«Գրանցված է»

ՀՀ արդարադատության

նախարարության կողմից

25 ապրիլի 2013 թ.

Պետական գրանցման թիվ 60013171

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

10 ապրիլի 2013 թ. ք. Երևան

N 105-Ն

Ո Ր Ո Շ ՈՒ Մ

ՋԵՐՄԱՄԱՏԱԿԱՐԱՐՄԱՆ ՀԱՄԱԿԱՐԳԻ ԼԻՑԵՆԶԱՎՈՐՎԱԾ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ ԼԻՑԵՆԶԱՎՈՐՎԱԾ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՏԵԽՆԻԿԱՏՆՏԵՍԱԿԱՆ ՏԵՂԵԿԱՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 29-րդ հոդվածը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել ջերմամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվությունների ներկայացման կարգը (հավելված):

2. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի 2005 թվականի հուլիսի 22-ի «Հայաստանի Հանրապետության ջերմամատակարարման համակարգի լիցենզավորված անձանց կողմից Հայաստանի Հանրապետության հանրային ծառայությունները կարգավորող հանձնաժողով լիցենզավորված գործունեության վերաբերյալ տեխնիկատնտեսական տեղեկատվությունների ներկայացման կարգը հաստատելու մասին» N 102-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան

Հավելված Հաստատված է ՀՀ հանրային ծառայությունները կարգավորող հանձնաժողովի 2013 թվականի ապրիլի 10-ի N 105-Ն որոշմամբ

Կ Ա Ր Գ

ՋԵՐՄԱՄԱՏԱԿԱՐԱՐՄԱՆ ՀԱՄԱԿԱՐԳԻ ԼԻՑԵՆԶԱՎՈՐՎԱԾ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ ԼԻՑԵՆԶԱՎՈՐՎԱԾ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՏԵԽՆԻԿԱՏՆՏԵՍԱԿԱՆ ՏԵՂԵԿԱՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ

1. Ջերմամատակարարման համակարգի լիցենզավորված անձինք լիցենզավորված գործունեության վերաբերյալ տեխնիկատնտեսական տեղեկատվությունը Հայաստանի Հանրապետության հանրային ծառայությունները կարգավորող հանձնաժողով (այսուհետ` Հանձնաժողով) են ներկայացնում համաձայն սույն կարգի հավելվածով սահմանված ձևի:

1.1. Ջերմամատակարարման համակարգում արտադրության, փոխադրման, բաշխման լիցենզիա ունեցող անձինք սույն կարգով նախատեսված տեղեկատվությունը ներկայացնում են արտադրության, փոխադրման, բաշխման գործունեություններն սկսելու պահից:

(1.1-ին կետը լրաց. 16.10.13 N 353-Ն)

2. Սույն կարգի հավելվածով սահմանված տեղեկատվությունը ներկայացվում է եռամսյակային կտրվածքով՝ մինչև հաշվետու եռամսյակին հաջորդող առաջին ամսվա 25-ը։

3. Ներկայացվող տեղեկատվությունը նախնական փաստաթղթային ստուգում է անցնում Հանձնաժողովի աշխատակազմի համապատասխան ստորաբաժանման կողմից և սույն կարգի պահանջներին համապատասխանության դեպքում «Նախնական ստուգում անցած է» նշումով մուտքագրվում է Հանձնաժողովում։

4. Ներկայացված տեղեկատվության նախնական փաստաթղթային ստուգման արդյունքում սույն կարգի պահանջներին անհամապատասխանություններ, անճշտություններ և բացթողումներ հայտնաբերելու դեպքում տեղեկատվությունը վերադարձվում է ջերմամատակարարման համակարգի լիցենզավորված անձին, որը թերությունները շտկելուց հետո հնգօրյա ժամկետում այն կրկին ներկայացնում է Հանձնաժողով։

5. Տեղեկատվությունը Հանձնաժողով է ներկայացվում նաև էլեկտրոնային տարբերակով։

Հավելված ՀՀ հանրային ծառայությունները կարգավորող հանձնաժողովի 2013 թվականի ապրիլի 10-ի N 105-Ն որոշմամբ հաստատված կարգի

Ձև 1

_______________________________

(ընկերության անվանումը)