ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հուլիսի 2017 թվականի N 885-Ն

ՖԻՆԱՆՍԱԿԱՆ ԵՐԱՇԽԻՔ ՏՎՈՂ ԻՐԱՎԱԲԱՆԱԿԱՆ ԱՆՁԱՆՑ ՆԵՐԿԱՅԱՑՎՈՂ ՉԱՓԱՆԻՇՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով Ընդերքի մասին Հայաստանի Հանրապետության օրենսգրքի 15-րդ հոդվածի 2-րդ մասի 22-րդ կետը` Հայաստանի Հանրապետության կառավարությունը որոշում է.

1. Սահմանել ֆինանսական երաշխիք տվող իրավաբանական անձանց նկատմամբ հետևյալ չափանիշները՝

1) իրավաբանական անձը՝ բանկը, այլ վարկային հաստատությունը կամ ապահովագրական կազմակերպությունը պետք է լինի «Հայաստանի Հանրապետության կենտրոնական բանկի մասին» Հայաստանի Հանրապետության օրենքով սահմանված կարգով Հայաստանի Հանրապետության կենտրոնական բանկի կողմից լիցենզավորված անձ.

2) ոչ ռեզիդենտ իրավաբանական անձը պետք է լինի ստորև նշված միջազգային վարկանշող կազմակերպություններից առնվազն մեկի կողմից վարկանշված անձ, որը պետք է ցածր չլինի հետևյալ վարկանիշային դասակարգումից՝

-	Ստանդարտ և Փուրզ	«A-»
-	Մուդիզ	«A3»
-	Ա. Մ. Բեստ	«A-»
-	Ֆիտչ	«A-»

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Կ. Կարապետյան
2017 թ. հուլիսի 27 Երևան