ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 մարտի 2018 թվականի N 324-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՆՈՅԵՄԲԵՐԻ 28-Ի N 1918-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության արդարադատության նախարարության աշխատակազմի իրավաբանական անձանց պետական ռեգիստրի գործակալության կառուցվածքում`

1) գործակալության սպասարկման և հրապարակային ծանուցումների բաժինը բաժանման ձևով վերակազմակերպել հրապարակային ծանուցումների բաժնի, Երևան քաղաքի սպասարկման բաժնի, տարածքային սպասարկման գրասենյակների համակարգման բաժնի.

2) գործակալության ինֆորմացիայի մշակման բաժինը բաժանման ձևով վերակազմակերպել տեղեկատվական տեխնոլոգիաների բաժնի և տեղեկատվության մշակման բաժնի:

2. Հայաստանի Հանրապետության կառավարության 2002 թվականի նոյեմբերի 28-ի «Հայաստանի Հանրապետության արդարադատության նախարարության աշխատակազմի իրավաբանական անձանց պետական ռեգիստրի գործակալության կանոնադրությունը և կառուցվածքը հաստատելու մասին» N 1918-Ն որոշման N 2 հավելվածը շարադրել նոր խմբագրությամբ՝ համաձայն հավելվածի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Կ. Կարապետյան
2018 թ. ապրիլի 3 Երևան

Հավելված ՀՀ կառավարության 2018 թվականի մարտի 29-ի N 324-Ն որոշման

«Հավելված N 2 ՀՀ կառավարության 2002 թվականի նոյեմբերի 28-ի N 1918-Ն որոշման

 Կ Ա Ռ ՈՒ Ց Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ ԻՐԱՎԱԲԱՆԱԿԱՆ ԱՆՁԱՆՑ ՊԵՏԱԿԱՆ ՌԵԳԻՍՏՐԻ ԳՈՐԾԱԿԱԼՈՒԹՅԱՆ

Շարժական գույքի նկատմամբ ապահովված իրավունքների գրանցման բաժին

Հասարակական միավորումների գրանցման բաժին

Տեղեկատվական տեխնոլոգիաների բաժին

Վերակազմակերպումների և հիմնադրամների գրանցման բաժին

Հրապարակային ծանուցումների բաժին

Երևան քաղաքի սպասարկման բաժին

Տարածքային սպասարկման գրասենյակների համակարգման բաժին

Տեղեկատվության մշակման բաժին

Գրանցման և հաշվառման բաժին»:

Հայաստանի Հանրապետության կառավարության աշխատակազմի ղեկավար

Վ. Ստեփանյան