ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 փետրվարի 2014 թվականի N 132-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ԴԵԿՏԵՄԲԵՐԻ 25-Ի N 1554-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2008 թվականի դեկտեմբերի 25-ի «Հայաստանի Հանրապետության պաշտպանության նախարարության, Հայաստանի Հանրապետության զինված ուժերի գլխավոր շտաբի, Հայաստանի Հանրապետության պաշտպանության նախարարության նյութատեխնիկական ապահովման դեպարտամենտի և Հայաստանի Հանրապետության պաշտպանության նախարարության քննչական ծառայության կանոնադրություններն ու կառուցվածքները հաստատելու, ինչպես նաև «Հայաստանի Հանրապետության պաշտպանության նախարարության աշխատակազմ» պետական կառավարչական հիմնարկ, Հայաստանի Հանրապետության պաշտպանության նյութատեխնիկական ապահովման դեպարտամենտ և Հայաստանի Հանրապետության պաշտպանության նախարարության քննչական ծառայություն ստեղծելու մասին» N 1554-Ն որոշման N 5 հավելվածում կատարել հետևյալ փոփոխությունները և լրացումը`

1) 1-ին կետից հանել «, ռազմարդյունաբերական ոլորտի» բառերը.

2) 7-րդ կետի 2-րդ ենթակետը շարադրել հետևյալ խմբագրությամբ.

«2) ՀՀ պաշտպանության նախարարության կարիքների համար աշխատանքների, ապրանքների և ծառայությունների գնման գործընթացի կազմակերպումը:».

3) 8-րդ կետի`

ա. 3-րդ ենթակետից հանել «ռազմարդյունաբերական համալիրի,» բառերը, իսկ «ռազմական տեխնիկայի» բառերից հետո ենթակետը լրացնել «հեռանկարային» բառով,

բ. 5-րդ ենթակետը շարադրել հետևյալ խմբագրությամբ.

«5) սպառազինության և ռազմական տեխնիկայի ու դրանց առանձին հանգույցների և սարքավորումների վերականգնման ու արդիականացման աշխատանքների իրականացումը».

4) 9-րդ կետի`

ա. 7-րդ ենթակետից հանել «ռազմարդյունաբերական համալիրի,» բառերը,

բ. 9-րդ ենթակետում «պլանը մշակելը» բառերը փոխարինել «պլանի մշակման աշխատանքներին մասնակցելը» բառերով,

գ. 10-րդ ենթակետից հանել «ու պահպանման» բառերը.

5) ուժը կորցրած ճանաչել 8-րդ կետի 4-րդ ենթակետը, 9-րդ կետի 1-ին, 3-րդ, 4-րդ և 11-րդ ենթակետերը և 15-րդ կետի 6-րդ ու 9-րդ ենթակետերը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2014 թ. փետրվարի  18 Երևան