«ՀԵՏԲՈՒՀԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 4-ԳՄ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Հետբուհական կրթական ծրագրեր իրականացնող ուսումնական հաստատությունների և կազմակերպությունների գործունեության մասին» Ձև 4-գմ (տարեկան) վիճակագրական հաշվետվության ձևը՝ համաձայն հավելված 1-ի:

2. Հաստատել «Հետբուհական կրթական ծրագրեր իրականացնող ուսումնական հաստատությունների և կազմակերպությունների գործունեության մասին» Ձև 4-գմ (տարեկան) վիճակագրական հաշվետվության ձևի լրացման հրահանգը՝ համաձայն հավելված 2-ի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Նախագահ`

Ս. Մնացականյան

 1. Ասպիրանտների թվաքանակն ըստ գիտության ճյուղերի և մասնագիտությունների

1) Պետպատվեր

2) Վճարովի հիմունքներով

մարդ

2. Ասպիրանտների քանակական շարժը

մարդ

 3. Օտարերկրացի ասպիրանտների և հայցողների քանակական շարժը

 4. Օտարերկրյա ասպիրանտների թվաքանակն ըստ երկրների

մարդ

1) նրանցից՝ սփյուռքահայեր

մարդ

 5. Գիտության թեկնածուի գիտական աստիճան հայցողները, թեկնածուական թեզերի պաշտպանությունը

մարդ

 6. Դոկտորանտների թվաքանակն ըստ գիտության ճյուղերի և մասնագիտությունների

1) Պետպատվեր

մարդ

2) Վճարովի հիմունքներով

մարդ

 7. Օտարերկրյա դոկտորանտների թվաքանակն ըստ երկրների

մարդ

1) նրանցից՝ սփյուռքահայեր

մարդ

Հ Ր Ա Հ Ա Ն Գ

«ՀԵՏԲՈՒՀԱԿԱՆ ԿՐԹԱԿԱՆ ԾՐԱԳՐԵՐ ԻՐԱԿԱՆԱՑՆՈՂ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ 4-ԳՄ (ՏԱՐԵԿԱՆ) ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը կարգավորում է «Հետբուհական կրթական ծրագրեր իրականացնող ուսումնական հաստատությունների և կազմակերպությունների գործունեության մասին» Ձև 4-գմ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը կազմում են հետբուհական կրթություն իրականացնող բարձրագույն ուսումնական հաստատություններն ու գիտական կազմակերպությունները (այսուհետ՝ ռեսպոնդենտներ), որոնք այդ մասին նախապես տեղեկացվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է վիճակագրական կոմիտե՝ մինչև հաշվետու ժամանակաշրջանին հաջորդող տարվա փետրվարի 25-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտները լրացնում են՝ համաձայն «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

II. ԼՐԱՑՄԱՆ ԿԱՐԳԸ

6. Ասպիրանտների թվաքանակն ըստ գիտության ճյուղերի և մասնագիտությունների բաժինը ներառում է՝

1) Պետպատվեր ենթաբաժինը, որտեղ՝

ա. սյունակ 2-ում բերվում է գիտության ճյուղի և մասնագիտության կոդը, իսկ սյունակ 3-ում` անվանումը,

բ. սյունակներ 4-5-ում բերվում են հաշվետու տարում համապատասխանաբար արտադրությունից կտրված և առանց արտադրությունից կտրվելու ընդունվածների թվաքանակը,

գ. սյունակներ 6-11-ում բերվում են հաշվետու տարում փաստացի ավարտած ասպիրանտների մասին տվյալներ,

դ. սյունակներ 12-13-ում բերվում է տվյալներ ասպիրանտների թվաքանակի վերաբերյալ հաշվետու տարվան հաջորդող տարվա հունվարի 1-ի դրությամբ,

2) Վճարովի հիմունքներով ենթաբաժինը լրացվում է սույն հրահանգի 6-րդ կետի լրացման սկզբունքով՝ վճարովի հիմունքներով սովորող ասպիրանտների համար:

7. Ասպիրանտների քանակական շարժը

1) սյունակ 3-ում բերվում է ասպիրանտների թվաքանակը հաշվետու տարվան հաջորդող տարվա հունվարի 1-ի դրությամբ,

2) սյունակ 4-ում բերվում է հաշվետու տարում բարձրագույն ուսումնական հաստատություն ավարտած և նույն տարում ասպիրանտուրա ընդունվածների թվաքանակը,

3) սյունակ 5-ում բերվում է այլ կազմակերպություններից փոխադրված կամ վերականգնվածների թվաքանակը,

4) սյունակ 6-ում բերվում է հաշվետու տարվա ընթացքում տարբեր պատճառներով դուրս մնացած ասպիրանտների թվաքանակը,

5) սյունակ 7-ում բերվում է հաշվետու տարվան հաջորդող տարվա հունվարի 1-ի դրությամբ ուսուցման նախատեսված ժամկետից ավելի սովորող ասպիրանտների թվաքանակը:

8. Օտարերկրացի ասպիրանտների և հայցողների քանակական շարժը

1) սյունակ 2-ում բերվում է գիտության ճյուղի և մասնագիտության կոդը, իսկ սյունակ 3-ում` անվանումը,

2) սյունակներ 4-5-ում բերվում են հաշվետու տարում համապատասխանաբար արտադրությունից կտրված և առանց արտադրությունից կտրվելու օտարերկրացի ընդունվածների թվաքանակը,

3) սյունակներ 6-11-ում բերվում են տվյալներ հաշվետու տարում փաստացի ավարտած օտարերկրացի ասպիրանտների մասին տվյալներ,

4) սյունակ 12-13-ում բերվում է տվյալներ օտարերկրացի ասպիրանտների թվաքանակի վերաբերյալ հաշվետու տարվան հաջորդող տարվա հունվարի 1-ի դրությամբ:

9. Օտարերկրյա ասպիրանտների թվաքանակն ըստ երկրների

1) սյունակ 2-ում բերվում է երկրի անվանումը,

2) սյունակ 3-ում բերվում է ընդունված ասպիրանտների թվաքանակն ըստ համապատասխան երկրի,

3) սյունակ 5-ում բերվում է ասպիրանտների թվաքանակն ըստ համապատասխան երկրի, որից առանձնացվում է վճարովի հիմունքներով սովորողները (սյունակ 7),

4) սյունակ 9-ում բերվում է հաշվետու տարում ավարտած ասպիրանտների թվաքանակ,

5) սփյուռքահայեր ենթաբաժինը լրացվում է սույն հրահանգի 9-րդ կետին համապատասխան՝ սփյուռքահայ ասպիրանտների համար:

10. Գիտության թեկնածուի գիտական աստիճան հայցողները, թեկնածուական թեզերի պաշտպանությունը

1) սույն բաժնում բերվում են տվյալներ գիտության թեկնածուի աստիճան հայցողների, թեկնածուական թեզերի պաշտպանության վերաբերյալ: Գիտության թեկնածուի գիտական աստիճան հայցողների թվաքանակը ներառում է տվյալ բարձրագույն ուսումնական հաստատությանը կամ կազմակերպությանը կցված և ինքնուրույն (ասպիրանտուրայի կազմում չընդգրկված) թեզը պաշտպանության ներկայացնող անձանց թվաքանակը,

2) սյունակ 2-ում բերվում է գիտության ճյուղի և մասնագիտության կոդը, իսկ սյունակ 3-ում` անվանումը,

3) սյունակ 4-ում բերվում է գիտության թեկնածուի գիտական աստիճան հայցողների թվաքանակը հաշվետու տարվան հաջորդող տարվա հունվարի 1-ի դրությամբ,

4) սյունակ 5-ում բերվում է թեկնածուական թեզեր պաշտպանած հայցողների թվաքանակը հաշվետու տարում,

5) սյունակ 6-ում բերվում է մինչև հաշվետու տարին ասպիրանտուրայում սովորած, թեկնածուական թեզեր պաշտպանած, հայցողների թվաքանակը:

11. Դոկտորանտների թվաքանակն ըստ գիտության ճյուղերի և մասնագիտությունների բաժինը ներառում է՝

1) Պետպատվեր ենթաբաժինը, որտեղ՝

ա. սյունակ 2-ում բերվում է գիտության ճյուղի և մասնագիտության կոդը, իսկ սյունակ 3-ում` անվանումը,

բ. սյունակներ 4-ում բերվում է հաշվետու տարում ընդունված դոկտորանտների թվաքանակը, որից առանձնացվում է օտարերկրացի դոկտորանտների թվաքանակը (սյունակ 5),

գ. սյունակներ 6-11-ում բերվում են տվյալներ հաշվետու տարում փաստացի ավարտած դոկտորանտների մասին տվյալներ,

դ. սյունակ 12-ում բերվում է դոկտորանտների թվաքանակը հաշվետու տարվան հաջորդող տարվա հունվարի 1-ի դրությամբ, նրանցից առանձնացվում են օտարերկրացի դոկտորանտները (սյունակ 13) և նախատեսված ժամկետից ավելի պատրաստվողները (սյունակ 14):

2) Վճարովի հիմունքներով ենթաբաժինը լրացվում է սույն հրահանգի 11-րդ կետի լրացման սկզբունքով՝ վճարովի հիմունքներով սովորող ասպիրանտների համար:

12. Օտարերկրյա դոկտորանտների թվաքանակն ըստ երկրների

1) սյունակ 2-ում բերվում է երկրի անվանումը,

2) սյունակ 3-ում բերվում է ընդունված ասպիրանտների թվաքանակն ըստ համապատասխան երկրի,

3) սյունակ 5-ում բերվում է ասպիրանտների թվաքանակն ըստ համապատասխան երկրի, որից առանձնացվում է վճարովի հիմունքներով սովորողները,

4) սյունակ 9-ում բերվում է հաշվետու տարում ավարտած ասպիրանտների թվաքանակ,

5) սփյուռքահայեր ենթաբաժինը լրացվում է սույն հրահանգի 12-րդ կետին համապատասխան՝ սփյուռքահայ դոկտորանտների համար: