ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 հուլիսի 2015 թվականի N 830-Ն

ԳՆՄԱՆ ԳՈՐԾԸՆԹԱՑ ԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշման 1-ին կետով հաստատված կարգի 3-րդ կետը՝ Հայաստանի Հանրապետության կառավարությունը որոշում է.

1. Սահմանել, որ՝

1) DVB-T2 ստանդարտի թվային հեռուստատեսային ազդանշանների ընդունիչ սարքերի ձեռքբերման նպատակով գնման գործընթացն իրականացվում է «Գնումների մասին» Հայաստանի Հանրապետության օրենքի (այսուհետ՝ օրենք) 20-րդ հոդվածի 3-րդ մասի 2-րդ կետի հիման վրա՝ արտակարգ կամ անկանխատեսելի այլ իրավիճակի առաջացման հիմքով հայտարարությունը նախապես հրապարակելու միջոցով, բանակցային ընթացակարգով.

2) գնման գործընթացի հրավերով և գնման հայտով մասնակիցների նկատմամբ սահմանվում են հետևյալ պահանջները՝

ա. օրենքի 5-րդ հոդվածի 3-րդ մասի 2-րդ կետով նախատեսված որակավորման չափանիշի պահանջներին համապատասխանության մասով մասնակիցների նկատմամբ չեն կիրառվում Հայաստանի Հանրապետության կառավարության 2011 թվականի փետրվարի 10-ի N 168-Ն որոշման 1-ին կետով հաստատված կարգով սահմանված պահանջները,

բ. մասնակիցներն օրենքի 5-րդ հոդվածի 3-րդ մասի 2-րդ կետով նախատեսված որակավորման չափանիշի պահանջներին իրենց տվյալների համապատասխանությունը գնահատելու համար ներկայացնում են միայն գրավոր հայտարարություն պայմանագրի կատարման համար անհրաժեշտ մասնագիտական փորձառության առկայության մասին:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Հ. Աբրահամյան
2015 թ. հուլիսի 30 Երևան