«Գրանցված է»

ՀՀ արդարադատության

նախարարության կողմից

19 սեպտեմբերի 2013 թ.

Պետական գրանցման թիվ 05013365

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

30 օգոստոսի 2013 թ.

թիվ 209-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով հստակեցնել բանկերի կողմից ներկայացվող հաշվետվությունների լրացման կարգը,

հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը, «Իրավական ակտերի մասին» Հայաստանի Հանրապետության օրենքի 16-րդ հոդվածը և 70-րդ հոդվածի 1-ին մասը,

ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» և «իա» կետերով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ 3) կատարել հետևյալ փոփոխությունները և լրացումները.

1) Կանոնակարգ 3-ի 5-րդ կետի 3-րդ պարբերությունում «չվճարված տոկոսագումարը» բառերը փոխարինել «չվճարված կամ չստացված տոկոսագումարը, ինչպես նաև տոկոսային արժեթղթերի զեղչով տրամադրման դեպքում՝ արժեթղթի պայմանների համաձայն հաշվեգրված և չվճարված կամ չստացված զեղչի գումարը» բառերով:

2) Կանոնակարգ 3-ի 10-րդ կետի 2-րդ նախադասությունում «համախառն հաշվեկշռային մնացորդներով» բառերը փոխարինել «Կանոնակարգ 2-ի Հավելված 4-ի 6.3-րդ կետի պահանջներին համապատասխան» բառերով:

3) Կանոնակարգ 3-ի Ձև թիվ 11 հաշվետվության «Հիմնական կապիտալից նվազեցվող գումարներ՝ այդ թվում՝» տողից հետո լրացնել նոր տող հետևյալ բովանդակությամբ՝ «Գրավի առարկայի տնօրինման արդյունքում բանկի սեփականությանն անցած բաժնետոմսեր՝ ըստ Կանոնակարգ 2-ի 28.1-րդ կետի «թ» ենթակետի»:

4) Կանոնակարգ 3-ի կետ 32-ի 2-րդ ենթակետում «2-րդ,» բառից հետո ավելացնել «3-րդ,» բառերը:

5) Կանոնակարգ 3-ի Ձև թիվ 6 հաշվետվության «IV. Չաշխատող և հետհաշվեկշիռ դուրս գրված ակտիվներ» աղյուսակի «Ամսվա ընթացքում հետհաշվեկշիռ դուրս գրված ակտիվներ» սյունակից հետո լրացնել նոր սյունակ՝ հետևյալ բովանդակությամբ.

Այդ թվում՝ Ամսվա ընթացքում հետհաշվեկշիռ դուրս գրված բլանկային ակտիվներ ՀՀ դրամ արտարժույթ

:

6) Կանոնակարգ 3-ի Ձև թիվ 6 հաշվետվության «IV. Չաշխատող և հետհաշվեկշիռ դուրս գրված ակտիվներ» աղյուսակի «Ամսվա ընթացքում հետհաշվեկշիռ դուրս գրված ակտիվների վերադարձ» սյունակից հետո լրացնել նոր սյունակ՝ հետևյալ բովանդակությամբ.

այդ թվում՝ Ամսվա ընթացքում հետհաշվեկշիռ դուրս գրված բլանկային ակտիվների վերադարձ ՀՀ դրամ արտարժույթ

:

2. Սույն որոշումն ուժի մեջ է մտնում հրապարակման օրվան հաջորդող տասներորդ օրվան հաջորդող ամսվա 1-ին:

ՀՀ կենտրոնական բանկի նախագահ	Ա. Ջավադյան
2013 թ. սեպտեմբերի 4 Երևան