ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
7 մարտի 2012 թվականի N 271-Ա
ԵՐԵՎԱՆ ՔԱՂԱՔՈՒՄ ԱՎՏՈՄԱՅՐՈՒՂՈՒ ԿԱՌՈՒՑՄԱՆ ՆԵՐԴՐՈՒՄԱՅԻՆ ԾՐԱԳՐԻ ՄԱՍԻՆ
Երևան քաղաքի Մալաթիա-Սեբաստիայի վարչական շրջանում՝ Ծովակալ Իսակովի պողոտայի և Լենինգրադյան փողոցի միջև ավտոմայրուղի կառուցելու նպատակով, առաջնորդվելով Հայաստանի Հանրապետության հողային օրենսգրքի 66-րդ հոդվածի 1-ին մասի 5-րդ կետով և հիմք ընդունելով Երևանի քաղաքապետի ու «Սահակյանշին» փակ բաժնետիրական ընկերության կողմից ներկայացված ներդրումային ծրագիրը` Հայաստանի Հանրապետության կառավարությունը որոշում է.
1. Համաձայնություն տալ Երևանի քաղաքապետի՝ «Սահակյանշին» փակ բաժնետիրական ընկերությանը (այսուհետ` կազմակերպություն) ուղղակի վաճառքի ձևով Երևան քաղաքի Մալաթիա-Սեբաստիայի վարչական շրջանում՝ Ծովակալ Իսակովի պողոտային հարող հատվածում 9,16 հեկտար հողամասի օտարման վերաբերյալ առաջարկությանը` հետևյալ պայմանով, որ հողամասի օտարումից ստացված միջոցներն ամբողջությամբ ուղղվելու են Երևան քաղաքում՝ Ծովակալ Իսակովի պողոտայի և Լենինգրադյան փողոցի միջև ընկած հատվածում 2,9 կմ երկարությամբ ավտոմայրուղու և շուրջ 2,3 կմ ուղետարների (ըստ սխեմայի)` համաձայն N 1 հավելվածի, կառուցման կապիտալ ծախսերի ֆինանսավորմանը։
(1-ին կետը փոփ. 19.09.13 N 1025-Ա)
2. Ընդունել ի գիտություն, որ Երևան քաղաքում ավտոմայրուղի կառուցելու ներդրումային ծրագրով (այսուհետ` ծրագիր) նախատեսվում է Երևանի համայնքի սեփականությունը հանդիսացող՝ Երևան քաղաքի Ծովակալ Իսակովի պողոտային հարակից գտնվող 9,16 հեկտար հողամասի գնման գինը, ըստ էության, փոխանակել կազմակերպության կողմից Երևան քաղաքի Ծովակալ Իսակովի պողոտայի և Լենինգրադյան փողոցի միջև 2,9 կմ երկարությամբ ավտոմայրուղու և շուրջ 2,3 կմ ուղետարների կառուցման հետ` ներառյալ նախագծանախահաշվային փաստաթղթերի կազմման, նախագծի փորձաքննության ծառայությունների և կապիտալ շինարարության աշխատանքների արժեքների վճարումը: Ծրագրի իրականացման շրջանակում կազմակերպության հետ կնքվում է Երևան քաղաքի Ծովակալ Իսակովի պողոտային հարող հատվածում 9,16 հեկտար հողամասի առուվաճառքի և գրավի և ավտոմայրուղու կառուցման կապալի պայմանագրերը՝ համաձայն N 2 հավելվածով նախատեսված հիմնական պայմանների, հանդիպական վճարումները կատարելով բանկային և գանձապետական համակարգի միջոցով` միաժամանակյա վճարում-գանձում եղանակով: Կապիտալ շինարարության օբյեկտի նախագծանախահաշվային, նախագծի փորձաքննության և շինարարական աշխատանքների ֆինանսավորումն իրականացնում է կազմակերպությունը, որին պատվիրատուի կողմից վճարումը կատարվում է սույն որոշման 1-ին կետով նախատեսված` 9,16 հեկտար հողամասի գինը կազմակերպության կողմից համայնքային բյուջե մուտքագրվելուց անմիջապես հետո` համաձայն N 2 հավելվածով նախատեսված հիմնական պայմանների:
(2-րդ կետը փոփ. 19.09.13 N 1025-Ա)
3. (կետն ուժը կորցրել է 19.09.13 N 1025-Ա)
|
Հայաստանի Հանրապետության |
Տ. Սարգսյան |
|
2012 թ. մարտի 15 Երևան |
|
Ս Խ Ե Մ Ա
ԵՐԵՎԱՆԻ ԾՈՎԱԿԱԼ ԻՍԱԿՈՎԻ ՊՈՂՈՏԱՅԻ ԵՎ ԼԵՆԻՆԳՐԱԴՅԱՆ ՓՈՂՈՑԻ ՄԻՋԵՎ ԿԱՌՈՒՑՎՈՂ ԱՎՏՈՄԱՅՐՈՒՂՈՒ
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |
|
Հավելված N 2 ՀՀ կառավարության 2012 թվականի մարտի 7-ի N 271-Ա որոշման |
ԵՐԵՎԱՆԻ ՀԱՄԱՅՆՔԻ ԵՎ «ՍԱՀԱԿՅԱՆՇԻՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՄԻՋԵՎ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ԿՆՔՎՈՂ ԳՈՐԾԱՐՔՆԵՐԻ ՀԻՄՆԱԿԱՆ ՊԱՅՄԱՆՆԵՐԸ
Գործարք 1. Երևան քաղաքի Իսակովի պողոտային հարող հատվածում 9,16 հեկտար հողամասի առուվաճառք և գրավ
|
Վաճառողը |
Երևանի համայնք |
|
Գնորդը |
«Սահակյանշին» փակ բաժնետիրական ընկերություն (այսուհետ` կազմակերպություն) |
|
Առարկան |
հողատարածքի առուվաճառքի և գրավի պայմանագրի կնքում |
|
Պայմանագրի գինը |
I ո I դրամ` առանց ԱԱՀ-ի (հարկման օբյեկտ չէ, «Ավելացված արժեքի հարկի մասին» ՀՀ օրենքի 7-րդ հոդվածի 11-րդ կետ), հավասար է հողամասի շուկայական արժեքին |
|
Պայմանագրի կնքման և գնի վճարման ժամկետը |
Հողատարածքի առուվաճառքի և գրավի պայմանագիրը կնքվում է հետևյալ պայմաններով՝ |
|
Պայմանագրով հողի սեփականության իրավունքի փոխանցումը |
Հողատարածքի առուվաճառքի պայմանագրի գնի վճարումից հետո 30 օրվա ընթացքում |
|
Պայմանագրի կնքման հետ կապված ծախսերը, այդ թվում՝ նոտարական վավերացման և իրավունքների պետական գրանցման ծախսերը |
կազմակերպության հաշվին |
|
Հատուկ պայման |
Երևանի համայնքը պարտավորվում է հողատարածքի առուվաճառքի և գրավի պայմանագրի կնքումից հետո ՀՀ օրենսդրությամբ սահմանված ժամկետներում տրամադրել ճարտարապետահատակագծային առաջադրանք, համաձայնեցնել կառուցման նախագիծը և տրամադրել շինթույլտվությունը, ինչպես նաև էլեկտրամատակարարման, ջրմուղ-կոյուղու, գազամատակարարման տեխնիկական պայմանները |
|
Բյուջետային պլանավորումը |
2013 թվականին Երևանի համայնքի բյուջեում կապիտալի գործառույթներից մուտքեր |
|
Կողմերի պատասխանատվությունը |
Կողմերը ՀՀ օրենսդրության համաձայն պատասխանատվություն են կրում պայմանագրի պայմանների խախտման համար |
Գործարք 2. Ավտոմայրուղու կառուցման կապալի պայմանագիր
|
Պատվիրատուն |
Երևանի քաղաքապետարանի աշխատակազմ |
|
Գլխավոր կապալառուն |
կազմակերպություն |
|
Առարկան |
Մայրուղու կառուցման շինարարական աշխատանքներ, նախագծանախահաշվային փաստաթղթերի կազմման աշխատանքներ, նախագծի փորձաքննություն, հեղինակային հսկողություն, որակի տեխնիկական հսկողություն |
|
Պայմանագրի ավարտման ժամկետը |
2014 թվականի մայիսի 31-ը |
|
Գինը |
Հաստատուն I ո1 I դրամ` ներառյալ ԱԱՀ-ն, ըստ կապալի պայմանագրով նախատեսված աշխատանքների կազմակերպության կողմից առաջարկվող ԱԱՀ-ն ներառող գնի, նախագծանախահաշվային փաստաթղթերի կազմման, փորձաքննության ծառայությունների ԱԱՀ-ն ներառող գնի հանրագումարի, որը հավասար է հողատարածքի առուվաճառքի և գրավի պայմանագրի գնին` I ո I-ին: Հողամասերի արժեքի փոփոխությամբ պայմանավորված՝ այդ գների փոփոխության դեպքում կապալի պայմանագրի գինն ինքնաբերաբար հավասար է փոփոխված գների հանրագումարին: |
|
Գնի վճարման ժամկետը |
Շինարարական կապալի պայմանագիրը կնքվում է հետևյալ պայմաններով՝ |
|
Օբյեկտի սեփականության իրավունքը |
Երևանի համայնքի սեփականություն |
|
Իրականացման փուլը |
շինարարություն` կազմված նախագծանախահաշվային փաստաթղթերի հիման վրա |
|
Թույլտվություններ |
1. պատվիրատուի համար` 2. գլխավոր կապալառուի համար` |
|
Բյուջետային պլանավորումը |
2013 թվականին Երևանի համայնքի բյուջեում կապիտալ շինարարության ծախսի պլանավորում |
|
Կողմերի պատասխանատվությունը |
Կողմերը ՀՀ օրենսդրության համաձայն պատասխանատվություն են կրում պայմանագրի պայմանների խախտման համար |
(հավելվածը խմբ. 19.09.13 N 1025-Ա, փոփ. 10.04.14 N 374-Ա)
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |