ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 նոյեմբերի 2015 թվականի N 1118-Ա

ԿԱՌՈՒՑԱՊԱՏՄԱՆ ՆԵՐԴՐՈՒՄԱՅԻՆ ԾՐԱԳՐԵՐԻ ՀԱՄԱԿԱՐԳՄԱՆ ԽՈՐՀՈՒՐԴ ՍՏԵՂԾԵԼՈՒ ԵՎ ԽՈՐՀՐԴԻ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով հաստատված կարգի 121-րդ կետի 2-րդ ենթակետը`

1. Ստեղծել կառուցապատման ներդրումային ծրագրերի համակարգման խորհուրդ և հաստատել դրա կազմը` համաձայն հավելվածի:

2. Հայաստանի Հանրապետության փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանին` Հայաստանի Հանրապետության քաղաքաշինության նախարարի հետ համատեղ մեկամսյա ժամկետում սահմանված կարգով Հայաստանի Հանրապետության վարչապետի հաստատմանը ներկայացնել կառուցապատման ներդրումային ծրագրերի համակարգման խորհրդի աշխատակարգը:

Հայաստանի Հանրապետության վարչապետ	Հ. Աբրահամյան
2015 թ. նոյեմբերի 25 Երևան

 

Հավելված ՀՀ վարչապետի 2015 թ. նոյեմբերի 25-ի N 1118-Ա որոշման

Կ Ա Զ Մ

կառուցապատման ներդրումային ԾՐԱԳՐԵՐԻ համակարգման ԽՈՐՀՐԴԻ

Վ. Գաբրիելյան	- ՀՀ փոխվարչապետ, միջազգային տնտեսական ինտեգրման և բարեփոխումների նախարար (խորհրդի նախագահ)
Ն. Սարգսյան	- ՀՀ քաղաքաշինության նախարար
Ա. Սահակյան	- ՀՀ կառավարությանն առընթեր պետական գույքի կառավարման վարչության պետ
Մ. Սարգսյան	- ՀՀ կառավարությանն առընթեր անշարժ գույքի կադաստրի պետական կոմիտեի նախագահ
Հ. Դավթյան	- ՀՀ վարչապետի գլխավոր խորհրդական
Ա. Մկրտչյան	- ՀՀ արդարադատության նախարարի առաջին տեղակալ
Կ. Արեյան	- Երևանի քաղաքապետի առաջին տեղակալ (համաձայնությամբ)
Ա. Բադալյան	- ՀՀ քաղաքաշինության նախարարի տեղակալ
Տ. Բարսեղյան	- ՀՀ ֆինանսների նախարարի տեղակալ
Ա. Մկրտչյան	- ՀՀ կենտրոնական բանկի խորհրդի անդամ (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան