ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

2 մարտի 2018 թվականի N 213-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ԼԻԲԱՆԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. 2018 թվականի մարտի 12-13-ը պաշտոնական այցով Լիբանանի Հանրապետություն (Բեյրութ) գործուղել Հայաստանի Հանրապետության կառավարական պատվիրակություն` համաձայն հավելվածի:

2. Հայաստանի Հանրապետության կառավարական պատվիրակության կազմում ընդգրկել նաև Լիբանանի Հանրապետությունում Հայաստանի Հանրապետության արտակարգ և լիազոր դեսպան Սամվել Մկրտչյանին։

3. Հայաստանի Հանրապետության կառավարական պատվիրակության՝ Լիբանանի Հանրապետություն (Բեյրութ) գործուղման հետ կապված ծախսերը, այդ թվում՝ «Զվարթնոց» միջազգային օդանավակայանի պաշտոնական պատվիրակությունների սպասարկման սրահի և Բեյրութի օդանավակայանի սպասարկման սրահի ծախսերը՝ համաձայն փաստացի կատարված ծախսերը հիմնավորող փաստաթղթերի, կատարել՝

1) Կարեն Կարապետյանինը, Ստեփան Քարտաշյանինը, Արամ Արարատյանինը, Լևոն Մինասյանինը, Արսեն Նաջարյանինը, Վերգինե Ասլանյանինը, Արմեն Ալեքսանյանինը և Աշոտ Մանասարյանինը (վերջինիս համար նաև Երևան-Բեյրութ ճանապարհածախսը)` Հայաստանի Հանրապետության 2018 թվականի պետական բյուջեով Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների, իսկ ներկայացուցչական, փոխադրամիջոցների վարձակալման, թարգմանչական ծառայությունների և հուշանվերների ձեռքբերման հետ կապված ծախսերը՝ Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Սուրեն Կարայանինը, Հրանուշ Հակոբյանինը, Դավիթ Լոքյանինը, Իգնատի Առաքելյանինը, Արման Շահինյանինը և Տիգրան Մեհրաբյանինը՝ Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

3) Արմեն Պապիկյանինը և Լևոն Սարգսյանինը՝ Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների, իսկ Արման Աղաջանյանինը՝ Հայաստանի Հանրապետության արտաքին գործերի նախարարության «Պետական արարողակարգի ծառայություն» գործակալության միջոցների հաշվին.

4) Աննի Մանուկի և զանգվածային լրատվական միջոցների ներկայացուցիչների գիշերավարձի և օդանավակայաններում սպասարկման ծախսերը՝ Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին՝ համաձայն Հայաստանի Հանրապետության կառավարության աշխատակազմի ներկայացրած հաշվետվության։

4. Ընդունել ի գիտություն, որ Լիբանանի Հանրապետություն (Բեյրութ) գործուղման հետ կապված ծախսերը կատարվելու են՝

1) Արմեն Ավակ Ավակյանինը՝ Հայաստանի զարգացման հիմնադրամի միջոցների հաշվին.

2) Ալեքսանդր Խաչատուրյանինը՝ «Ռազմավարական նախաձեռնությունների կենտրոն» հիմնադրամի միջոցների հաշվին:

5. Հայաստանի Հանրապետության կառավարության աշխատակազմի ղեկավարին՝ կազմակերպել ինքնաթիռի չվերթ` 2018 թվականի մարտի 12-ին՝ Երևան-Բեյրութ, իսկ 2018 մարտի 13-ին ՝ Բեյրութ-Երևան երթուղով։

6. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` աջակցել Հայաստանի Հանրապետության կառավարության աշխատակազմին սույն որոշման 5-րդ կետում նշված չվերթի կազմակերպման հարցում։

7. Ինքնաթիռի չվերթի կազմակերպման հետ կապված ծախսերը կատարել Հայաստանի Հանրապետության 2018 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին՝ համաձայն Հայաստանի Հանրապետության կառավարության աշխատակազմի ներկայացրած հաշվետվության։

8. Հայաստանի Հանրապետության արտաքին գործերի նախարարին՝ լուծել Հայաստանի Հանրապետության կառավարական պատվիրակության` Լիբանանի Հանրապետություն մեկնելու հետ կապված հարցերը:

Հայաստանի Հանրապետության վարչապետ	Կ. Կարապետյան
2018 թ. մարտի 2 Երևան

Հավելված ՀՀ վարչապետի 2018 թ. մարտի 2-ի N 213-Ա որոշման

Կ Ա Զ Մ

2018 ԹՎԱԿԱՆԻ ՄԱՐՏԻ 12-13-Ը ԼԻԲԱՆԱՆԻ ՀԱՆՐԱՊԵՏՈՒԹՅՈՒՆ ՄԵԿՆՈՂ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ

Կ. Կարապետյան	- ՀՀ վարչապետ
Ս. Կարայան	- ՀՀ տնտեսական զարգացման և ներդրումների նախարար
Հ. Հակոբյան	- ՀՀ սփյուռքի նախարար
Դ. Լոքյան	- ՀՀ տարածքային կառավարման և զարգացման նախարար
Ի. Առաքելյան	- ՀՀ գյուղատնտեսության նախարար
Ա. Պապիկյան	-ՀՀ արտաքին գործերի նախարարի տեղակալ
Լ. Սարգսյան	- Հատուկ հանձնարարություններով դեսպան
Ս. Մկրտչյան	- Լիբանանի Հանրապետությունում ՀՀ արտակարգ և լիազոր դեսպան
Ա. Ավակ Ավակյան	- Հայաստանի զարգացման հիմնադրամի գործադիր տնօրեն (համաձայնությամբ) (06.03.2018 թ.-13.03.2018 թ.)
Ա. Խաչատուրյան	-«Ռազմավարական նախաձեռնությունների կենտրոն» հիմնադրամի գործադիր տնօրեն (համաձայնությամբ)
Ս. Քարտաշյան	- ՀՀ կառավարության աշխատակազմի արտաքին կապերի վարչության պետ
Ա. Արարատյան	- ՀՀ վարչապետի մամուլի քարտուղար
Ա. Աղաջանյան	- ՀՀ արտաքին գործերի նախարարության «Պետական արարողակարգի ծառայություն» գործակալության պետի տեղակալ (06.03.2018 թ.-13.03.2018 թ.)
Լ. Մինասյան	- ՀՀ կառավարության աշխատակազմի արտաքին կապերի վարչության արարողակարգի բաժնի պետ
Վ. Ասլանյան	- ՀՀ կառավարության աշխատակազմի տեղեկատվության և հասարակայնության հետ կապերի վարչության գլխավոր մասնագետ
Ա. Շահինյան	- «Հանրային կապերի և տեղեկատվության կենտրոն» ՊՈԱԿ-ի օպերատոր
Տ. Մեհրաբյան	- «Հանրային կապերի և տեղեկատվության կենտրոն» ՊՈԱԿ-ի լուսանկարիչ
Ա. Նաջարյան	- ՀՀ վարչապետի արարողակարգի պատասխանատու
Ա. Ալեքսանյան	- ՀՀ վարչապետի անվտանգության ծառայության պետ
Ա. Մանասարյան	- ՀՀ վարչապետի անվտանգության ծառայության աշխատող (06.03.2018 թ.-13.03.2018 թ.)
Ա. Մանուկ	- թարգմանիչ (համաձայնությամբ)
Վ. Հակոբյան	- «Շանթ» հեռուստաընկերության լրագրող (համաձայնությամբ)
Ս. Վանցյան	- «Շանթ» հեռուստաընկերության օպերատոր (համաձայնությամբ)
Հ. Բաղդասարյան	- Հայաստանի հանրային հեռուստաընկերության լրագրող (համաձայնությամբ)
Է. Դավթյան	- Հայաստանի հանրային հեռուստաընկերության օպերատոր (համաձայնությամբ)
Ն. Մուրադյան	- «Արմենիա» հեռուստաընկերության լրագրող (համաձայնությամբ)
Ա. Գալստյան	- «Արմենիա» հեռուստաընկերության օպերատոր (համաձայնությամբ)

Հայաստանի Հանրապետության կառավարության աշխատակազմի ղեկավար

Վ. Ստեփանյան