կառուցապատման իրավունքով տրամադրման պայմանագրերի` սահմանված կարգով կնքումը՝ պայմանագրերում նախատեսելով՝

1) ծրագիրն իրագործելու պարտավորությունը.

2) սույն որոշման 3-րդ կետում նշված պայմանները.

3) հողամասի ուղղակի ձևով կառուցապատման իրավունքի տրամադրման պայմանագրի ժամկետը՝ 99 տարի.

4) կառուցապատման իրավունքով տրամադրված 0.2605 հա հողամասը կարող է օտարվել ուղղակի վաճառքի ձևով, օրենքով սահմանված կարգով, հողային օրենսգրքի 60-րդ հոդվածով նախատեսված սահմանափակումների մեջ գտնվող հողամասերի ցանկից դուրս գալու դեպքում.

5) ծրագրի իրականացման նպատակով Արմեն Տեր-Տաճատյանի կողմից «Դալան Թեքնոլոջիս» փակ բաժնետիրական ընկերություն (այսուհետ՝ ընկերություն) հիմնադրելու և Երևան համայնքից սեփականության և կառուցապատման իրավունքով ձեռք բերվող համապատասխանաբար՝ 1.422214 հա և 0.2605 հա հողամասերը նշված ընկերության կանոնադրական կապիտալում ներդնելու դեպքում, որպես սահմանափակումներ, ընկերությանն են փոխանցվում սույն որոշման 4-րդ կետի հիման վրա կնքվող պայմանագրերում նշված պայմանները և պարտավորություններն ամբողջ ծավալով՝ Երևան համայնքի, Արմեն Տեր-Տաճատյանի և ընկերության միջև կնքվող պայմանագրին համապատասխան.

6) ավարտական ակտն ընկերությանը տրամադրելուց և կառուցված շենքի նկատմամբ սեփականության իրավունքը գրանցելուց հետո տեղեկատվական տեխնոլոգիաների ոլորտի Երևանի քաղաքային ծրագրերին օժանդակելու նպատակով վերջինս պարտավորվում է Երևան համայնքին նվիրել 300 քառ. մետր աշխատանքային (գրասենյակային) տարածք՝ վերանորոգված վիճակում.

7) հողամասի ուղղակի վաճառքի և ուղղակի ձևով կառուցապատման իրավունքի տրամադրման պայմանագրերի պայմանների խախտման համար պատասխանատվությունը և, որ պայմանագրերի նոտարական վավերացման և դրանցից բխող գույքային իրավունքների պետական գրանցման հետ կապված` օրենքով սահմանված համապատասխան վճարներն ու տուրքերը պետք է վճարվեն Արմեն Տեր-Տաճատյանի միջոցների հաշվին:

5. Հայաստանի Հանրապետության կառավարության 2018 թվականի մարտի 29-ի «Ներդրումային ծրագրին հավանություն տալու և «Խարիսխ» համահայկական, մշակութային բարեգործական հիմնադրամին հողամաս օտարելու մասին» N 340-Ա որոշման N 2 հավելվածը շարադրել նոր խմբագրությամբ՝ համաձայն N 3 հավելվածի:

Հայաստանի Հանրապետության վարչապետ	Ն. Փաշինյան
2019 թ. հունիսի 5 Երևան

Հավելված N 1 ՀՀ կառավարության 2019 թվականի մայիսի 30-ի N 673-Ա որոշման

Ն Ե Ր Դ Ր ՈՒ Մ Ա Յ Ի Ն   Ծ Ր Ա Գ Ի Ր

ԱՐՄԵՆ ՏԵՐ-ՏԱՃԱՏՅԱՆԻ ԿՈՂՄԻՑ ԻՐԱԿԱՆԱՑՎՈՂ

Հայաստանում բնակելի և առևտրային (կոմերցիոն) ենթակառուցվածքներն ստեղծվել են խորհրդային տարիներին և չեն համապատասխանում ներկայիս պահանջներին և միջազգային ստանդարտներին: Ժամանակի ընթացքում ստեղծվում են նորերը՝ նոր ստանդարտներին և պահանջներին համապատասխան:

Նման վիճակ է ստեղծվել նաև ՏՏ ոլորտում, որը ձևավորվել է 1999-2000 թվականներին: Հիմնականում ներգրավված ընկերություններն աշխատում են ամերիկյան և եվրոպական պատվիրատուների համար և պետք է ապահովեն միջազգային ստանդարտներ, այդ թվում՝ ֆիզիկական ենթակառուցվածքների նկատմամբ պահանջներ: Այդպիսիք Հայաստանում ուղղակի չկան: Հայկական ՏՏ ոլորտի ընկերությունները տեղակայված են խորհրդային տարիներին կառուցված շենքերում, որոնք ենթարկվել են որոշ ներքին փոփոխությունների, բայց դրանք չեն ապահովում որևէ պայման և ստանդարտ: ՏՏ ոլորտի ընկերությունները, որպես կանոն, չունեն սեփական շենքեր, նրանք հիմնականում դրանք վարձակալում են:

Ֆիզիկական ենթակառուցվածքների առկայությունը Հայաստանում դարձել է ՏՏ սեկտորի առաջխաղացման հիմնական նախապայմաններից մեկը:

Ներդրումային ծրագիրը նախատեսվում է իրականացնել 2.502714 հա (25027,14 քառ.մ) ընդհանուր մակերես ունեցող հողամասում, որից՝

- սեփականության իրավունքով հողամասի մակերես՝ 0.82 հա (8200 քառ.մ),

- Ծիծեռնակաբերդի խճուղուց դեպի շենք մոտեցումն ապահովելու համար լրացուցիչ անհրաժեշտ կառուցապատման իրավունքով հողամասի մակերեսը՝ 0.2605 հա (2605 քառ.մ), և 0.112823 հա (1128,23 քառ.մ) սեփականության իրավունքով,

- կառուցապատման, կանաչապատման և բարեկարգման համար լրացուցիչ սեփականության իրավունքով անհրաժեշտ հողամասի մակերեսը՝ 1.309391 հա (13093,91 քառ.մ):

Կառուցվող շինության ընդհանուր մակերեսը կազմում է՝ 152725 քառ.մ:

Շինության օգտակար մակերեսը կազմում է ՝ 144516 քառ.մ, որը բաղկացած է՝