ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 հոկտեմբերի 2013 թվականի N 1189-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՍԵՊՏԵՄԲԵՐԻ 4-Ի N 1005-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին մասի «զ» ենթակետով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն առընթեր պետական եկամուտների կոմիտեի աշխատակազմում լուծարել գերատեսչական հսկողության վարչությունը, հարկային տեսչությունների աշխատանքների կազմակերպման և ընթացիկ հսկողության վարչությունը վերանվանել կազմակերպման և հսկողության վարչության, լուծարել հետաքննության վարչությունը և ստեղծել իրավախախտումների հայտնաբերման ու վարչական վարույթների իրականացման վարչություն, ստեղծել առաջին և գործարար միջավայրի հետազոտման և մոնիթորինգի բաժիններ:

2. Հայաստանի Հանրապետության կառավարության 2008 թվականի սեպտեմբերի 4-ի «Հայաստանի Հանրապետության կառավարությանն առընթեր պետական եկամուտների կոմիտեի կանոնադրությունը և աշխատակազմի կառուցվածքը հաստատելու մասին» N 1005-Ն որոշման «I. Վերադաս մարմնի կառուցվածքային ստորաբաժանումներ» բաժնում`

1) «1. Վարչություններ» մասում`

ա. հանել «Գերատեսչական հսկողության վարչություն» բառերը,

բ. «Հարկային տեսչությունների աշխատանքների կազմակերպման և ընթացիկ հսկողության վարչություն» բառերը փոխարինել «Կազմակերպման և հսկողության վարչություն» բառերով,

գ. հանել «Հետաքննության վարչություն» բառերը,

դ. լրացնել «Իրավախախտումների հայտնաբերման ու վարչական վարույթների իրականացման վարչություն» բառերով.

2) «2. Բաժիններ» մասում`

ա. լրացնել «Առաջին բաժին» բառերով,

բ. լրացնել «Գործարար միջավայրի հետազոտման և մոնիթորինգի բաժին» բառերով:

3. Այդ կապակցությամբ որոշման N 2 հավելվածը շարադրել նոր խմբագրությամբ՝ համաձայն հավելվածի:

4. Սույն որոշումն ուժի մեջ է մտնում 2013 թվականի դեկտեմբերի 1-ից:

Հայաստանի Հանրապետության վարչապետ	Տ. Սարգսյան
2013 թ. նոյեմբերի 1 Երևան

Հավելված ՀՀ կառավարության 2013 թվականի հոկտեմբերի 17-ի N 1189-Ն որոշման

«Հավելված N 2 ՀՀ կառավարության 2008 թվականի սեպտեմբերի 4-ի N 1005-Ն որոշման

Կ Ա Ռ ՈՒ Ց Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ԱՇԽԱՏԱԿԱԶՄԻ

 I. Վերադաս մարմնի կառուցվածքային ստորաբաժանումներ

 1. Վարչություններ

Ռազմավարական ծրագրավորման վարչություն

Հարկ վճարողների սպասարկման և հարկման ընթացակարգերի վարչություն

Կազմակերպման և հսկողության վարչություն

Ստուգումների կազմակերպման և դիտարկման վարչություն

Ներքին աուդիտի վարչություն

Տեղեկատվական տեխնոլոգիաների վարչություն

Մաքսային վիճակագրության, վերլուծության և ռիսկերի կառավարման վարչություն

Մաքսային հսկողության վարչություն

Հետբացթողումային հսկողության վարչություն

Նախաբացթողումային հսկողության վարչություն

Իրավաբանական վարչություն

Քննչական վարչություն

Իրավախախտումների հայտնաբերման ու վարչական վարույթների իրականացման վարչություն

Օպերատիվ հետախուզության վարչություն

Մաքսանենգության դեմ պայքարի և կրկնակի մաքսային հսկողության վարչություն

Անձնակազմի կառավարման վարչություն

Ֆինանսահաշվային վարչություն

Գործերի կառավարման վարչություն

Քարտուղարություն

2. Բաժիններ

Ակցիզային դրոշմանիշերի հաշվառման բաժին

Տեղեկատվության և հասարակայնության հետ կապերի բաժին

Հատուկ բաժին

Առաջին բաժին

Գործարար միջավայրի հետազոտման և մոնիթորինգի բաժին

 II. Հարկային (տարածքային) տեսչություններ (մարմիններ)

Խոշոր հարկ վճարողների հարկային տեսչություն

Արաբկիրի հարկային տեսչություն

Էրեբունու հարկային տեսչություն

Նոր Նորքի հարկային տեսչություն

Մաշտոցի հարկային տեսչություն

Կենտրոնի հարկային տեսչություն

Շենգավիթի հարկային տեսչություն

Աշտարակի տարածքային հարկային տեսչություն

Արմավիրի տարածքային հարկային տեսչություն

Արտաշատի տարածքային հարկային տեսչություն

Գավառի տարածքային հարկային տեսչություն

Գյումրու տարածքային հարկային տեսչություն

Գորիսի տարածքային հարկային տեսչություն

Եղեգնաձորի տարածքային հարկային տեսչություն

Էջմիածնի տարածքային հարկային տեսչություն

Իջևանի տարածքային հարկային տեսչություն

Կապանի տարածքային հարկային տեսչություն

Կոտայքի տարածքային հարկային տեսչություն

Հրազդանի տարածքային հարկային տեսչություն

Մասիսի տարածքային հարկային տեսչություն

Մարտունու տարածքային հարկային տեսչություն

Նաիրիի տարածքային հարկային տեսչություն

Սևանի տարածքային հարկային տեսչություն

Վանաձորի տարածքային հարկային տեսչություն

 III. Մաքսատներ և մաքսային կետեր

Ավտոտրանսպորտային միջոցների մաքսային ձևակերպումների մասնագիտացված մաքսատուն

Արարատյան տարածաշրջանային մաքսատուն

«Զվարթնոց» մաքսատուն

Միջազգային ճանապարհային փոխադրումների տարածաշրջանային մաքսատուն

Ակցիզային հարկով հարկվող ապրանքների մասնագիտացված մաքսատուն

Սյունիքի տարածաշրջանային մաքսատուն

- Մեղրիի մաքսային կետ

Գուգարքի տարածաշրջանային մաքսատուն

- Բագրատաշենի մաքսային կետ

- Այրում-Ջիլիզայի մաքսային կետ

- Գոգավան-Պրիվոլնոյեի մաքսային կետ

Շիրակի տարածաշրջանային մաքսատուն

- Բավրայի մաքսային կետ

- «Շիրակ» օդանավակայանի մաքսային կետ

Միջազգային փոստային և սուրհանդակային առաքումներով փոխադրվող
      ապրանքների մասնագիտացված մաքսատուն»

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան