ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 օգոստոսի 2017 թվականի N 929-Ա

ԷՐԻԿ ԳՐԻԳՈՐՅԱՆԻՆ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության բնապահպանության նախարարի առաջին տեղակալ Էրիկ Գրիգորյանին 2017 թվականի սեպտեմբերի 11-13-ը գործուղել Չինաստանի Ժողովրդական Հանրապետություն (Օրդոս)` ՄԱԿ-ի Անապատացման դեմ պայքարի կոնվենցիայի անդամ պետությունների խորհրդաժողովի 13-րդ նստաշրջանի բարձրաստիճան հատվածի հանդիպմանը մասնակցելու համար:

2. Ընդունել ի գիտություն, որ Էրիկ Գրիգորյանի՝ Չինաստանի Ժողովրդական Հանրապետություն (Օրդոս) գործուղման հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության բնապահպանության նախարարին` ապահովել գործուղումից վերադառնալուց հետո եռօրյա ժամկետում Էրիկ Գրիգորյանի՝ Չինաստանի Ժողովրդական Հանրապետություն գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության փոխվարչապետ	Վ. Գաբրիելյան
2017 թ. օգոստոսի 18 Երևան