ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2002 ԹՎԱԿԱՆԻ ՕԳՈՍՏՈՍԻ 20-Ի ՆՀ-1159-Ն ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով Հայաստանի Հանրապետության Սահմանադրության 61-րդ հոդվածով և հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին կետի «բ» ենթակետը, ինչպես նաև հաշվի առնելով Հայաստանի Հանրապետության Սահմանադրությունում արդարադատության խորհրդի մասով կատարված փոփոխությունները` որոշում եմ.
1. Հայաստանի Հանրապետության Նախագահի 2002 թվականի օգոստոսի 20-ի «Հայաստանի Հանրապետության Նախագահի աշխատակազմի կանոնադրության և կառուցվածքի մասին» ՆՀ-1159-Ն հրամանագրում կատարել հետևյալ փոփոխությունները.
ա) հրամանագրով հաստատված՝ Հայաստանի Հանրապետության Նախագահի աշխատակազմի կանոնադրության՝
11-րդ կետի «թ» ենթակետն ուժը կորցրած ճանաչել,
16-րդ կետում «ՀՀ Նախագահի վերահսկողական ծառայության, արդարադատության խորհրդի քարտուղարության ղեկավարները» բառերը փոխարինել «ՀՀ Նախագահի վերահսկողական ծառայության ղեկավարը» բառերով,
17-րդ կետի «ե» ենթակետում «և արդարադատության խորհրդի քարտուղարության կանոնադրությունները» բառերը փոխարինել «կանոնադրությունը» բառով,
17-րդ կետի «զ» ենթակետից հանել «, արդարադատության խորհրդի քարտուղարության» բառերը.
բ) հրամանագրով հաստատված՝ Հայաստանի Հանրապետության Նախագահի աշխատակազմի կառուցվածքի 14-րդ կետն ուժը կորցրած ճանաչել:
2. Սույն հրամանագիրն ուժի մեջ է մտնում 2006 թվականի հունվարի 1-ից:
|
|
Ռ. Քոչարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|