ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

30 սեպտեմբերի 2016 թվականի N 894-Ա

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետը՝

1. Կենսաչափական անձնագրերի և նույնականացման քարտերի ավտոմատացված համակարգի, ինչպես նաև հավաստագրման կենտրոնի, բնակչության պետական ռեգիստրի համակարգերի տեխնիկական վիճակը և մատակարար կազմակերպության հետ իրավապայմանագրային դաշտը ուսումնասիրելու, հիշյալ համակարգերի հագեցվածությունը գնահատելու, դրանց հետագա վերազինման, արդիականացման և (կամ) նոր համակարգերով փոխարինելու վերաբերյալ առաջարկություններ ներկայացնելու նպատակով ստեղծել միջգերատեսչական աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին՝

1) երկամսյա ժամկետում ներկայացնել համակարգերի հետագա վերազինման, արդիականացման և (կամ) նոր համակարգերով փոխարինելու մասին առաջարկություն.

2) մեկամսյա ժամկետում, հաշվի առնելով սույն կետի 1-ին ենթակետով ներկայացված առաջարկության՝ հավանության արժանացած սկզբունքները՝ մշակել տեխնիկական առաջադրանք՝ մրցութային եղանակով կենսաչափական անձնագրերի և նույնականացման քարտերի նոր մատակարար ընտրելու նպատակով:

Հայաստանի Հանրապետության վարչապետ	Կ. Կարապետյան
2016 թ. սեպտեմբերի 30 Երևան

Հավելված ՀՀ վարչապետի 2016 թ. սեպտեմբերի 30-ի N 894-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ

Ա. Թունյան	- «Էլեկտրոնային կառավարման ենթակառուցվածքների ներդրման գրասենյակ» ՓԲԸ-ի տնօրեն (աշխատանքային խմբի ղեկավար)
Ս. Բարսեղյան	- ՀՀ կառավարության աշխատակազմի պետաիրավական վարչության պետի պաշտոնակատար
Ա. Գաբրիելյան	- ՀՀ ֆինանսների նախարարության աշխատակազմի իրավաբանական վարչության պետ
Մ. Բիչախչյան	- ՀՀ կառավարությանն առընթեր ՀՀ ոստիկանության անձնագրային և վիզաների վարչության պետ
Ա. Սանասարյան	- ՀՀ կառավարությանն առընթեր ՀՀ ոստիկանության անձնագրային և վիզաների վարչության բնակչության պետական ռեգիստրի վարման և սպասարկման բաժնի պետ
Գ. Ալեքսանյան	- ՀՀ արդարադատության նախարարության աշխատակազմի իրավական ակտերի փորձաքննության գործակալության գերատեսչական իրավական ակտերի փորձաքննության և գրանցման բաժնի պետ
Մ. Ղազարյան	- ՀՀ արտաքին գործերի նախարարության հեռահաղորդակցման բաժնի պետի պաշտոնակատար
Գ. Նավոյան	- ՀՀ կառավարությանն առընթեր ազգային անվտանգության ծառայության ԿԿՏՎ բաժնի պետի տեղակալ
Հ. Մինասյան	- «Էլեկտրոնային կառավարման ենթակառուցվածքների ներդրման գրասենյակ» ՓԲԸ-ի ծրագրերի ղեկավար
Լ. Ալավերդյան	- ՀՀ կառավարության աշխատակազմի պետաիրավական վարչության առաջատար մասնագետ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան