Ո Ր Ո Շ ՈՒ Մ

27 ապրիլի 2018 թվականի N 446-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2017 ԹՎԱԿԱՆԻ ՆՈՅԵՄԲԵՐԻ 27-Ի N 1373–Ա ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 2-րդ հոդվածի 1-ին մասը և 34-րդ հոդվածը`

1. Հայաստանի Հանրապետության վարչապետի 2017 թվականի նոյեմբերի 27-ի «Միջգերատեսչական աշխատանքային խումբ ստեղծելու, դրա անհատական կազմը և աշխատակարգը հաստատելու մասին» N 1373-Ա որոշման մեջ կատարել հետևյալ փոփոխությունները և լրացումը`

1) N 1 հավելվածի`

ա. առաջին պարբերությունում «տեղակալ» բառից առաջ լրացնել «առաջին» բառով,

բ. 15-րդ պարբերությունը շարադրել հետևյալ խմբագրությամբ.

«Ա. Մինասյան

-

ՀՀ կառավարությանն առընթեր քաղաքաշինության պետական կոմիտեի նախագահի գլխավոր խորհրդական:».

2) N 2 հավելվածի՝

ա. 5-րդ կետի 1-ին ենթակետում «դեկտեմբերի 1-ը» բառերը փոխարինել «նոյեմբերի 25-ը» բառերով, իսկ 2-րդ ենթակետում` «դեկտեմբերի 10-ը» բառերը՝ «դեկտեմբերի 5-ը» բառերով,

բ. 7-րդ կետում «դեկտեմբերի 5-ը» բառերը փոխարինել «դեկտեմբերի 1-ը» բառերով։

Հայաստանի Հանրապետության վարչապետի պաշտոնակատար	Կ. Կարապետյան
2018 թ. ապրիլի 27 Երևան