ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 օգոստոսի 2013 թվականի N 893-Ա

ԳՈՒՅՔ ՆՎԻՐԱԲԵՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԴԵԿՏԵՄԲԵՐԻ 21-Ի N 1893-Ա ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈՒՆՎԱՐԻ 25-Ի N 47-Ա  ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածի, «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի ու 11-րդ հոդվածի 2-րդ մասի և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասի պահանջներով` Հայաստանի Հանրապետության կառավարությունը որոշում է.

1. «Հայաստանի Հանրապետության տարածքային կառավարման նախարարության աշխատակազմ» պետական կառավարչական հիմնարկին ամրացված` 2230.169 հազ. դրամ սկզբնական արժեքով գույքը հետ վերցնել և հանձնել Հայաստանի Հանրապետության տրանսպորտի և կապի նախարարության համակարգում գործող «Հայաստանի ավտոմոբի-լային ճանապարհների տնօրինություն» պետական ոչ առևտրային կազմակերպությանը` համաձայն N 1 հավելվածի:

2. Թույլատրել Հայաստանի Հանրապետության տարածքային կառավարման նախարարությանը «Հայաստանի Հանրապետության տարածքային կառավարման նախարարության աշխատակազմ» պետական կառավարչական հիմնարկի հաշվեկշռում գտնվող` 15564.462 հազ. դրամ սկզբնական արժեքով գույքը նվիրաբերել համայնքներին` գույքի նպատակային նշանակությանը համապատասխան օգտագործելու նպատակով:

3. Հայաստանի Հանրապետության կառավարության 2006 թվականի դեկտեմբերի 21-ի «Հայաստանի Հանրապետության տարածքային կառավարման նախարարության աշխատակազմին գույք հանձնելու մասին» N 1893-Ա որոշման հավելվածում կատարել հետևյալ փոփոխությունները`

1) հավելվածում կատարել փոփոխություն` համաձայն N 2 հավելվածի.

2) ուժը կորցրած ճանաչել հավելվածի 73-րդ և 217-րդ կետերը:

4. Հայաստանի Հանրապետության կառավարության 2008 թվականի հունվարի 25-ի «Գույքը որպես նվիրատվություն ընդունելու մասին» N 47-Ա որոշման հավելվածում կատարել հետևյալ փոփոխությունները`

1) հավելվածում կատարել փոփոխություն` համաձայն N 3 հավելվածի.

2) ուժը կորցրած ճանաչել հավելվածի 8-րդ և 10-րդ կետերը:

5. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարարին` սույն որոշումն ուժի մեջ մտնելուց հետո`

1) ըստ համայնքների հաստատել սույն որոշման 2-րդ կետով տրամադրվող գույքի ցանկը.

2) երկամսյա ժամկետում համապատասխան համայնքների հետ համատեղ իրականացնել գույքի հանձնման-ընդունման աշխատանքները` նրանց հետ կնքելով գույքի նվիրաբերության պայմանագրեր:

Հայաստանի Հանրապետության վարչապետ	Տ. Սարգսյան
2013 թ. օգոստոսի 28 Երևան

 

Հավելված N 1 ՀՀ կառավարության 2013 թվականի օգոստոսի 1-ի N 893-Ա որոշման

Հայաստանի Հանրապետության ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆ ՀԱՄԱԿԱՐԳՈՒՄ ԳՈՐԾՈՂ «ՀԱՅԱՍՏԱՆԻ ԱՎՏՈՄՈԲԻԼԱՅԻՆ ՃԱՆԱՊԱՐՀՆԵՐԻ ՏՆՕՐԻՆՈՒԹՅՈՒՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՀԱՆՁՆՎՈՂ ԳՈՒՅՔԻ

(հազ. դրամ)

NN ը/կ	Անվանումը	Չափի միավորը	Քանակը	Միավորի գինը	Ընդամենը
1.	Տախեոմետր	հատ	1	2230.169	2230.169

Հայաստանի Հանրապետության կառավարության աշխատակազմի ղեկավարի տեղակալ

Տ.  Գևորգյան

Հավելված N 2 ՀՀ կառավարության 2013 թվականի օգոստոսի 1-ի N 893-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԴԵԿՏԵՄԲԵՐԻ 21-Ի N 1893-Ա ՈՐՈՇՄԱՆ ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

«

NN ը/կ Անվանումը Չափի միավորը Քանակը Միավորի գինը Ընդամենը 29. Աթոռներ հատ 446 45.5 20293.0 33. Ուղեգորգ գծմ 170 15.0 2550.0 39. Լազերային տպիչ հատ 43 195.5 8406.5 41. Պատճենահանման սարք հատ 1 667.0 667.0 42. Պատճենահանման սարք հատ 1 161.0 161.0 44. Անխափան հիշողության սարք հատ 2 124.2 248.4 45. Հեռախոս, ֆաքս հատ 2 81.0 162.0 58. Հեռուստացույց հատ 17 140.0 2380.0 61. Տաքացուցիչ հատ 16 47.5 760.0 85. Տաքացուցիչ հատ 12 22.0 264.0 86. Տաքացուցիչ հատ 13 20.0 260.0    Ընդամենը       197932.9

»:

Հայաստանի Հանրապետության կառավարության աշխատակազմի ղեկավարի տեղակալ

Տ.  Գևորգյան

Հավելված N 3 ՀՀ կառավարության 2013 թվականի օգոստոսի 1-ի N 893-Ա որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈՒՆՎԱՐԻ 25-Ի N 47-Ա ՈՐՈՇՄԱՆ ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

«

NN ը/կ Անվանումը Մոդելը Թիվը (հատ) Սերիական համարը Ընդհանուր արժեքը (հազ. դրամ) 4. Տպիչ սարք HP LaserJet 1020 1 N/A 93.275 21. Անխափան սնուցման սարք UPS APC 500VA 1   62.700    Ընդամենը       5606.774

»:

Հայաստանի Հանրապետության կառավարության աշխատակազմի ղեկավարի տեղակալ

Տ.  Գևորգյան