ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

 11 ապրիլի 2013 թվականի N 268-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետով և հիմք ընդունելով Հայաստանի Հանրապետության կառավարության 2013 թվականի մարտի 7-ի «Երևանի փոքր կենտրոնի կառուցապատման մասին» Հայաստանի Հանրապետության օրենքի հայեցակարգին հավանություն տալու մասին» N 9 արձանագրային որոշման 19-րդ կետի 1-ին ենթակետը`

1. «Երևանի փոքր կենտրոնի կառուցապատման մասին» Հայաստանի Հանրապետության օրենքի նախագծի մշակման նպատակով ստեղծել աշխատանքային խումբ և հաստատել դրա անհատական կազմը՝ համաձայն հավելվածի:

2. Հայաստանի Հանրապետության քաղաքաշինության նախարարին` 6-ամսյա ժամկետում սահմանված կարգով Հայաստանի Հանրապետության կառավարության քննարկմանը ներկայացնել սույն որոշման 1-ին կետով նշված օրենքի նախագիծը:

Հայաստանի Հանրապետության վարչապետի պաշտոնակատար	Տ. Սարգսյան
2013 թ. ապրիլի 11 Երևան

Հավելված  ՀՀ վարչապետի 2013 թ. ապրիլի 11-ի N 268-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ռ. Ալավերդյան	-ՀՀ քաղաքաշինության նախարարի տեղակալ (աշխատանքային խմբի ղեկավար)
Ն. Սարգսյան	-Երևան քաղաքի գլխավոր ճարտարապետ (համաձայնությամբ)
Վ. Տերտերյան	-ՀՀ տարածքային կառավարման նախարարի առաջին տեղակալ
Ա. Սամուելյան	-ՀՀ մշակույթի նախարարի տեղակալ
Ս. Պապյան	-ՀՀ բնապահպանության նախարարի առաջին տեղակալ
Լ. Հունանյան	-ՀՀ ֆինանսների նախարարի տեղակալ
Կ. Մինասյան	-ՀՀ էկոնոմիկայի նախարարի առաջին տեղակալ
Վ. Միրումյան	-ՀՀ կառավարությանն առընթեր պետական եկամուտների կոմիտեի նախագահի տեղակալ
Հ. Պետրոսյան	-ՀՀ արտակարգ իրավիճակների նախարարության «Սեյսմիկ պաշտպանության ազգային ծառայություն» գործակալության պետ
Կ. Հակոբյան	-ՀՀ արդարադատության նախարարության աշխատակազմի օրենսդրության վերլուծության և կատարելագործման վարչության պետ
Վ. Կտիկյան	-ՀՀ կառավարության աշխատակազմի ֆինանսատնտեսագիտական վարչության պետի ժամանակավոր պաշտոնակատար
Զ. Առաքելյան	-Երևանի քաղաքապետարանի իրավաբանական վարչության պետ (համաձայնությամբ)
Ա. Հարությունյան	-ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի իրավաբանական վարչության պետ
Ս. Օհանյան	-«Երևաննախագիծ» փակ բաժնետիրական ընկերության տնօրեն (համաձայնությամբ)
Ս. Հայրապետյան	-ՀՀ քաղաքաշինության նախարարի խորհրդական
Ա. Հախումյան	-ՀՀ քաղաքաշինության նախարարության աշխատակազմի քաղաքաշինության քաղաքականության և տարածական պլանավորման վարչության քաղաքաշինության քաղաքականության բաժնի պետ
Ա. Պատրիկյան	-ՀՀ քաղաքաշինության նախարարության աշխատակազմի ճարտարապետության վարչության ճարտարապետության քաղաքականության բաժնի պետ (քարտուղար)

Հայաստանի Հանրապետության կառավարության աշխատակազմի ղեկավար

Դ. Սարգսյան