ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

15 մայիսի 2019 թվականի N 547-Ա

ՀՐԱՉՅԱ ԱՇՈՒՂՅԱՆԻ ԹԱՂՄԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2006 թվականի նոյեմբերի 23-ի N 1910-Ն որոշման N 6 հավելվածի 2-րդ կետով և «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ կետով ՝

1. Հայաստանի Հանրապետության ժողովրդական արտիստ, բեմադրիչ Հրաչյա Աշուղյանի մահվան կապակցությամբ ստեղծել հանձնաժողով և հաստատել դրա անհատական կազմը՝ համաձայն հավելվածի:

2. Հայաստանի Հանրապետության ֆինանսների նախարարին՝ 20-օրյա ժամկետում Հայաստանի Հանրապետության վարչապետին ներկայացնել համապատասխան առաջարկություն հանձնաժողովի ներկայացրած հուղարկավորման ծախսերի մասին հաշվետվության հիման վրա:

Հայաստանի Հանրապետության փոխվարչապետ	Տ. Ավինյան
2019 թ. մայիսի 15 Երևան

Հավելված ՀՀ վարչապետի 2019 թ. մայիսի 15-ի N 547-Ա որոշման

Կ Ա Զ Մ

ՀՐԱՉՅԱ ԱՇՈՒՂՅԱՆԻ ԹԱՂՄԱՆ ՀԱՆՁՆԱԺՈՂՈՎԻ

Տ. Գալստյան	- ՀՀ մշակույթի նախարարի տեղակալ (հանձնաժողովի նախագահ)
Կ. Բրուտյան	- ՀՀ ֆինանսների նախարարի առաջին տեղակալ
Ա. Արզումանյան	- ՀՀ տրանսպորտի, կապի և տեղեկատվական տեխնոլոգիաների նախարարի տեղակալ
Ա. Գիլոյան	- ՀՀ տարածքային կառավարման և զարգացման նախարարության աշխատակազմի տեղական ինքնակառավարման քաղաքականության վարչության պետ
Լ. Հակոբյան	- ՀՀ առողջապահության նախարարի տեղակալ
Տ. Վիրաբյան	- Երևանի քաղաքապետի տեղակալ (համաձայնությամբ)
Վ. Մովսիսյան	- ՀՀ ոստիկանության պետի տեղակալ
Հովնան եպիսկոպոս Հակոբյան	- Մայր Աթոռ Սուրբ Էջմիածնի լուսարարապետ (համաձայնությամբ)
Ա. Սուքիասյան	- «Բնակչության հատուկ սպասարկում» ՀՈԱԿ-ի տնօրեն (համաձայնությամբ)
Հ. Ղազանչյան	- «Հայաստանի թատերական գործիչների միություն» ՀԿ նախագահ (համաձայնությամբ)
Լ. Արզումանյան	- «Երևանի թատրոնի և կինոյի պետական ինստիտուտ» ՊՈԱԿ-ի ռեկտորի պաշտոնակատար (համաձայնությամբ)
Ա. Համբարձումյան	- նկարիչ, բեմանկարիչ (համաձայնությամբ)
Լ. Աշուղյան	- Հ. Աշուղյանի դուստր (համաձայնությամբ)

Հայաստանի Հանրապետության փոխվարչապետ

Տ. Ավինյան