ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

26 օգոստոսի 2015 թվականի N 774-Ա

ԷՆԵՐԳԵՏԻԿԱՅԻ ԿԱՅՈՒՆ ԶԱՐԳԱՑՄԱՆ 6-ՐԴ ՄԻՋԱԶԳԱՅԻՆ ՀԱՄԱԺՈՂՈՎԸ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՆՑԿԱՑՆԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի` էներգետիկայի կայուն զարգացման 6-րդ միջազգային համաժողովը 2015 թվականի սեպտեմբերի 29-ից մինչև հոկտեմբերի 2-ը Հայաստանի Հանրապետությունում (Երևան) անցկացնելու կապակցությամբ՝

1. Հայաստանի Հանրապետության էներգետիկայի և բնական պաշարների նախարարին` ապահովել համաժողովի կազմակերպման հետ կապված միջոցառումների իրականացումը:

2. Հայաստանի Հանրապետության արտաքին գործերի նախարարին և Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին` համաժողովի բոլոր մասնակիցներին «Զվարթնոց» միջազգային օդանավակայանում ապահովել Հայաստանի Հանրապետություն մուտքի արտոնագրերով:

3. Հայաստանի Հանրապետության ֆինանսների նախարարին՝ համաժողովի կազմակերպման և անցկացման հետ կապված ծախսերը` 13,440.000 դրամի սահմաններում, կատարել Հայաստանի Հանրապետության 2015 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության էներգետիկայի և բնական պաշարների նախարարության կողմից ներկայացված հաշվետվության:

Հայաստանի Հանրապետության փոխվարչապետ	Վ. Գաբրիելյան
2015 թ. օգոստոսի 26 Երևան