«Վավերացնում եմ»
Հայաստանի Հանրապետության
Նախագահ Ռ. Քոչարյան
25 մայիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 մայիսի 2002 թվականի N 621
քաղ. Երևան

ԱՌԱՆՑ ԱՎԵԼԱՑՎԱԾ ԱՐԺԵՔԻ ՀԱՐԿԻ ՀԱՇՎԱՐԿՄԱՆ ՈՒ ԳԱՆՁՄԱՆ՝ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԿԱՐՏՈՖԻԼԻ, ՍՊԵԼՏԱՅԻ, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԵԳԻՊՏԱՑՈՐԵՆԻ ՍԵՐՄԱՑՈՒԻ, ՅՈՒՂԱՏՈՒ ԲՈՒՅՍԵՐԻ ՍԵՐՄԵՐԻ ԵՎ ՊՏՈՒՂՆԵՐԻ, ՑԱՆՔԻ ՀԱՄԱՐ ՍԵՐՄԵՐԻ, ՊՏՈՒՂՆԵՐԻ ԵՎ ՀԱՏԻԿՆԵՐԻ ԵՎ ԳԱՐՈՒ ՍԵՐՄԱՑՈՒՆԵՐԻ ՆԵՐՄՈՒԾՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
(վերնագիրը լրաց. 04.08.11 N 1096-Ն)

«Կազմակերպությունների և անհատ ձեռնարկատերերի կողմից ներմուծվող՝ մաքսատուրքի 0 տոկոս դրույքաչափ ունեցող և ակցիզային հարկով հարկման ոչ ենթակա այն ապրանքների ցանկը հաստատելու մասին, որոնցից ավելացված արժեքի հարկը մաքսային մարմինների կողմից չի հաշվարկվում և գանձվում» Հայաստանի Հանրապետության օրենքի 1-ին հոդվածին համապատասխան՝ Հայաստանի Հանրապետության կառավարությունը որոշում է.

1. Հաստատել առանց ավելացված արժեքի հարկի հաշվարկման ու գանձման՝ Հայաստանի Հանրապետություն կարտոֆիլի, սպելտայի, փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների և գարու սերմացուների ներմուծման կարգը (կցվում է):

(1-ին կետը լրաց. 04.08.11 N 1096-Ն)

2. Սույն որոշումն ուժի մեջ է մտնում 2002 թվականի մայիսի 25-ից:

Հայաստանի Հանրապետության վարչապետ

Ա. Մարգարյան

Հաստատված է ՀՀ կառավարության 2002 թվականի մայիսի 25-ի N 621 որոշմամբ

Կ Ա Ր Գ

առանց ավելացված արժեքի հարկի հաշվարկման ու գանձման՝ Հայաստանի Հանրապետություն կարտոֆիլի, սպելտայի, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԵԳԻՊՏԱՑՈՐԵՆԻ ՍԵՐՄԱՑՈՒԻ, ՅՈՒՂԱՏՈՒ ԲՈՒՅՍԵՐԻ ՍԵՐՄԵՐԻ ԵՎ ՊՏՈՒՂՆԵՐԻ, ՑԱՆՔԻ ՀԱՄԱՐ ՍԵՐՄԵՐԻ, ՊՏՈՒՂՆԵՐԻ ԵՎ ՀԱՏԻԿՆԵՐԻ ԵՎ գարու սերմացուների ներմուծման

(վերնագիրը լրաց. 04.08.11 N 1096-Ն)

I. Ընդհանուր դրույթներ

1. Սույն կարգով կարգավորվում է «Կազմակերպությունների և անհատ ձեռնարկատերերի կողմից ներմուծվող՝ մաքսատուրքի 0 տոկոս դրույքաչափ ունեցող և ակցիզային հարկով հարկման ոչ ենթակա այն ապրանքների ցանկը հաստատելու մասին, որոնցից ավելացված արժեքի հարկը մաքսային մարմինների կողմից չի հաշվարկվում և գանձվում» Հայաստանի Հանրապետության օրենքի 1-ին հոդվածին համապատասխան՝ առանց ավելացված արժեքի հարկի հաշվարկման և գանձման՝ կարտոֆիլի, սպելտայի (հաճար), փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների և գարու սերմացուների Հայաստանի Հանրապետություն ներմուծման գործընթացը:

(1-ին կետը լրաց. 04.08.11 N 1096-Ն)

2. Մաքսային մարմինները Հայաստանի Հանրապետություն ներմուծվող ապրանքը որպես սերմացու են դիտում միայն այն դեպքում, եթե դրան ուղեկից փաստաթղթերում առկա են սերմացուի սորտայնությունը, դասայնությունը և որակը վկայող՝ առաքող երկրի իրավասու կազմակերպության կամ միջազգային ճանաչում ունեցող այլ իրավասու կազմակերպության կողմից տրված վկայական (հավաստագիր):

2.1. Առանց ավելացված արժեքի հարկի հաշվարկման ու գանձման՝ կարտոֆիլի սերմացուի ներկրման համար բավարար հիմք է առաքող երկրի հավաստագրի առկայությունը:

(2.1-ին կետը լրաց. 05.06.03 N 682-Ն)

3. Գարու և սպելտայի, փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների սերմացուների ներկրման համար մաքսային մարմնի փաստաթղթային ստուգման դրական արդյունքի դեպքում՝ ապրանք փոխադրողը Հայաստանի Հանրապետության գյուղատնտեսության նախարարության եզրակացությունն ստանալու նպատակով՝ Հայաստանի Հանրապետության կառավարության 2000 թվականի մայիսի 12-ի «Համապատասխանության հավաստման բնագավառում սերտիֆիկացման մարմինները և փորձարկման լաբորատորիաները հավատարմագրելու մասին» N 238 որոշմամբ հաստատված կարգով Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչությունում հավատարմագրված սերմերի որակի ստուգման լաբորատորիա (այսուհետև՝ լաբորատորիա) է ներկայացնում Հայաստանի Հանրապետություն ներմուծվող սերմացուների ուղեկից փաստաթղթերի պատճենները՝ փորձանմուշներ վերցնելու և լաբորատոր փորձաքննություն կատարելու համար:

(3-րդ կետը լրաց. 05.06.03 N 682-Ն, 04.08.11 N 1096-Ն)

II. Հայաստանի Հանրապետություն ներմուծվող կարտոֆիլի, սպելտայի, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԵԳԻՊՏԱՑՈՐԵՆԻ ՍԵՐՄԱՑՈՒԻ, ՅՈՒՂԱՏՈՒ ԲՈՒՅՍԵՐԻ ՍԵՐՄԵՐԻ ԵՎ ՊՏՈՒՂՆԵՐԻ, ՑԱՆՔԻ ՀԱՄԱՐ ՍԵՐՄԵՐԻ, ՊՏՈՒՂՆԵՐԻ ԵՎ ՀԱՏԻԿՆԵՐԻ ԵՎ գարու սերմացուների որակի փորձաքննությունը

(վերնագիրը լրաց. 04.08.11 N 1096-Ն)

4. Լաբորատորիայի մասնագետը սերմացուների որակն ստուգելու նպատակով փորձանմուշները վերցնում է Հայաստանի Հանրապետության կառավարության 2000 թվականի դեկտեմբերի 31-ի «Հայաստանի Հանրապետությունում մաքսային ձևակերպումների նպատակով ապրանքներից նմուշներ և փորձանմուշներ վերցնելու կարգը հաստատելու մասին» N 900 որոշմամբ հաստատված կարգով: Սերմացուների որակի լաբորատոր փորձաքննությունն իրականացվում է 2 օրվա ընթացքում, որի մասին կազմվում է արձանագրություն՝ լաբորատորիայի մասնագետների (կատարողներ) և վարիչի ստորագրությամբ, 3 օրինակից:

(4-րդ կետը փոփ. 05.06.03 N 682-Ն)

5. Արձանագրության 2 օրինակը, լաբորատոր փորձաքննության տվյալների և ապրանքի ուղեկից փաստաթղթերի պատճենների հետ միասին ներկայացվում է Հայաստանի Հանրապետության գյուղատնտեսության նախարարություն, իսկ լաբորատոր փորձաքննության տվյալների մեկ (վերջին) օրինակը պահվում է լաբորատորիայում:

III. Առանց ավելացված արժեքի հարկի հաշվարկման ու գանձման՝ Հայաստանի Հանրապետություն կարտոֆիլի, սպելտայի, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԵԳԻՊՏԱՑՈՐԵՆԻ ՍԵՐՄԱՑՈՒԻ, ՅՈՒՂԱՏՈՒ ԲՈՒՅՍԵՐԻ ՍԵՐՄԵՐԻ ԵՎ ՊՏՈՒՂՆԵՐԻ, ՑԱՆՔԻ ՀԱՄԱՐ ՍԵՐՄԵՐԻ, ՊՏՈՒՂՆԵՐԻ ԵՎ ՀԱՏԻԿՆԵՐԻ ԵՎ գարու սերմացուների ներմուծման համար եզրակացություն տալը

(վերնագիրը լրաց. 04.08.11 N 1096-Ն)

6. Հայաստանի Հանրապետության գյուղատնտեսության նախարարությունը սերմացուների ուղեբեռների ուղեկից փաստաթղթերը և լաբորատոր փորձաքննության տվյալներն ստանալուց հետո մեկ օրվա ընթացքում տալիս է դրական եզրակացություն (ձևը կցվում է), եթե՝

ա) (ենթակետն ուժը կորցրել է 05.06.03 N 682-Ն)

բ) ըստ լաբորատորիայի պաշտոնական տվյալների՝ տվյալ սերմացուի որակի ցուցանիշները համապատասխանում են ընդունված չափանիշներին.

գ) (ենթակետն ուժը կորցրել է 05.06.03 N 682-Ն)

(6-րդ կետը փոփ. 05.06.03 N 682-Ն)

7. Հայաստանի Հանրապետության գյուղատնտեսության նախարարության եզրակացության և լաբորատոր փորձաքննության տվյալների առաջին օրինակը ներկայացվում է Հայաստանի Հանրապետության մաքսային մարմիններ՝ ապրանքի մաքսային ձևակերպման համար:

8. (կետն ուժը կորցրել է 05.06.03 N 682-Ն)

IV. Առանց ավելացված արժեքի հարկի հաշվարկման ԵՎ գանձման՝ Հայաստանի Հանրապետություն կարտոֆիլի, սպելտայի, ՓԱՓՈՒԿ ՑՈՐԵՆԻ ԵՎ ՄԵՍԼԻՆ ՍԵՐՄԱՑՈՒԻ, ԵԳԻՊՏԱՑՈՐԵՆԻ ՍԵՐՄԱՑՈՒԻ, ՅՈՒՂԱՏՈՒ ԲՈՒՅՍԵՐԻ ՍԵՐՄԵՐԻ ԵՎ ՊՏՈՒՂՆԵՐԻ, ՑԱՆՔԻ ՀԱՄԱՐ ՍԵՐՄԵՐԻ, ՊՏՈՒՂՆԵՐԻ ԵՎ ՀԱՏԻԿՆԵՐԻ ԵՎ գարու սերմացուների ներմուծման ենթակա լինելը որոշելը

(վերնագիրը լրաց. 04.08.11 N 1096-Ն)

9. Մաքսային մարմինները սպելտայի, փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների և գարու սերմացուները ճանաչում են առանց ավելացված արժեքի հարկի հաշվարկման և գանձման Հայաստանի Հանրապետություն ներմուծման ենթակա, եթե առկա են՝

ա) առաքող երկրի պաշտոնական կազմակերպության կողմից վավերացված՝ սերմացուների (սորտային, սերմային) վկայական (հավաստագիր).

բ) լաբորատոր փորձաքննության մասին արձանագրությունը.

գ) Հայաստանի Հանրապետության գյուղատնտեսության նախարարության դրական եզրակացությունը:

(9-րդ կետը փոփ. 05.06.03 N 682-Ն, լրաց. 04.08.11 N 1096-Ն)

10. Մաքսային մարմինները սպելտայի, փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների և գարու սերմացուները չեն ճանաչում առանց ավելացված արժեքի հարկի հաշվառման և գանձման՝ Հայաստանի Հանրապետություն ներմուծման ենթակա՝ սույն կարգի IV բաժնի 9-րդ կետի «ա», «բ» և «գ» ենթակետերում նշված փաստաթղթերից յուրաքանչյուրի բացակայության դեպքում:

(10-րդ կետը փոփ. 05.06.03 N 682-Ն, լրաց. 04.08.11 N 1096-Ն)

Ձև

Հայաստանի Հանրապետության գյուղատնտեսության նախարարություն

Ե Զ Ր Ա Կ Ա Ց ՈՒ Թ Յ ՈՒ Ն  N _____

առանց ավելացված արժեքի հարկի հաշվարկման և գանձման՝ Հայաստանի Հանրապետություն ներմուծվող կարտոֆիլի, սպելտայի, փափուկ ցորենի և մեսլին սերմացուի, եգիպտացորենի սերմացուի, յուղատու բույսերի սերմերի և պտուղների, ցանքի համար սերմերի, պտուղների և հատիկների և գարու սերմացուների ներմուծման ենթակա լինելու մասին
(վերնագիրը լրաց. 04.08.11 N 1096-Ն)

Հայտատու ________________________________________________

_______________________________________________ ի

(անունը, ազգանունը կամ անվանումը, հասցեն)

NN ը/կ	Ծածկագիրը	Սերմացուի անվանումը	Առաքող երկիրը	Սերմերի որակի վկայականի համարը	Սորտը (փոփոխակը)՝ ըստ վկայականի	Բեռան քաշը (կգ, տոննա)	Սերմացուն համապատաս- խանում է  սահմանված պահանջներին
1.	070110	Կարտոֆիլ
2.	1001 91 100	Սպելտա
3.	1003 10 000	Գարի
4.	1001 91 200	Փափուկ ցորեն և մեսլին սերմացու
5.	100510	Եգիպտացորենի սերմացու
6.	1207	Յուղատու բույսերի սերմեր և պտուղներ
7.	1209	Սերմեր, պտուղներ և հատիկներ ցանքի համար

Եզրակացություն՝

1. Ենթակա է որպես սերմացու ներմուծման: 2. Ենթակա չէ որպես սերմացու ներմուծման:

ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐԻ ՏԵՂԱԿԱԼ

___________________________ (ստորագրությունը) ___________________________ (անունը, ազգանունը)

_____ _____________ 200__ թ.

Կ. Տ.

(ձևը լրաց. 04.08.11 N 1096-Ն, փոփ. 25.04.13 N 438-Ն)

(հավելվածը լրաց., փոփ. 05.06.03 N 682-Ն, լրաց. 04.08.11 N 1096-Ն, փոփ. 25.04.13 N 438-Ն)