ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 սեպտեմբերի 2014 թվականի N 919 -Ա

ԵՐՎԱՆԴ ԶԱԽԱՐՅԱՆԻՆ ԵՎ ԱՐԳԻՇՏԻ ՄԵԽԱԿՅԱՆԻՆ ՓԱՐԻԶ ԳՈՐԾՈՒՂԵԼՈՒ ՄԱՍԻՆ

(վերնագիրը լրաց. 16.10.14 N 1005-Ա)

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության էներգետիկայի և բնական պաշարների նախարար Երվանդ Զախարյանին և Հայաստանի Հանրապետության էներգետիկայի և բնական պաշարների նախարարի օգնական Արգիշտի Մեխակյանին 2014 թվականի հոկտեմբերի 13-15-ը գործուղել Փարիզ (Ֆրանսիայի Հանրապետություն)՝ Ատոմային համաշխարհային ցուցահանդեսին մասնակցելու նպատակով:

(1-ին կետը լրաց. 16.10.14 N 1005-Ա)

2. Երվանդ Զախարյանի և Արգիշտի Մեխակյանի՝ Փարիզ գործուղման հետ կապված ծախսերը կատարել Հայաստանի Հանրապետության 2014 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

(2-րդ կետը լրաց. 16.10.14 N 1005-Ա)

 3. Հայաստանի Հանրապետության էներգետիկայի և բնական պաշարների նախարարին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Փարիզ գործուղման արդյունքների մասին հաշվետվություն:

Հայաստանի Հանրապետության վարչապետ	Հ. Աբրահամյան
2014 թ. սեպտեմբերի 23 Երևան