Գլխավոր տեղեկություն
Համար
N 800-Ն
Տիպ
Որոշում
Ակտի տիպ
Base act (15.08.2015-till now)
Կարգավիճակ
Գործում է
Սկզբնաղբյուր
ՀՀՊՏ 2015.08.05/49(1138) Հոդ.679
Ընդունող մարմին
ՀՀ կառավարություն
Ընդունման ամսաթիվ
23.07.2015
Ստորագրող մարմին
ՀՀ վարչապետ
Ստորագրման ամսաթիվ
24.07.2015
Ուժի մեջ մտնելու ամսաթիվ
15.08.2015

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

23 հուլիսի 2015 թվականի N 800-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՄԱՐՏԻ 27-Ի N 209 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային և շուկայական մեթոդով գնահատման կարգի մասին» N 209 որոշման մեջ կատարել հետևյալ լրացումները և փոփոխությունները՝

1) որոշման վերնագիրը, որոշման 1-ին կետը և որոշման 1-ին կետով հաստատված կարգի վերնագիրը «մասնավորեցվող» բառից հետո լրացնել «և օտարվող» բառերով.

2) որոշման 3-րդ կետում և որոշման 1-ին կետով հաստատված կարգի 18-րդ կետում «Հայաստանի Հանրապետության ֆինանսների և էկոնոմիկայի նախարարությանը» բառերը և դրանց համապատասխան հոլովաձևերը փոխարինել «Հայաստանի Հանրապետության ֆինանսների նախարարություն», իսկ որոշման 3-րդ կետում և որոշման 1-ին կետով հաստատված կարգի 24-րդ կետում «Հայաստանի Հանրապետության պետական գույքի կառավարման նախարարությանը» բառերը և դրանց համապատասխան հոլովաձևերը՝ «Հայաստանի Հանրապետության կառավարությանն առընթեր պետական գույքի կառավարման վարչություն» բառերով և դրանց համապատասխան հոլովաձևերով.

3) որոշման 1-ին կետով հաստատված կարգի`

ա. 2-րդ կետը «գույքը» բառից հետո լրացնել «, ինչպես նաև օտարվող պետական գույքը» բառերով,

բ. 4.1-ին կետը «հիմնական միջոցների» բառերից հետո լրացնել «(բացառությամբ անշարժ գույքի)» բառերով,

գ. 14-րդ կետի երրորդ պարբերությունում «վեց ամիս» բառերը փոխարինել «մեկ տարին» բառերով,

դ. 17-րդ կետը շարադրել հետևյալ խմբագրությամբ.

«17. Ընթացիկ ակտիվների (բացառությամբ նյութերի, աճող և բտվող կենդանիների, արագամաշ առարկաների, անավարտ արտադրության, արտադրանքի և ապրանքների) գնահատված մեծություն է ընդունվում դրանց հաշվեկշռային արժեքը, իսկ նյութերը, աճող և բտվող կենդանիները, արագամաշ առարկաները, անավարտ արտադրությունը, արտադրանքը և ապրանքները գնահատվում են շուկայական մեթոդով:»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Հայաստանի Հանրապետության
վարչապետ

 Հ. Աբրահամյան

 

2015 թ. հուլիսի 24

Երևան

  

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան