ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

19 ապրիլի 2017 թվականի N 375-Ա

ՊԱՏՎԻՐԱԿՈՒԹՅԱՆ՝ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության, Ռուսաստանի Դաշնության և Բելառուսի Հանրապետության քննչական կոմիտեների առաջին համատեղ կոլեգիայի նիստին և դրան նվիրված մյուս միջոցառումներին մասնակցելու նպատակով պատվիրակության անդամների՝ համաձայն հավելվածի, 2017 թվականի ապրիլի 25-29-ը Ռուսաստանի Դաշնություն (Սանկտ-Պետերբուրգ) գործուղման հետ կապված ծախսերը կատարել՝ Հայաստանի Հանրապետության 2017 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

2. Ընդունել ի գիտություն, որ պատվիրակության անդամների՝ Ռուսաստանի Դաշնություն (Սանկտ-Պետերբուրգ) գործուղման հետ կապված երկու օրվա գիշերավարձի ծախսերը կատարվելու են հրավիրող կողմի հաշվին:

Հայաստանի Հանրապետության վարչապետ	Կ. Կարապետյան
2017 թ. ապրիլի 19 Երևան

Հավելված ՀՀ վարչապետի 2017 թ. ապրիլի 19-ի N 375-Ա որոշման

Կ Ա Զ Մ

2017 ԹՎԱԿԱՆԻ ապրիլի 25-29-ը ՌՈՒՍԱՍՏԱՆԻ ԴԱՇՆՈՒԹՅՈՒՆ մեկնող ՊԱՏՎԻՐԱԿՈՒԹՅԱՆ

Ա. Հովսեփյան	- ՀՀ քննչական կոմիտեի նախագահ
Ա. Ղամբարյան	- ՀՀ քննչական կոմիտեի նախագահի տեղակալ
Հ. Գրիգորյան	- ՀՀ քննչական կոմիտեի նախագահի տեղակալ, զինվորական քննչական գլխավոր վարչության պետ
Ջ. Ֆարխոյան	- ՀՀ քննչական կոմիտեի Երևան քաղաքի քննչական վարչության պետ
Տ. Հովհաննիսյան	- ՀՀ քննչական կոմիտեի միջազգային հարցումների ապահովման բաժնի պետ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան