ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

5 մայիսի 2016 թվականի N 376-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2011 ԹՎԱԿԱՆԻ ՄԱՅԻՍԻ 25-Ի N 462-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի՝

1. Հայաստանի Հանրապետության վարչապետի 2011 թվականի մայիսի 25-ի «Հայ-ավստրիական առևտրատնտեսական և գիտատեխնիկական համագործակցության խառը հանձնաժողովի հայկական կողմի կազմը հաստատելու և Հայաստանի Հանրապետության վարչապետի 2008 թվականի հուլիսի 21-ի N 520-Ա որոշումն ուժը կորցրած ճանաչելու մասին» N 462-Ա որոշման մեջ կատարել հետևյալ փոփոխությունները և լրացումները`

1) 2-րդ կետի 2-րդ ենթակետում «նախարարության աշխատակազմի Եվրոպայի վարչության պետի պարտականությունները կատարող Ա. Լիլոյանին» բառերը փոխարինել «նախարարի տեղակալ Կ. Նազարյանին» բառերով.

2) որոշման հավելվածում`

ա. հանել «ՀՀ սպորտի և երիտասարդության հարցերի նախարարություն» բառերը,

բ. «Զարգացման հայկական գործակալություն» ՓԲԸ» բառերը փոխարինել «Հայաստանի զարգացման հիմնադրամ» բառերով,

գ. լրացնել «ՀՀ տարածքային կառավարման և զարգացման նախարարություն», «ՀՀ մշակույթի նախարարություն» և «ՀՀ կրթության և գիտության նախարարություն» բառերով:

Հայաստանի Հանրապետության վարչապետ	Հ. Աբրահամյան
2016 թ. մայիսի 5 Երևան