ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

1 հոկտեմբերի 2018 թվականի N 1294-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2010 ԹՎԱԿԱՆԻ ՍԵՊՏԵՄԲԵՐԻ 29-Ի N 792-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի և «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. Հայաստանի Հանրապետության վարչապետի 2010 թվականի սեպտեմբերի 29-ի «Առևտրի, տնտեսական, տեխնոլոգիաների, գիտության, կրթության և մշակույթի բնագավառներում համագործակցության հայ-հնդկական միջկառավարական հանձնաժողովի հայկական կողմի կազմը հաստատելու և Հայաստանի Հանրապետության վարչապետի 2008 թվականի հուլիսի 21-ի N 526-Ա որոշումն ուժը կորցրած ճանաչելու մասին» N 792-Ա որոշման մեջ կատարել հետևյալ փոփոխությունները`

1) 1-ին կետում «հանրապետական գործադիր» բառերը փոխարինել «պետական կառավարման համակարգի» բառերով.

2) 2-րդ կետը շարադրել հետևյալ խմբագրությամբ՝

«2. Նշանակել`

1) Հայաստանի Հանրապետության արտաքին գործերի նախարարի տեղակալ Արմեն Պապիկյանին` հանձնաժողովի հայկական կողմի նախագահ.

2) Հայաստանի Հանրապետության արտաքին գործերի նախարարության Ասիայի, Օվկիանիայի և Աֆրիկայի երկրների վարչության պետ Արեգ Հովհաննիսյանին՝ հանձնաժողովի հայկական կողմի քարտուղար:»:

2. Որոշման հավելվածը շարադրել նոր խմբագրությամբ՝ համաձայն հավելվածի:

Հայաստանի Հանրապետության վարչապետ	Ն. Փաշինյան
2018 թ. հոկտեմբերի 1 Երևան

Հավելված ՀՀ վարչապետի 2018 թվականի հոկտեմբերի 1-ի N 1294-Ա որոշման        «Հավելված ՀՀ վարչապետի 2010 թվականի սեպտեմբերի 29-ի N 792-Ա որոշման

Ց Ա Ն Կ

ԱՌԵՎՏՐԻ, ՏՆՏԵՍԱԿԱՆ, ՏԵԽՆՈԼՈԳԻԱՆԵՐԻ, ԳԻՏՈՒԹՅԱՆ, ԿՐԹՈՒԹՅԱՆ ԵՎ ՄՇԱԿՈՒՅԹԻ ԲՆԱԳԱՎԱՌՆԵՐՈՒՄ ՀԱՄԱԳՈՐԾԱԿՑՈՒԹՅԱՆՆ ՈՒՂՂՎԱԾ ՀԱՅ-ՀՆԴԿԱԿԱՆ ՄԻՋԿԱՌԱՎԱՐԱԿԱՆ ՀԱՆՁՆԱԺՈՂՈՎԻ ՀԱՅԿԱԿԱՆ ԿՈՂՄԻ ԿԱԶՄՈՒՄ ԸՆԴԳՐԿՎՈՂ ՊԵՏԱԿԱՆ ԿԱՌԱՎԱՐՄԱՆ ՀԱՄԱԿԱՐԳԻ ԵՎ ԱՅԼ ՄԱՐՄԻՆՆԵՐԻ

- ՀՀ	վարչապետի աշխատակազմ
- ՀՀ	ազգային անվտանգության խորհուրդ
- ՀՀ	առողջապահության նախարարություն
- ՀՀ	արդարադատության նախարարություն
- ՀՀ	արտակարգ իրավիճակների նախարարություն
- ՀՀ	արտաքին գործերի նախարարություն
- ՀՀ	գյուղատնտեսության նախարարություն
- ՀՀ	կրթության և գիտության նախարարություն
- ՀՀ	մշակույթի նախարարություն
- ՀՀ	սփյուռքի նախարարություն
- ՀՀ	տնտեսական զարգացման և ներդրումների նախարարություն
- ՀՀ	տրանսպորտի, կապի և տեղեկատվական տեխնոլոգիաների նախարարություն
- ՀՀ	ֆինանսների նախարարություն
- ՀՀ	կենտրոնական բանկ (համաձայնությամբ)
- «Բիզնես Արմենիա» հիմնադրամ (համաձայնությամբ)
- Երևանի քաղաքապետարան (համաձայնությամբ)»:

Հայաստանի Հանրապետության վարչապետ

Ն. Փաշինյան