ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 հուլիսի 2012 թվականի N 893-Ա

ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «ԱՐՄԵՆԻԱ ՎԱՅՆ» ԳՈՐԾԱՐԱՆ ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ 300 ՄԼՆ ԴՐԱՄԸ ԳԵՐԱԶԱՆՑՈՂ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ՄԻՆՉԵՎ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածը և ղեկավարվելով Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «ԱՐՄԵՆԻԱ ՎԱՅՆ» գործարան սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2012 թվականի օգոստոսի 10-ից մինչև 2014 թվականի մայիսի 31-ը ներառյալ ներմուծվող 300 մլն դրամը գերազանցող արժեքով ապրանքների` համաձայն հավելվածի, մաքսային մարմինների կողմից հաշվարկվող ավելացված արժեքի հարկի վճարման ժամկետը հետաձգել մինչև 2015 թվականի օգոստոսի 10-ը:

(1-ին կետը փոփ. 19.12.13 N 1455-Ա)

2. Հայաստանի Հանրապետության էկոնոմիկայի նախարարին` ապահովել «ԱՐՄԵՆԻԱ ՎԱՅՆ» գործարան սահմանափակ պատասխանատվությամբ ընկերության հետ Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման 1-ին կետի 3-րդ ենթակետով հաստատված` ներդրումային ծրագրի իրականացման ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:

3. Սահմանել, որ սույն որոշման հավելվածում նշված են ապրանքների նախնական արժեքները:

Հայաստանի Հանրապետության վարչապետ	Տ. Սարգսյան
2012 թ. հուլիսի 21 Երևան

Հավելված ՀՀ կառավարության 2012 թվականի հուլիսի 19-ի N 893-Ա որոշման

Ց Ա Ն Կ

«ԱՐՄԵՆԻԱ ՎԱՅՆ» ԳՈՐԾԱՐԱՆ ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Չափի միավորը	Քանակը	Ծագման/արտա- հանման երկիրը	Արժեքը (դրամ)
1.	7308	Մետաղական կոնստրուկցիաներ՝ լրակազմով	կգ	220,000	ԱՄԷ	138,000,000
2.	7308	Պանելներ (սենդվիչ)	կգ	70,000	Գերմանիա, Իսպանիա, Բելգիա կամ Իտալիա	50,000,000
3.	7309	Գինու տարա (պահաման)՝ լրակազմով	կգ	34,000	Իտալիա	225,000,000
4.	7309	Գինու տարա (պահաման)՝ լրակազմով	կգ	7,200	Իտալիա	65,000,000
5.	7326	Պլատֆորմաներ և աստիճաններ՝ լրակազմով	կգ	4,000	Իտալիա	30,000,000
6.	8424	Լվացող սարքավորում՝ լրակազմով	հատ	1	Իտալիա	11,920,000
7.	8422	Գինու, շամպայնի շշերի պարզաջրող, շշալցնող և խցանող սարք՝ լրակազմով	հատ	1	Իտալիա	270,000,000
8.	8422	Գինու, շամպայնի շշերի արտաքին լվացման, չորացման, տաքացման սարք` լրակազմով	հատ	1	Իտալիա	78,000,000
9.	8422	Շամպայնի մյուզլեյի ամրացման սարք՝ լրակազմով	հատ	1	Իտալիա	32,000,000
10.	8422	Թասակների ամրացման սարք՝ լրակազմով	հատ	1	Իտալիա	54,000,000
11.	8422	Պիտակավորող սարք՝ լրակազմով	հատ	1	Իտալիա	40,000,000
12.	7309	Շամպայնի պահամաններ՝ լրակազմով	կգ	42,000	Իտալիա	165,000,000
13.	7309	Շամպայնի պահամաններ՝ լրակազմով	կգ	3,000	Իտալիա	18,000,000
14.	8428	Փոխարկիչ (կոնվեյեր)՝ լրակազմով	հատ	1	Իտալիա	76,000,000
15.	8421	Խմիչքը ֆիլտրող սարքեր՝ լրակազմով	հատ	3	Իտալիա կամ Գերմանիա	136,500,000
16.	8413	Հեղուկային պոմպեր	հատ	2	Իտալիա, Գերմանիա կամ Ֆրանսիա	9,100,000
Ընդամենը					1,398,520,000

Հայաստանի Հանրապետության կառավարության աշխատակազմի ղեկավար

Դ. Սարգսյան