ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 օգոստոսի 2015 թվականի N 961-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՕԳՈՍՏՈՍԻ 4-Ի N 1119-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2011 թվականի օգոստոսի 4-ի «Ժամանակավոր ներմուծում» և «Ժամանակավոր արտահանում» մաքսային ռեժիմներով ներմուծված (արտահանված) ապրանքների նկատմամբ կիրառված համապատասխան մաքսային ռեժիմի ժամկետների երկարաձգման նպատակով կազմակերպությունների ու անհատ ձեռնարկատերերի ընտրության և ժամկետների երկարաձգման, 200 միլիոն դրամը գերազանցող ապրանքների ներմուծման դեպքում մաքսային մարմինների կողմից հաշվարկված ավելացված արժեքի հարկի գումարների վճարման ժամկետի հետաձգման նպատակով կազմակերպությունների ու անհատ ձեռնարկատերերի ընտրության կարգերը հաստատելու և Հայաստանի Հանրապետության կառավարության 2005 թվականի նոյեմբերի 9-ի N 1934-Ն որոշման մեջ փոփոխություններ կատարելու և Հայաստանի Հանրապետության կառավարության 2009 թվականի ապրիլի 30-ի N 600-Ն որոշումն ուժը կորցրած ճանաչելու մասին» N 1119-Ն որոշման մեջ կատարել հետևյալ փոփոխությունները և լրացումները`
1) որոշման վերնագիրը շարադրել հետևյալ խմբագրությամբ.
«Ժամանակավոր արտահանում» մաքսային ընթացակարգով արտահանված ապրանքների նկատմամբ կիրառված «Ժամանակավոր արտահանում» մաքսային ընթացակարգի ժամկետների երկարաձգման նպատակով կազմակերպությունների ու անհատ ձեռնարկատերերի ընտրության և ժամկետների երկարաձգման, ապրանքների ներմուծման դեպքում մաքսային ու հարկային մարմինների կողմից հաշվարկված ավելացված արժեքի հարկի գումարների վճարման ժամկետի հետաձգման նպատակով կազմակերպությունների ու անհատ ձեռնարկատերերի ընտրության կարգերը հաստատելու և Հայաստանի Հանրապետության կառավարության 2005 թվականի նոյեմբերի 9-ի N 1934-Ն որոշման մեջ փոփոխություններ կատարելու և Հայաստանի Հանրապետության կառավարության 2009 թվականի ապրիլի 30-ի N 600-Ն որոշումն ուժը կորցրած ճանաչելու մասին».
2) որոշման նախաբանում «Հայաստանի Հանրապետության մաքսային օրենսգրքի 37-րդ ու 41-րդ» բառերը փոխարինել «Մաքսային կարգավորման մասին» Հայաստանի Հանրապետության օրենքի 220-րդ» բառերով.
3) որոշման 1-ին կետի 1-ին ենթակետը շարադրել հետևյալ խմբագրությամբ.
«1) «Ժամանակավոր արտահանում» մաքսային ընթացակարգով արտահանված ապրանքների նկատմամբ կիրառված «Ժամանակավոր արտահանում» մաքսային ընթացակարգի ժամկետների երկարաձգման կարգը` համաձայն N 1 հավելվածի.».
4) որոշման 1-ին կետի 2-րդ ենթակետից, որոշման N 2 հավելվածի վերնագրից և 1-ին կետից հանել «200 միլիոն դրամը գերազանցող» բառերը, իսկ «մաքսային» բառից հետո լրացնել «և հարկային» բառերով.
5) որոշման N 1 հավելվածը շարադրել նոր խմբագրությամբ՝ համաձայն հավելվածի.
6) որոշման N 2 հավելվածում՝
ա. ուժը կորցրած ճանաչել 3-րդ կետի 2-րդ ենթակետը,
բ. 5-րդ կետը շարադրել հետևյալ խմբագրությամբ.
«5. Անձն օրենքով սահմանված կարգով պատասխանատվություն է կրում իր ներկայացրած ոչ հավաստի տեղեկությունների համար:»,
գ. 6-րդ, 7-րդ, 8-րդ և 9-րդ կետերում «Հայաստանի Հանրապետության կառավարությանն առընթեր պետական եկամուտների կոմիտե» բառերը փոխարինել «տվյալ ծրագիրն ընդգրկող տնտեսության ոլորտը համակարգող լիազոր պետական մարմին» բառերով.
7) որոշման N 2 հավելվածը լրացնել հետևյալ բովանդակությամբ նոր՝ 10.1-ին և 10.2-րդ կետերով.
«10.1. Հայաստանի Հանրապետության ֆինանսների նախարարության և տվյալ ծրագիրն ընդգրկող տնտեսության ոլորտը համակարգող լիազոր պետական մարմնի կարծիքներն ու ծրագրի գնահատման արդյունքները սույն կարգի 7-րդ կետով սահմանված ժամկետում չստանալու դեպքում ծրագրի վերաբերյալ կարծիքները համարվում են դրական, գնահատականը` 26 միավոր։
10.2. Սույն կարգի 10.1-ին կետին համապատասխան ծրագրի գնահատման արդյունքում դրական եզրակացություն ստացած ծրագրերի վերաբերյալ Հայաստանի Հանրապետության կառավարության համապատասխան որոշման նախագծի հետ մեկտեղ Հայաստանի Հանրապետության կառավարության աշխատակազմ է ներկայացնում նաև տեղեկանք ծրագիրը համապատասխան մարմինների կարծիքների ուշացման հիմքով դրական գնահատվելու մասին:».
8) որոշման N 2 հավելվածի՝
ա. 13-կետում «5-օրյա ժամկետում» բառերը փոխարինել «երկու աշխատանքային օրվա ընթացքում» բառերով,
բ. N 1 ձևի վերնագիրը շարադրել հետևյալ խմբագրությամբ.
«Տ Ե Ղ Ե Կ Ա Տ Վ ՈՒ Թ Յ ՈՒ Ն
________________________________________________________________________________
(ապրանքներ տեղափոխող իրավաբանական անձի անվանումը (ընդգծել), իսկ անհատ
ձեռնարկատիրոջ դեպքում` անունը, ազգանունը)
ԿՈՂՄԻՑ «ԺԱՄԱՆԱԿԱՎՈՐ ԱՐՏԱՀԱՆՈՒՄ» ՄԱՔՍԱՅԻՆ ԸՆԹԱՑԱԿԱՐԳՈՎ ԱՐՏԱՀԱՆՎԱԾ ԱՊՐԱՆՔՆԵՐԻ ՄԱՍԻՆ»,
գ. N 1 ձևի աղյուսակում «ռեժիմի» բառը փոխարինել «ընթացակարգի» բառով,
դ. N 5 ձևի 11-րդ տողում «Եկամտահարկ» բառը փոխարինել «Եկամտային հարկ» բառերով,
ե. ուժը կորցրած ճանաչել N 5 ձևի 12-րդ կետը.
9) որոշման N 3 հավելվածի՝
ա. 2.3.3-րդ կետից հանել «և պարտադիր սոցիալական ապահովության վճարներն» բառերը,
բ. 3.6-րդ կետից հանել «(տեքստային և ֆինանսական)» բառերը:
2. Հայաստանի Հանրապետության էկոնոմիկայի նախարարին` սույն որոշումն ուժի մեջ մտնելուց հետո 6-ամսյա ժամկետում Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման 1-ին կետի 2-րդ ենթակետով հաստատված կարգով ապրանքների ներմուծման դեպքում Հայաստանի Հանրապետության կառավարության աշխատակազմ ներկայացնել ամփոփ տեղեկատվություն դիմումների և դրանց ընթացքի մասին:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության 2015 թ. օգոստոսի 19
վարչապետՀ. Աբրահամյան
Երևան
|
Հավելված |
|
«Հավելված N 1 |
Կ Ա Ր Գ
«ԺԱՄԱՆԱԿԱՎՈՐ ԱՐՏԱՀԱՆՈՒՄ» ՄԱՔՍԱՅԻՆ ԸՆԹԱՑԱԿԱՐԳՈՎ ԱՐՏԱՀԱՆՎԱԾ ԱՊՐԱՆՔՆԵՐԻ ՆԿԱՏՄԱՄԲ ԿԻՐԱՌՎԱԾ «ԺԱՄԱՆԱԿԱՎՈՐ ԱՐՏԱՀԱՆՈՒՄ» ՄԱՔՍԱՅԻՆ ԸՆԹԱՑԱԿԱՐԳԻ ԺԱՄԿԵՏԻ ԵՐԿԱՐԱՁԳՄԱՆ
1. Սույն կարգով կարգավորվում են «Ժամանակավոր արտահանում» մաքսային ընթացակարգով (այսուհետ` համապատասխան մաքսային ընթացակարգ) ապրանքի (ապրանքների) մեկ տարվանից ավելի ժամկետով բացթողման կարգի հետ կապված հարաբերությունները:
2. Հայաստանի Հանրապետության կառավարությունը կարող է թույլատրել «Ժամանակավոր արտահանում» մաքսային ընթացակարգով բաց թողնված ապրանքների մաքսային ընթացակարգի ժամկետի երկարաձգումը հետևյալ հիմքերով`
1) պետության կարիքների, գիտահետազոտական, կրթական, մշակութային, մարդկանց և կենդանիների առողջության պաշտպանության, շրջակա միջավայրի պահպանության.
2) ներդրումային ծրագրերի (այսուհետ` ծրագիր) շրջանակներում արտահանված, այդ թվում՝ ֆինանսական վարձակալությամբ տրված ԱՏԳԱԱ 84-89-ը ապրանքային ծածկագրերի շարքը դասվող ապրանքների:
3. «Ժամանակավոր արտահանում» մաքսային ընթացակարգով բաց թողնված ապրանքների մաքսային ընթացակարգի՝ յուրաքանչյուր երկարաձգվող ժամկետը չի կարող գերազանցել 3 տարին, իսկ ֆինանսական վարձակալությամբ տրված ԱՏԳԱԱ 84-89-ը ապրանքային ծածկագրերի շարքը դասվող ապրանքների համար` ֆինանսական վարձակալության մասին պայմանագրի գործողության ժամկետը:
4. Կազմակերպությունը կամ անհատ ձեռնարկատերը (այսուհետ` անձ) կարող է դիմել «Ժամանակավոր արտահանում» մաքսային ընթացակարգի ժամկետը մեկ տարվանից ավելի ժամկետով երկարաձգելու թույլտվություն ստանալու համար, եթե ապրանքն արդեն իսկ «Ժամանակավոր արտահանում» մաքսային ընթացակարգի շրջանակներում գտնվում է Հայաստանի Հանրապետության մաքսային տարածքից դուրս` ունենալով «Ժամանակավոր արտահանում» մաքսային ընթացակարգի համար մինչև մեկ տարի ժամկետով թույլտվություն:
5. Սույն կարգի 4-րդ կետին համապատասխան` թույլտվություն ստանալու համար դիմումը թղթային կամ էլեկտրոնային տարբերակով Հայաստանի Հանրապետության կառավարության աշխատակազմ է ներկայացվում տվյալ ապրանքի` «Ժամանակավոր արտահանում» մաքսային ընթացակարգի թույլտվության ժամկետը լրանալուց առնվազն 2 ամիս առաջ: Դիմումում պետք է նշվեն անձի անվանումը կամ անունը, ազգանունը, կոնտակտային տվյալները, ինչպես նաև համապատասխան մաքսային ընթացակարգով բաց թողնված ապրանքների մաքսային ընթացակարգի ժամկետի երկարաձգման հիմքը` համաձայն սույն կարգի 2-րդ կետի:
6. Դիմումին կից պետք է ներկայացվեն`
1) տեղեկատվություն արտահանված ապրանքի մասին` համաձայն N 1 ձևի.
2) մաքսային հայտարարագրի պատճենը, որով թույլատրվել է ապրանքի բացթողումը՝ «Ժամանակավոր արտահանում» մաքսային ընթացակարգով.
3) համապատասխան պայմանագրի պատճենը (առկայության դեպքում), իսկ ֆինանսական վարձակալության տրված ԱՏԳԱԱ 84-89-ը ապրանքային ծածկագրերի շարքը դասվող ապրանքների համար` ֆինանսական վարձակալության մասին պայմանագրի պատճենը.
4) հիմնավորում մեկ տարվանից ավելի ժամկետով երկարաձգման անհրաժեշտության վերաբերյալ (ներկայացվում է միայն սույն կարգի 2-րդ կետի 1-ին ենթակետով սահմանված հիմքերից որևէ մեկի առկայության դեպքում).
5) ծրագրի նկարագիրը` համաձայն NN 2 և 5 ձևերի (ներկայացվում է միայն սույն կարգի 2-րդ կետի 2-րդ ենթակետով սահմանված հիմքերից որևէ մեկի առկայության դեպքում).
6) այլ տեղեկություններ (դիմողի հայեցողությամբ):
7. Անձն օրենքով սահմանված կարգով պատասխանատվություն է կրում իր ներկայացրած ոչ հավաստի տեղեկությունների համար:
8. Դիմումը Հայաստանի Հանրապետության կառավարության աշխատակազմում մուտքագրվելու օրվան հաջորդող 3 աշխատանքային օրվա ընթացքում, Հայաստանի Հանրապետության վարչապետի հանձնարարությամբ, ներկայացվում է Հայաստանի Հանրապետության ֆինանսների նախարարություն, տվյալ ծրագիրն ընդգրկող տնտեսության ոլորտը համակարգող լիազոր պետական մարմին` կարծիքի, Հայաստանի Հանրապետության էկոնոմիկայի նախարարություն` կարծիքների ամփոփման և նախագծի մշակման համար:
9. Հայաստանի Հանրապետության ֆինանսների նախարարությունը և տվյալ ծրագիրն ընդգրկող տնտեսության ոլորտը համակարգող լիազոր պետական մարմինը 5 աշխատանքային օրվա ընթացքում ուսումնասիրում են ներկայացված դիմումը և Հայաստանի Հանրապետության էկոնոմիկայի նախարարություն են ներկայացնում կարծիք:
10. Հայաստանի Հանրապետության էկոնոմիկայի նախարարությունը 5 աշխատանքային օրվա ընթացքում, ամփոփելով Հայաստանի Հանրապետության ֆինանսների նախարարության և տվյալ ծրագիրն ընդգրկող տնտեսության ոլորտը համակարգող լիազոր պետական մարմնի կարծիքները, մշակում է Հայաստանի Հանրապետության կառավարության համապատասխան որոշման նախագիծ և այն ներկայացնում Հայաստանի Հանրապետության կառավարության աշխատակազմ:
11. Հայաստանի Հանրապետության կառավարության համապատասխան որոշումն ստանալուց հետո երկու աշխատանքային օրվա ընթացքում Հայաստանի Հանրապետության էկոնոմիկայի նախարարությունը դրա մասին տեղեկացնում է դիմողին:»:
|
Հայաստանի Հանրապետության |
Դ. Հարությունյան |