1.

Ծրագրի նպատակը

Հակահրդեհային նպատակով հատուկ տեխնիկայի (ջրի բաքով, պոմպով և այլ հակահրդեհային անհրաժեշտ սարքավորումներով հագեցած պիկապ ավտոմեքենաների), հատուկ հակահրդեհային արտահագուստի ձեռքբերում և սեփականության իրավունքով փոխանցում «Խոսրովի անտառ պետական արգելոց» և «Դիլիջան» ազգային պարկ» ՊՈԱԿ-ներին:

2.

Ծրագրի բարեգործական որակման նպատակը

Ծրագրի շրջանակներում օրենքով սահմանված կարգով օգտվել հարկային արտոնություններից՝ բարեգործի պահանջով, «Բնապահպանության նախարարության, Կովկասի Բնության Հիմնադրամի և «Բնապահպանական ծրագրերի իրականացման գրասենյակ» պետական հիմնարկի միջև 2018թ. մարտի 28-ին կնքված դրամաշներհային պայմանագրի 8-րդ կետի համաձայն:

3.

Բարեգործը

Կովկասի Բնության Հիմնադրամ
Թուլպենհոֆշտրասսե 18, 63067, Օֆֆենբախ, Գերմանիա

4.

Ծրագիրը կատարողը

Ծրագրի իրականացնողն է Կովկասի Բնության Հիմնադրամը:
«Բնապահպանական ծրագրերի իրականացման գրասենյակ» պետական հիմնարկը հանդիսանում է ծրագրի կատարման օպերատորը՝ գնումների իրականացման մասով:

5.

Ծրագրի իրականացման վայրը և բնագավառը

ՀՀ Արարատի և Տավուշի մարզեր,
Շրջակա միջավայրի պահպանություն

6.

Ծրագրի բյուջեն

Կովկասի Բնության Հիմնադրամի կողմից իրականացվող ծրագրի բյուջեն կազմում է 59 512 000 ՀՀ դրամ: Ծախսերի ուղղությունները և չափերը՝ ըստ կետ 9-ի:

7.

Բարեգործություն ստացողը

«Խոսրովի անտառ պետական արգելոց» և «Դիլիջան» ազգային պարկ» ՊՈԱԿ-ներ:

8.

Ծրագրի իրականացման տևողությունը

10.07.2018 – 31.12.2018թթ.

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Կովկասի Բնության Հիմնադրամի, ՀՀ բնապահպանության նախարարության և Բնապահպանական ծրագրերի իրականացման գրասենյակ պետական հիմնարկի միջև 2018 թվականի մարտի 28-ին կնքված դրամաշնորհի տրամադրման մասին պայմանագրի շրջանակներում ֆինանսավորվող 2018 թվականի ծրագիր` 10.07.2018 - 31.12.2018թթ. – 59 512.0 հազար ՀՀ դրամ, այդ թվում՝

1. Ամենագնաց պիկապ ավտոմեքենաների ձեռքբերում (որպես հակահրդեհային ավտոմեքենա վերափոխելու նպատակով)՝ 4 հատ (3-4-րդ եռամսյակ) – 54 500.0 հազար ՀՀ դրամ:

2. Վերափոխման նպատակով համալրող տեխնիկական սարքավորումների ձեռքբերում (3-4-րդ եռամսյակ) - 1464.0 հազար ՀՀ դրամ, այդ թվում.

● ջրի բաք` 1 տոննա տարողությամբ, 4 հատ - 300.0 հազար ՀՀ դրամ,

● բենզինային շարժիչով պոմպ՝ 4 հատ - 348.0 հազար ՀՀ դրամ,

● մեքենաների համար նախատեսված առաջին բուժօգնության պարագաներ - 64.0 հազար ՀՀ դրամ,

● ղեկի ձգանների պաշտպանիչ՝ 4 հատ - 200.0 հազար ՀՀ դրամ,

● փոխանցման տուփի պաշտպանիչ՝ 4 հատ - 200.0 հազար ՀՀ դրամ,

● այլ պարագաների (փողրակ ռետինե, կցոն-անցում, գործիքների հավաքածու, կցոն-անցում եռաբաշ, փական) ձեռքբերում - 352.0 հազար ՀՀ դրամ:

3. Հատուկ արտահագուստի ձեռքբերում /կիսաճտքավոր կոշիկ և համազգեստ/ (3-4-րդ եռամսյակ) – 1 920.0 հազար ՀՀ դրամ:

4. Կոնստրուկցիայի հավաքման և տեղադրման ծառայություն (3-4-րդ եռամսյակ)-1628.0 հազար ՀՀ դրամ:

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Ամենագնաց պիկապ ավտոմեքենաների ձեռքբերում (առնվազն 900 կգ բեռնատարողությամբ՝ որպես հակահրդեհային ավտոմեքենա վերափոխելու նպատակով) - 54 500.0 հազար ՀՀ դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

2. Վերափոխման նպատակով համալրող տեխնիկական սարքավորումների ձեռքբերում – 1 464.0 հազար ՀՀ դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

3. Հատուկ արտահագուստի ձեռքբերում (կիսաճտքավոր կոշիկ և համազգեստ) - 1920.0 հազար ՀՀ դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

4. Կոնստրուկցիայի հավաքման և տեղադրման ծառայություն (3-4-րդ եռամսյակ)–1628.0 հազար ՀՀ դրամ (գործարքի շրջանակներում ակնկալվում է ավելացված արժեքի հարկի վճարումից ազատում):

11.

Ծրագրի իրականացման հետ կապված կազմակերպչական ծախսերը

Ծրագրի իրականացման հետ կապված կազմակերպչական ծախսեր նախատեսված չեն:

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Բարեգործական ծրագրերի համակարգման խորհրդակցական հանձնաժողովի և ՀՀ բնապահպանության նախարարության հետ:

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հաշվետվություն է ներկայացվում բարեգործին, ՀՀ բնապահպանության նախարարությանը, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով լիազոր մարմնին: