ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

4 սեպտեմբերի 2014 թվականի N 841-Ա

ԱՐՄԵՆ ՀԱՐՈՒԹՅՈՒՆՅԱՆԻՆ, ԱՇՈՏ ՎԱՐԴԱՆՅԱՆԻՆ, ԱԼԵՔՍԱՆԴՐ ՔԱԼԱՆԹԱՐՅԱՆԻՆ ԵՎ ՄԱՐԻԱ ՄՈՒՐԱԴՅԱՆԻՆ ՀՌՈՄ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության գյուղատնտեսության նախարարի տեղակալ Արմեն Հարությունյանին, Հայաստանի Հանրապետության կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» պետական հիմնարկի (այսուհետ՝ ԾԻԳ) տնօրենի պաշտոնակատար Աշոտ Վարդանյանին, նույն հիմնարկի զարգացման բաժնի ղեկավար Ալեքսանդր Քալանթարյանին և նույն հիմնարկի արտաքին կապերի գենդերային մասնագետ Մարիա Մուրադյանին 2014 թվականի սեպտեմբերի 3-5-ը գործուղել Հռոմ (Իտալիայի Հանրապետություն)՝ Գյուղատնտեսության զարգացման միջազգային հիմնադրամի ֆինանսավորման համաձայնագրի շուրջ բանակցություններ վարելու, այն նախաստորագրելու և բանակցությունների արձանագրությունն ստորագրելու համար։

2. Արմեն Հարությունյանի, Աշոտ Վարդանյանի, Ալեքսանդր Քալանթարյանի և Մարիա Մուրադյանի՝ Հռոմ գործուղման հետ կապված ծախսերը կատարել Հայաստանի Հանրապետության 2014 թվականի պետական բյուջեով նախատեսված Գյուղատնտեսության զարգացման միջազգային հիմնադրամի աջակցությամբ իրականացվող «Գյուղական կարողությունների ստեղծում» ծրագրի շրջանակներում ԾԻԳ-ի 2014 թվականի պահպանման ծախսերի «Արտասահմանյան գործուղումներ» հոդվածով նախատեսված միջոցների հաշվին։

3. Հայաստանի Հանրապետության գյուղատնտեսության նախարարին` ապահովել գործուղումից վերադառնալուց հետո եռօրյա ժամկետում Արմեն Հարությունյանի` Հռոմ գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը։

Հայաստանի Հանրապետության վարչապետ	Հ. Աբրահամյան
2014 թ. սեպտեմբերի 4 Երևան