ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

3 սեպտեմբերի 2014 թվականի N 831-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Սահմանամերձ տարածաշրջանների զարգացման համալիր ծրագիրը մշակելու նպատակով ստեղծել աշխատանքային խումբ և հաստատել դրա կազմը՝ համաձայն հավելվածի:

2. Աշխատանքային խմբին`

1) կատարել սահմանամերձ համայնքներում 2002-2014 թթ. իրականացված ծրագրերի մոնիթորինգ.

2) կատարել ներկայիս կարիքների գույքագրում.

3) սահմանամերձ համայնքների համար մշակել հարկային և սոցիալական արտոնությունների համակարգ.

4) նպաստների վճարման համակարգի վերաբերյալ առաջարկություն ներկայացնել.

5) նշված համակարգի ներդրման առանձնահատկությունները տարբերակելու նպատակով կատարել սահմանամերձ համայնքների դասակարգում.

6) 10-օրյա ժամկետում հաստատել աշխատանքային խմբի գործունեության կանոնակարգը.

7) յուրաքանչյուր եռամսյակը մեկ անգամ Հայաստանի Հանրապետության վարչապետին ներկայացնել կատարված աշխատանքների մասին հաշվետվություն:

Հայաստանի Հանրապետության վարչապետ	Հ. Աբրահամյան
2014 թ. սեպտեմբերի 3 Երևան

Հավելված ՀՀ վարչապետի 2014 թ. սեպտեմբերի 3-ի N 831-Ա որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

 Հայաստանի Հանրապետության տարածքային կառավարման նախարարություն` 1 ներկայացուցիչ (աշխատանքային խմբի ղեկավար)

 Հայաստանի Հանրապետության ֆինանսների նախարարություն` 1 ներկայացուցիչ

 Հայաստանի Հանրապետության աշխատանքի և սոցիալական հարցերի նախարարություն` 1 ներկայացուցիչ

 Հայաստանի Հանրապետության առողջապահության նախարարություն` 1 ներկայացուցիչ

 Հայաստանի Հանրապետության գյուղատնտեսության նախարարություն` 1 ներկայացուցիչ

 Հայաստանի Հանրապետության քաղաքաշինության նախարարություն` 1 ներկայացուցիչ

 Հայաստանի Հանրապետության էկոնոմիկայի նախարարություն` 1 ներկայացուցիչ

 Հայաստանի Հանրապետության տարածքային կառավարման նախարարության ջրային տնտեսության պետական կոմիտե` 1 ներկայացուցիչ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան