ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 8 դեկտեմբերի 2016 թվականի N 1247-Ա

 Համաձայն «Տեղական ինքնակառավարման մասին» Հայաստանի Հանրապետության օրենքի 57-րդ հոդվածի 6-րդ մասի և Հայաստանի Հանրապետության կառավարության 2006 թվականի հուլիսի 27-ի N 1098-Ն որոշմամբ հաստատված կարգի 7-րդ կետի` Հայաստանի Հանրապետության կառավարությունը որոշում է.

Համաձայնություն տալ Հայաստանի Հանրապետության Լոռու մարզի Ալավերդի քաղաքի Թումանյան 7/1 հասցեում գտնվող՝ պետական սեփականություն համարվող անշարժ գույքի օտարման արդյունքում Հայաստանի Հանրապետության Լոռու մարզի Ալավերդիի համայնքի ֆոնդային բյուջե մուտքագրված 2631.0 հազ. դրամ ֆինանսական միջոցները Հայաստանի Հանրապետության Լոռու մարզի Ալավերդիի համայնքի նախադպրոցական ուսումնական հաստատությունների համար գույքի ձեռքբերման աշխատանքների իրականացմանն ուղղելու ծրագրին:

Հայաստանի Հանրապետության վարչապետ	Կ. Կարապետյան
2016 թ. դեկտեմբերի 9 Երևան