ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

9 սեպտեմբերի 2015 թվականի N 818-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված` Հայաստանի Հանրապետության կառավարության և նրան ենթակա պետական կառավարման այլ մարմինների գործունեության կազմակերպման կարգի 121-րդ կետի 2-րդ ենթակետը`

1. Պետական և ծառայողական գաղտնիք կազմող տեղեկություններին առնչվելու համար պետական պաշտոն զբաղեցնող անձանց հավելումներ տալու միասնական հիմքերի մշակման նպատակով ստեղծել աշխատանքային խումբ (այսուհետ` աշխատանքային խումբ) և հաստատել դրա կազմը` համաձայն հավելվածի:

2. Հանրապետական գործադիր մարմինների ղեկավարներին` սույն որոշումն ուժի մեջ մտնելուց հետո, աշխատանքային խմբում քննարկելու համար, Հայաստանի Հանրապետության ֆինանսների նախարարություն տասնօրյա ժամկետում ներկայացնել տեղեկատվություն իրենց կողմից ղեկավարվող մարմիններում պետական և ծառայողական գաղտնիք կազմող տեղեկություններին առնչվելու համար պետական պաշտոն զբաղեցնող անձանց հավելումներ տրամադրելու դեպքերի և չափերի, ինչպես նաև առաջարկություններ՝ նշված հավելումների տրման գործընթացը կանոնակարգելու վերաբերյալ:

3. Աշխատանքային խմբի ղեկավարին` սույն որոշումն ուժի մեջ մտնելուց հետո`

1) մեկամսյա ժամկետում ամփոփել սույն որոշման 2-րդ կետին համապատասխան հանրապետական գործադիր մարմինների կողմից տրամադրվելիք տեղեկատվությունը և առաջարկությունները.

2) եռամսյա ժամկետում Հայաստանի Հանրապետության վարչապետին սահմանված կարգով ներկայացնել առաջարկություններ պետական և ծառայողական գաղտնիք կազմող տեղեկություններին առնչվելու համար պետական պաշտոն զբաղեցնող անձանց հավելումների տրման խնդրին միասնական սկզբունքով լուծում տալու վերաբերյալ:

Հայաստանի Հանրապետության վարչապետ	Հ. Աբրահամյան
2015 թ. սեպտեմբերի 9 Երևան

Հավելված ՀՀ վարչապետի 2015 թ. սեպտեմբերի 9-ի N 818-Ա որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Դ. Համբարձումյան	-ՀՀ ֆինանսների նախարարության աշխատակազմի բյուջետային ծախսերի ֆինանսական ծրագրավորման վարչության պետ (խմբի ղեկավար)
Կ. Կրիտյան	-ՀՀ ֆինանսների նախարարության աշխատակազմի բյուջետային գործընթացի կառավարման վարչության հատուկ ծախսերի ֆինանսական ծրագրավորման բաժնի պետ
Ա. Մաթոսյան	-ՀՀ աշխատանքի և սոցիալական հարցերի նախարարության աշխատակազմի աշխատանքի և զբաղվածության վարչության աշխատավարձի քաղաքականության բաժնի պետ
Հ. Հարությունյան	-ՀՀ արդարադատության նախարարության աշխատակազմի օրենսդրության զարգացման և իրավական վերլուծությունների վարչության քրեաիրավական օրենսդրության բաժնի պետ
Ա. Հովհաննիսյան	-ՀՀ էկոնոմիկայի նախարարության աշխատակազմի առաջին բաժնի պետ
Ռ. Կարապետյան	-ՀՀ զինված ուժերի գլխավոր շտաբի ութերորդ բաժնի պետ
Ա. Մխիթարյան	-ՀՀ զինված ուժերի գլխավոր շտաբի կազմզորահավաքային վարչության պետի տեղակալ
Ա. Դադոյան	-ՀՀ կառավարությանն առընթեր ազգային անվտանգության ծառայության պայմանաիրավական վարչության պետի տեղակալ
Է. Նանյան	-ՀՀ կառավարությանն առընթեր ազգային անվտանգության ծառայության գլխավոր վարչության բաժանմունքի պետ
Ս. Խչեյան	-ՀՀ կառավարությանն առընթեր ՀՀ ոստիկանության ֆինանսաբյուջետային վարչության բյուջեի պլանավորման և կատարման բաժնի պետ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան