ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ԱՎԱԳԱՆԻ

10 սեպտեմբերի 2013 թ.

N 47-Ն

Ո Ր Ո Շ ՈՒ Մ

ՀՈՂԱՄԱՍԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆԸ ՓՈԽԵԼՈՒ ՄԱՍԻՆ

Ղեկավարվելով Հայաստանի Հանրապետության հողային օրենսգրքի 3-րդ հոդվածի առաջին մասի 1-ին կետի, «Քաղաքաշինության մասին» Հայաստանի Հանրապետության օրենքի 14.3-րդ հոդվածի 9-րդ և 12-րդ մասերի պահանջներով և հիմք ընդունելով Հայաստանի Հանրապետության կառավարության 2005 թվականի դեկտեմբերի 15-ի N 2330-Ն որոշումը.

Երևան քաղաքի ավագանին որոշում է.

1. Երևան քաղաքի վարչական սահմաններում գտնվող մի շարք հողամասեր փոխադրել այլ նշանակության հողամասերի կատեգորիա` համաձայն հավելվածի:

2. Առաջարկել Երևանի քաղաքապետին`

1) Հայաստանի Հանրապետության օրենսդրությանը համապատասխան՝ գերեզմանատների կազմավորման (կազմակերպման) այդ թվում՝ դրանց պահպանման և շահագործման, գերեզմանատների հողերի օգտագործման, հատակագծերի հաստատման ընթացքում հաշվի առնել էլեկտրահաղորդման օդային գծերի անվտանգ պահպանման հետ կապված հարցերը և իրականացնել շրջակա միջավայրի վրա ազդեցության փորձաքննություն.

2) սույն որոշման 1-ին կետով հողամասերի նպատակային նշանակության կատարված փոփոխության մասին 10-օրյա ժամկետում Հայաստանի Հանրապետության օրենսդրությամբ սահմանված կարգով տեղեկացնել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին և Հայաստանի Հանրապետության քաղաքաշինության նախարարությանը` կցելով սույն որոշման սահմանված կարգով հաստատված պատճենները:

Երևանի քաղաքապետ

Տ. Մարգարյան

Հավելված Երևան քաղաքի ավագանու 2013 թվականի սեպտեմբերի 10-ի N 47-Ն որոշման

Ց Ա Ն Կ

Երևան քաղաքում որոշ հողամասերի նպատակային նշանակության փոփոխության

N/N	Կառուցապատող	Հասցեն	Հողամասի մակերեսը	Ներկայիս նպատակային նշանակությունը	Առաջարկվող նպատակային նշանակությունը	Ծանոթագրություն
1	2	3	4	5	6	7
1.	«Բնակչության հատուկ սպասարկում» ՀՈԱԿ	«Սիլիկյան» գերեզմանատուն 3-րդ գյուղ	28833.57քմ	գյուղատնտեսական	Հատուկ պահպանվող	Գերեզմանատան տարածքի ընդլայնում
2.	Բնակչության հատուկ սպասարկում» ՀՈԱԿ	«Շահումյան-2» գերեզմանատուն «Կաթ» գործարանին հարող տարածք	33220.78քմ	Արդյունաբերական, ընդերքօգ- տագործման և այլ արտադրական	Հատուկ պահպանվող	Գերեզմանատան տարածքի ընդլայնում
3.	Բնակչության հատուկ սպասարկում» ՀՈԱԿ	«Կենտրոնական» գերեզմանատուն Դավիթ Բեկի փողոցին հարող տարածք	1859.95քմ	բնակավայրերի	Հատուկ պահպանվող	Գերեզմանատան տարածքի ընդլայնում