ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

26 հունվարի 2016 թվականի

թիվ 12

քաղ. Մոսկվա

ՄԻՋԼԱԲՈՐԱՏՈՐ ՀԱՄԵՄԱՏԱԿԱՆ ՓՈՐՁԱՐԿՈՒՄՆԵՐԻ (ՄԻՋԼԱԲՈՐԱՏՈՐ ԲԱՂԴԱՏՈՒՄՆԵՐԻ) ԱՆՑԿԱՑՄԱՆ ԿԱԶՄԱԿԵՐՊՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Չափումների միասնականության ապահովման ոլորտում համաձայնեցված քաղաքականություն անցկացնելու մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 10 հավելված) 9-րդ կետի 3-րդ ենթակետին համապատասխան և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 14-րդ կետին համապատասխան, ինչպես նաև «Համապատասխանության գնահատման մարմինների հավատարմագրման աշխատանքների արդյունքները ճանաչելու մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 11 հավելված)՝ միջլաբորատոր համեմատական փորձարկումների (միջլաբորատոր բաղդատումների) ապահովման և անցկացման կազմակերպման մասով 3-րդ կետի իրագործման նպատակով Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող «Միջլաբորատոր համեմատական փորձարկումների (միջլաբորատոր բաղդատումների) անցկացման կազմակերպման կարգը»:

Սահմանել, որ նշված Կարգը չի տարածվում Մաքսային միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում փորձարկման լաբորատորիաների (կենտրոնների) ներառման հետ կապված հարաբերությունների վրա՝ Մաքսային միության հանձնաժողովի 2010 թվականի հունիսի 18-ի թիվ 319 որոշմամբ հաստատված «Մաքսային միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում սերտիֆիկացման մարմինների և փորձարկման լաբորատորիաների (կենտրոնների) ներառման, ինչպես նաև միասնական ռեեստրի ձևավորման և վարման կարգի մասին» հիմնադրույթին համապատասխան:

2. Սույն Որոշումն ուժի մեջ է մտնում դրա պաշտոնական հրապարակման օրվանից 1 տարին լրանալուց հետո։

Եվրասիական տնտեսական հանձնաժողովի կոլեգիայի նախագահ`

Վ. Խրիստենկո

ՀԱՍՏԱՏՎԱԾ Է

Պաշտոնական հրապարակման օրը՝ 22 հունիսի 2022 թվական: