15 դեկտեմբերի 2015 թ.

թիվ 263-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով հստակեցնել բանկերի կողմից Հայաստանի Հանրապետության կենտրոնական բանկ ներկայացվող հաշվետվությունների լրացման կարգը,

հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը, «Իրավական ակտերի մասին» Հայաստանի Հանրապետության օրենքի 16-րդ հոդվածը և 70-րդ հոդվածի 1-ին մասը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» և «իա» կետերով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ 3) կատարել հետևյալ լրացումները և փոփոխությունները.

1) Կանոնակարգ 3-ի 7-րդ կետում՝

ա. երկրորդ պարբերությունում «17-րդ,» բառից հետո լրացնել «17.1-ից 17.4-րդ,» բառերով,

բ. երկրորդ պարբերությունում «24.1.4» թվից հետո լրացնել «, 24.1.5» թիվը,

գ. երրորդ պարբերությունում «24.1.4» թիվը փոխարինել «24.1.5» թվով:

2) Կանոնակարգ 3-ի 25-րդ կետի 8)-րդ ենթակետում.

ա. 8-րդ պարբերությունում «արտերկրից» բառից հետո լրացնել «դեպի» բառը,

բ. 9-րդ պարբերությունը շարադրել հետևյալ խմբագրությամբ.

«ա. եթե ֆիզիկական անձի կողմից ստացված փոխանցման վճարողը իրավաբանական անձ է, ապա նշված միջոցը պետք է դասակարգել որպես «առևտրային»»,

գ. 10-րդ պարբերությունը շարադրել հետևյալ խմբագրությամբ.

«բ. եթե ֆիզիկական անձի կողմից ստացված փոխանցման վճարողը ֆիզիկական անձ է, ապա այն պետք է դիտարկել որպես ոչ առևտրային նպատակով իրականացված ստացում և ընդգրկել «ոչ առևտրային» սյունակում միայն այն դեպքում, եթե փոխանցվող գումարի չափը չի գերազանցում 10 000 ԱՄՆ դոլարը կամ դրան համարժեք գումարը ներառյալ»,

դ. 10-րդ պարբերությունից հետո լրացնել նոր պարբերություն` հետևյալ բովանդակությամբ.

«գ. եթե ֆիզիկական անձի կողմից ստացված փոխանցումները իրականացվել են դրամական փոխանցումների իրականացման միջազգային համակարգերով, ապա ստացումը դասակարգվում է որպես «ոչ առևտրային» (անկախ գումարի չափից), եթե բանկը չունի այլ տվյալներ, որը հանգեցնում է փոխանցումը դասակարգել որպես «առևտրային»:

3) Կանոնակարգ 3-ի Ձև թիվ 4 հաշվետվության 1-ին էջում 17-րդ սյունակից հետո լրացնել հետևյալ սյունակները.

Ամբողջական դրույքաչափի մեկ ութերորդի չափով պահուստավորման ենթակա ներգրավված միջոցներ
ՀՀ դրամ	ԱՄՆ դոլար	Եվրո	Այլ արտարժույթ
17.1	17.2	17.3	17.4

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ կենտրոնական բանկի նախագահ	Ա. Ջավադյան
2015 թ. դեկտեմբերի 17 Երևան