ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 սեպտեմբերի 2013 թվականի N 1166-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ՍՊԻՏԱԿ ՔԱՂԱՔԻ «ՎԱՐՊԵՏԱՑ» ԹԱՂԱՄԱՍՈՒՄ ԿԱՌՈՒՑՎԱԾ ԲՆԱԿԵԼԻ ՏՆԵՐԻՑ ՉԲԱՇԽՎԱԾ ԲՆԱԿԵԼԻ ՏՆԵՐԻ ՄԱՍԻՆ

Հայաստանի Հանրապետության քաղաքացիական օրենսգրքի 351-րդ հոդվածին համապատասխան՝ Հայաստանի Հանրապետության կառավարությունը որոշում է.

1. «Հայաստանի Հանրապետության 2010 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 06 բաժնի 01 խմբի 01 դասի «02. Բնակարանային շինարարություն» ծախսային ծրագրի շրջանակներում` Սպիտակ քաղաքի «Վարպետաց» թաղամասում կառուցված և չբաշխված բնակելի տներից`

1) 4 բնակելի տուն հատկացնել N 1 հավելվածում նշված անձանց` ապահովելով Հայաստանի Հանրապետության Լոռու մարզի Սպիտակ քաղաքում «Լինսի» և «Հայաստան» համահայկական հիմնադրամների կողմից 2002-2003 թվականներին իրականացված բնակարանային շինարարության ծրագրի շրջանակներում կառուցապատման համար նախատեսված տարածքների իրացման դիմաց 2 անձանց և Սպիտակի քաղաքապետարանի միջև կնքված, նոտարական կարգով վավերացված պայմանագրերով ստանձնած, ինչպես նաև օրինական ուժի մեջ մտած դատարանի 2 վճիռների համաձայն Սպիտակի քաղաքապետարանի՝ բնակարաններ հատկացնելու պարտավորությունների կատարումը.

2) 9 բնակելի տուն՝ Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման 1-ին կետի 1-ին ենթակետով հաստատված` բնակելի տարածություն ստանալու իրավունք ունեցող սոցիալապես անապահով և հատուկ խմբերին դասված անձանց կացարանով ապահովելու նպատակով հանձնել Հայաստանի Հանրապետության աշխատանքի և սոցիալական հարցերի նախարարությանը՝ համաձայն N 2 հավելվածի:

2. Հայաստանի Հանրապետության քաղաքաշինության նախարարին`

1) սույն որոշման 1-ին կետի 1-ին ենթակետում նշված անձանց բնակելի տները բաշխել վիճակահանությամբ` համաձայն Հայաստանի Հանրապետության Լոռու մարզի Սպիտակ քաղաքում տարածքների իրացման դիմաց Սպիտակի քաղաքապետի հետ ըստ սենյակների թվի նույնատիպ բնակարաններ ստանալու համար պայմանագրեր կնքած անձանց միջև.

2) սույն կետի 1-ին ենթակետի համաձայն բնակելի տների վիճակահանությամբ բաշխման արդյունքներով բնակելի տուն ստացող անձանց հետ Հայաստանի Հանրապետության անունից կնքել սեփականության իրավունքով փոխանցման պայմանագրեր` նշելով, որ բնակարանները տրամադրվում են սույն որոշման 1-ին կետի 1-ին ենթակետում նշված պարտավորության կատարման նպատակով, և, որ պայմանագրերի նոտարական վավերացման ու գույքի նկատմամբ իրավունքների գրանցման հետ կապված ծախսերը կատարվում են բնակելի տունն ստացող անձանց միջոցների հաշվին.

3) սույն որոշումն ուժի մեջ մտնելուց հետո 1-ամսյա ժամկետում ապահովել սույն որոշման 1-ին կետի 2-րդ ենթակետում նշված՝ պետական սեփականություն հանդիսացող բնակելի տները Հայաստանի Հանրապետության աշխատանքի և սոցիալական հարցերի նախարարությանը հանձնման-ընդունման գործընթացը:

3. Հայաստանի Հանրապետության աշխատանքի և սոցիալական հարցերի նախարարին`

1) սույն որոշման 1-ին կետի 2-րդ ենթակետում նշված բնակելի տների հատկացումն իրականացնել Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման համաձայն.

2) սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության ֆինանսների նախարարի հետ համատեղ քննարկման արդյունքներով սահմանված կարգով Հայաստանի Հանրապետության կառավարություն ներկայացնել առաջարկություն Հայաստանի Հանրապետության կառավարության 2013 թվականի օգոստոսի 1-ի N 894-Ն որոշման N 2 հավելվածի 2-րդ կետի 3-րդ և 49-րդ ենթակետերով սահմանված մեկ միավորի արժեքի վերաբերյալ` սույն որոշման 1-ին կետի 2-րդ ենթակետում նշված բնակելի տները` բնակելի տարածության կարիք ունեցող անձանց կացարանի և այլ սոցիալական ծառայությունների տրամադրման նպատակով:

Հայաստանի Հանրապետության վարչապետ	Տ. Սարգսյան
2013 թ. հոկտեմբերի 29 Երևան

Հավելված N 1 ՀՀ կառավարության 2013 թվականի սեպտեմբերի 19-ի N 1166-Ա որոշման

Ց ՈՒ Ց Ա Կ

ՀԱՅԱՍՏԱՆԻ ՀԱՆԱՐՊԵՏՈՒԹՅԱՆ ԼՈՌՈՒ ՄԱՐԶԻ ՍՊԻՏԱԿ ՔԱՂԱՔՈՒՄ «ԼԻՆՍԻ» ԵՎ «ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄՆԵՐԻ ԿՈՂՄԻՑ 2002-2003 ԹՎԱԿԱՆՆԵՐԻՆ ԻՐԱԿԱՆԱՑՎԱԾ ԲՆԱԿԱՐԱՆԱՅԻՆ ՇԻՆԱՐԱՐՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ ԿԱՌՈՒՑԱՊԱՏՄԱՆ ՀԱՄԱՐ ՆԱԽԱՏԵՍՎԱԾ ՏԱՐԱԾՈՒԹՅՈՒՆՆԵՐԻ ԻՐԱՑՄԱՆ ԴԻՄԱՑ ՍՊԻՏԱԿԻ ՔԱՂԱՔԱՊԵՏԱՐԱՆԻ ՀԵՏ ԲՆԱԿԱՐԱՆՆԵՐ ՀԱՏԿԱՑՆԵԼՈՒ ՄԱՍԻՆՊԱՅՄԱՆԱԳՐԵՐ ԿՆՔԱԾ ԱՆՁԱՆՑ

N N ը/կ	Ազգանունը, անունը, հայրանունը	Կնքված պայմանագրով նախատեսված բնակարանի սենյակների թիվը
1.	Հակոբյան Արտակ Ալբերտի	2 սենյակ
2.	Աղամալյան Հայկ Մնացականի	3 սենյակ
3.	Պողոսյան Սերժիկ Գևորգի	3 սենյակ
4.	Պողոսյան Սամվել Գևորգի	3 սենյակ

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան

Հավելված N 2 ՀՀ կառավարության 2013 թվականի սեպտեմբերի 19-ի N 1166-Ա որոշման

Ց ՈՒ Ց Ա Կ

ՀԱՅԱՍՏԱՆԻ ՀԱՆԱՐՊԵՏՈՒԹՅԱՆ ԼՈՌՈՒ ՄԱՐԶԻ ՍՊԻՏԱԿ ՔԱՂԱՔԻ «ՎԱՐՊԵՏԱՑ» ԹԱՂԱՄԱՍՈՒՄ ԿԱՌՈՒՑՎԱԾ ԵՎ ՉԲԱՇԽՎԱԾ ԲՆԱԿԵԼԻ ՏՆԵՐԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ՀԱՆՁՆՎՈՂ ԲՆԱԿԵԼԻ ՏՆԵՐԻ

NN ը/կ	Գույքի հասցեն	Գույքի բնութագիրը	Գույքի
			սենյակների թիվը	ընդհանուր մակերեսը, (քառ. մետր)	կառուցապատման մակերեսը (քառ. մետր)	Արժեքը (հազ. դրամ)
1.	Երիտասարդության փողոց, 1-ին փակուղի, N 2 բնակելի տուն	անհատական բնակելի տուն	3 սենյակ	78,2	91.91	16,363.7
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
2.	Երիտասարդության փողոց, 1-ին փակուղի, N 4 բնակելի տուն	անհատական բնակելի տուն	3 սենյակ	78,2	93.19	16,591.5
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
3.	Երիտասարդության փողոց, 1-ին փակուղի, N 6 բնակելի տուն	անհատական բնակելի տուն	3 սենյակ	78,2	92.06	16,390.1
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
4.	Երիտասարդության փաղոց, N1 բնակելի տուն	անհատական բնակելի տուն	3 սենյակ	78,2	92.8	16,522.1
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
5.	Երիտասարդության փողոց, N 2 բնակելի տուն	անհատական բնակելի տուն	3 սենյակ	78,2	93.35	16,620.0
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
6.	Երիտասարդության փողոց, N 57 բնակելի տուն	անհատական բնակելի տուն	3 սենյակ	78,2	91.94	16,396.0
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
7.	Երիտասարդության փողոց, N 58 բնակելի տուն	անհատական բնակելի տուն	3 սենյակ	78,2	93.94	16,725.1
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
8.	Երիտասարդության փողոց, 3-րդ փակուղի, N 1 բնակելի տուն	անհատական բնակելի տուն	3 սենյակ	78,2	91.99	16,377.9
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7
9.	Երիտասարդության փողոց, 4-րդ փակուղի, N 6 բնակելի տուն	անհատական բնակելի տուն	3 սենյակ	78,2	92.72	16,507.9
		անհատական բնակելի տան զբաղեցրած և սպասարկման համար անհրաժեշտ հողամաս	-	99.0	-	62.7

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան