ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 ապրիլի 2015 թվականի N 474-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ԴԵԿՏԵՄԲԵՐԻ 29-Ի N 1918-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2011 թվականի դեկտեմբերի 29-ի «Հողերի օգտագործման ժամանակավոր սխեմաներ կազմելու կարգը հաստատելու և Հայաստանի Հանրապետության կառավարության 2001 թվականի հունվարի 17-ի N 30 որոշումն ուժը կորցրած ճանաչելու մասին» N 1918-Ն որոշման 1-ին կետով հաստատված Հողերի օգտագործման ժամանակավոր սխեմաներ կազմելու կարգում կատարել հետևյալ լրացումները և փոփոխությունները՝

1) 5-րդ կետի 1-ին ենթակետում`

ա. «փոփոխման մասին» բառերից հետո լրացնել «համաձայն N 1 հավելվածով նախատեսված ձևի» բառերով,

բ. «ե» պարբերությունում «տեղեկանքը» բառը փոխարինել «տեղեկատվություն» բառով.

2) 7-րդ կետում «15-օրյա ժամկետում» բառերը փոխարինել «ութ աշխատանքային օրվա ընթացքում» բառերով.

3) 8-րդ կետում`

ա. «Հայաստանի Հանրապետության տարածքային կառավարման նախարարության կողմից» բառերը փոխարինել «Հայաստանի Հանրապետության տարածքային կառավարման և արտակարգ իրավիճակների նախարարության կողմից այն ստանալուց հետո երեք աշխատանքային օրվա ընթացքում» բառերով,

բ. լրացնել հետևյալ բովանդակությամբ նոր նախադասությամբ.

«Մարզպետը երեք աշխատանքային օրվա ընթացքում լրամշակված տարբերակը ներկայացնում է Հայաստանի Հանրապետության տարածքային կառավարման և արտակարգ իրավիճակների նախարարություն:».

4) 9-րդ կետում՝

ա. «ընթացակարգով» բառից հետո լրացնել «և ժամկետներում» բառերով,

բ. լրացնել հետևյալ բովանդակությամբ նոր նախադասությամբ.

«Միջգերատեսչական հանձնաժողովի կողմից տրվում է եզրակացություն:».

5) 11-րդ կետում «8-րդ» բառը փոխարինել «9-րդ» բառով.

6) 13-րդ կետում «5» թիվը փոխարինել «3» թվով.

7) 14-րդ կետը «կոմիտեի» բառից հետո լրացնել «առաջիկա» բառով.

8) 15-րդ կետը շարադրել հետևյալ խմբագրությամբ.

«15. Միջգերատեսչական հանձնաժողովի բացասական եզրակացության դեպքում կամ այն դեպքում, երբ դրական կարծիք չի ներկայացրել միջգերատեսչական հանձնաժողովի անդամների առնվազն 2/3-ը (առնվազն 5 անդամ), հողաշինարարական գործը՝ մերժման համապատասխան հիմքերով, Հայաստանի Հանրապետության տարածքային կառավարման և արտակարգ իրավիճակների նախարարության կողմից համապատասխան մարզպետի միջոցով վերադարձվում է համայնքի ղեկավարին` եզրակացությունը կամ կարծիքներն ստանալուց հետո հինգ աշխատանքային օրվա ընթացքում:».

9) 17-րդ կետը «ավագանուն՝ հաստատման» բառերից հետո լրացնել «և առաջարկում ընդգրկել ավագանու առաջիկա նիստում» բառերով.

10) 7-րդ, 9-րդ, 10-րդ, 13-րդ 14-րդ և 14.2-րդ կետերը «տարածքային կառավարման» բառերից հետո լրացնել «և արտակարգ իրավիճակների» բառերով:

2. Հաստատել գլխավոր հատակագծի բացակայության դեպքում հողամասի (հողամասերի) նպատակային նշանակության փոփոխման մասին դիմումի ձևը՝ համաձայն հավելվածի և Հայաստանի Հանրապետության կառավարության 2011 թվականի դեկտեմբերի 29-ի «Հողերի օգտագործման ժամանակավոր սխեմաներ կազմելու կարգը հաստատելու և Հայաստանի Հանրապետության կառավարության 2001 թվականի հունվարի 17-ի N 30 որոշումն ուժը կորցրած ճանաչելու մասին» N 1918-Ն որոշումը լրացնել նոր՝ N 1 հավելվածով՝ համաձայն հավելվածի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Հ. Աբրահամյան
2015 թ. մայիսի 12 Երևան

Հավելված ՀՀ կառավարության 2015 թվականի ապրիլի 30-ի N 474-Ն որոշման

«Հավելված N 1 ՀՀ կառավարության 2011 թվականի դեկտեմբերի 29-ի N 1918-Ն որոշման

Ձև

_______________________________________________

(համայնքի անվանումը)

_______________________________________________

(համայնքի ղեկավարի անունը, ազգանունը)

  _______________________________________________

(դիմողի անունը, ազգանունը/անվանումը)

_______________________________________________

(բնակության վայրը/գտնվելու վայրը)

 

Դ ի մ ու մ

Գլխավոր հատակագծի բացակայության դեպքում հողամասի (հողամասերի) նպատակային նշանակության փոփոխման մասին

Խնդրում եմ փոփոխել ________________________ հասցեում գտնվող հողամասի նպատակային նշանակությունը:

Տեղեկացնում եմ

1. Հողամասի ծածկագիրը ___________________:

2. Ամբողջ հողամասի և փոփոխման ենթակա հողամասի մակերեսը _________ :

3. Հողամասի առկա նպատակային և գործառնական նշանակությունը _______:

4. Փոփոխվող հողամասի նպատակային և գործառնական նշանակությունը, իսկ կառուցապատման նպատակով տրամադրելու դեպքում` նաև նախատեսվող օբյեկտի հզորությունը _________________:

5. Բիզնեսի նպատակով նախատեսվող օբյեկտների մասին տեղեկատվություն` կատարվելիք ներդրումների չափի և ստեղծվելիք աշխատատեղերի վերաբերյալ:

6. Հողամասի սեփականության (օգտագործման (վարձակալության), կառուցապատման) իրավունքի վկայականի համար________, առկա են ինքնակամ շինություններ (առկայության դեպքում) __________:

Դիմող	_______________________	_______________________
	(ստորագրությունը)	(անունը, ազգանունը)
---	-----------------թ. :»:

 

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան