ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

 29 հունվարի 2016 թվականի N 36-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ՝ ԻՐԱՔԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

 Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Տնտեսական համագործակցության հարցերով հայ-իրաքյան միջկառավարական համատեղ հանձնաժողովի երրորդ նիստին մասնակցելու նպատակով 2016 թվականի հունվարի 24-28-ը Իրաքի Հանրապետություն (Բաղդադ) պատվիրակության անդամների՝ համաձայն հավելվածի, գործուղման հետ կապված ծախսերը կատարել`

1) Արմեն Երիցյանինը՝ ճանապարհածախսը և օրապահիկի ծախսերը, Սերգեյ Խաչատրյանինը, Լևոն Շահվերդյանինը, Մեխակ Ապրեսյանինը և Անդրանիկ Պետրոսյանինը՝ Հայաստանի Հանրապետության 2016 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Սերգեյ Մանասարյանինը՝ ճանապարհածախսը և օրապահիկի ծախսերը, Լևոն Սարգսյանինը և Մհեր Մկրտումյանինը՝ Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին:

2. Ընդունել ի գիտություն, որ Արմեն Երիցյանի և Սերգեյ Մանասարյանի Իրաքի Հանրապետություն գործուղման հետ կապված գիշերավարձի ծախսերը կատարվելու են հրավիրող կողմի հաշվին:

3. Հայաստանի Հանրապետության տարածքային կառավարման և արտակարգ իրավիճակների նախարարին` եռօրյա ժամկետում Հայաստանի Հանրապետության կառավարության աշխատակազմ ներկայացնել Իրաքի Հանրապետություն գործուղման արդյունքների մասին հաշվետվությունը:

Հայաստանի Հանրապետության վարչապետ	Հ. Աբրահամյան
2016 թ. հունվարի 29 Երևան

Հավելված ՀՀ վարչապետի 2016 թ. հունվարի 29-ի N 36-Ա որոշման

Կ Ա Զ Մ

2016 ԹՎԱԿԱՆԻ հունվարի 24-28-Ը ԻՐԱՔԻ Հանրապետություն ՄԵԿՆած ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

Ա. Երիցյան	-ՀՀ տարածքային կառավարման և արտակարգ իրավիճակների նախարար (հանձնաժողովի նախագահ) (25. 01. 2016 թ.-28. 01. 2016 թ.)
Ս. Մանասարյան	-ՀՀ արտաքին գործերի նախարարի տեղակալ, հանձնաժողովի հայկական կողմի նախագահի տեղակալ
Լ. Սարգսյան	-Հատուկ հանձնարարություններով դեսպան
Ս. Խաչատրյան	-ՀՀ առողջապահության նախարարի տեղակալ
Լ. Շահվերդյան	-ՀՀ էներգետիկայի և բնական պաշարների նախարարի տեղակալ
Մ. Ապրեսյան	-ՀՀ էկոնոմիկայի նախարարության աշխատակազմի զբոսաշրջության զարգացման քաղաքականության վարչության պետ
Ա. Պետրոսյան	-ՀՀ գյուղատնտեսության նախարարության աշխատակազմի արտաքին կապերի վարչության պետ
Մ. Մկրտումյան	-ՀՀ արտաքին գործերի նախարարության աշխատակազմի Մերձավոր և Միջին Արևելքի վարչության Արաբական թերակղզու երկրների բաժնի պետ (հանձնաժողովի քարտուղար)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան