ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հունիսի 2011 թվականի N 854-Ն

ՊԱՇՏՈՆԱՏԱՐ ԱՆՁԱՆՑ ԿՈՂՄԻՑ ԻՐԵՆՑ ՊԱՇՏՈՆԵԱԿԱՆ ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐԵԼԻՍ ԿԱՄ ԴՐԱՆՔ ԿԱՏԱՐԵԼՈՒ ԱՌՆՉՈՒԹՅԱՄԲ ՀԱՇՄԱՆԴԱՄ ՃԱՆԱՉՎԵԼՈՒ ԵՎ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՄԲ ԶԲԱՂՎԵԼՈՒ ԿԱՐՈՂՈՒԹՅԱՆ 3-ՐԴ ԱՍՏԻՃԱՆԻ ՍԱՀՄԱՆԱՓԱԿՈՒՄ ՈՒՆԵՆԱԼՈՒ ԿԱՄ ԶՈՀՎԵԼՈՒ ԴԵՊՔՈՒՄ ԿԵՆՍԱԹՈՇԱԿ ՆՇԱՆԱԿԵԼՈՒ (ՎԵՐԱՀԱՇՎԱՐԿԵԼՈՒ), ՎՃԱՐԵԼՈՒ, ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՏԱԼՈՒ ԿԱՐԳՆ ՈՒ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՍԱՀՄԱՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՄԱՐՏԻ 24-Ի N 341-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Համաձայն «Հայաստանի Հանրապետության Նախագահի, Ազգային ժողովի պատգամավորների, վարչապետի, կառավարության անդամների, սահմանադրական դատարանի անդամների, վերահսկիչ պալատի նախագահի և դատավորների կողմից իրենց պաշտոնեական պարտականությունները կատարելիս կամ դրանք կատարելու առնչությամբ զոհվելու կամ աշխատունակությունը լրիվ կորցնելու դեպքում նրանց ընտանիքների անդամների սոցիալական պաշտպանության մասին» Հայաստանի Հանրապետության օրենքի 7-րդ հոդվածի` Հայաստանի Հանրապետության կառավարությունը որոշում է.

1. Սահմանել, որ սույն որոշմամբ հաստատված կարգով կենսաթոշակ նշանակող իրավասու մարմինը Հայաստանի Հանրապետության աշխատանքի և սոցիալական հարցերի նախարարության սոցիալական ապահովության պետական ծառայությունն է:

2. Հաստատել`

1) պաշտոնատար անձանց կողմից իրենց պաշտոնեական պարտականությունները կատարելիս կամ դրանք կատարելու առնչությամբ հաշմանդամ ճանաչվելու և աշխատանքային գործունեությամբ զբաղվելու կարողության 3-րդ աստիճանի սահմանափակում ունենալու կամ զոհվելու դեպքում կենսաթոշակ նշանակելու (վերահաշվարկելու), վճարելու և միանվագ դրամական օգնություն տալու կարգը` համաձայն N 1 հավելվածի.

2) կենսաթոշակ նշանակելու (վերահաշվարկելու) և միանվագ դրամական օգնություն տալու համար անհրաժեշտ փաստաթղթերի ցանկը` համաձայն N 2 հավելվածի.

3) պաշտոնատար անձի կողմից իր պաշտոնեական պարտականությունները կատարելու մասին տեղեկանքի ձևը` համաձայն N 3 հավելվածի:

3. Ուժը կորցրած ճանաչել Հայաստանի Հանրապետության կառավարության 2005 թվականի մարտի 24-ի «Հայաստանի Հանրապետության Նախագահի, Ազգային ժողովի պատգամավորների, վարչապետի, կառավարության անդամների, սահմանադրական դատարանի անդամների, վերահսկիչ պալատի նախագահի և դատավորների կողմից իրենց պաշտոնեական պարտականությունները կատարելիս կամ դրանք կատարելու առնչությամբ զոհվելու կամ աշխատունակությունը լրիվ կորցնելու դեպքում նրանց ընտանիքներին կենսաթոշակ նշանակելու (վերահաշվարկելու), վճարելու և միանվագ դրամական օգնություն տալու կարգն ու անհրաժեշտ փաստաթղթերի ցանկը հաստատելու մասին» N 341-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող օրը և տարածվում է 2011 թվականի հունվարի 1-ից հետո ծագած հարաբերությունների վրա:

Հավելված N 1  ՀՀ կառավարության 2011 թվականի հունիսի 10-ի N 854-Ն որոշման

Կ Ա Ր Գ

ՊԱՇՏՈՆԱՏԱՐ ԱՆՁԱՆՑ ԿՈՂՄԻՑ ԻՐԵՆՑ ՊԱՇՏՈՆԵԱԿԱՆ ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐԵԼԻՍ ԿԱՄ ԴՐԱՆՔ ԿԱՏԱՐԵԼՈՒ ԱՌՆՉՈՒԹՅԱՄԲ ՀԱՇՄԱՆԴԱՄ ՃԱՆԱՉՎԵԼՈՒ ԵՎ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՄԲ ԶԲԱՂՎԵԼՈՒ ԿԱՐՈՂՈՒԹՅԱՆ 3-ՐԴ ԱՍՏԻՃԱՆԻ ՍԱՀՄԱՆԱՓԱԿՈՒՄ ՈՒՆԵՆԱԼՈՒ ԿԱՄ ԶՈՀՎԵԼՈՒ ԴԵՊՔՈՒՄ ԿԵՆՍԱԹՈՇԱԿ ՆՇԱՆԱԿԵԼՈՒ (ՎԵՐԱՀԱՇՎԱՐԿԵԼՈՒ), ՎՃԱՐԵԼՈՒ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՏԱԼՈՒ

1. Սույն կարգով սահմանվում է Հայաստանի Հանրապետության Նախագահի, Ազգային ժողովի պատգամավորների, Գերագույն խորհրդի պատգամավորների, վարչապետի, կառավարության անդամների, սահմանադրական դատարանի անդամների, վերահսկիչ պալատի նախագահի և դատավորների (այսուհետ` պաշտոնատար անձ) կողմից իրենց պաշտոնեական պարտականությունները կատարելիս կամ դրանք կատարելու առնչությամբ ստացած վնասվածքի, խեղման հետևանքով հաշմանդամ ճանաչվելու և աշխատանքային գործունեությամբ զբաղվելու կարողության 3-րդ աստիճանի սահմանափակում ունենալու դեպքում նրանց` հաշմանդամության կենսաթոշակ, իսկ զոհվելու դեպքում` նրանց ընտանիքների անդամներին կերակրողին կորցնելու դեպքում կենսաթոշակ նշանակելու (վերահաշվարկելու), վճարելու և ընտանիքներին միանվագ դրամական օգնություն տալու կարգը:

2. Պաշտոնեական պարտականությունները կատարելիս կամ դրանք կատարելու առնչությամբ ստացած վնասվածքի, խեղման հետևանքով հաշմանդամ ճանաչված և աշխատանքային գործունեությամբ զբաղվելու կարողության 3-րդ աստիճանի սահմանափակում ունեցող պաշտոնատար անձին՝ հաշմանդամության կենսաթոշակ, իսկ պաշտոնատար անձի զոհվելու դեպքում` նրա ընտանիքի անդամներին կերակրողին կորցնելու դեպքում կենսաթոշակ նշանակվում, վերահաշվարկվում, վճարվում, կենսաթոշակ ստանալու իրավունքը դադարեցվում, վերականգնվում, կենսաթոշակ վճարելը դադարեցվում և վերսկսվում է «Պետական կենսաթոշակների մասին» Հայաստանի Հանրապետության օրենքով (այսուհետ` օրենք) սահմանված կարգով:

3. Զոհված պաշտոնատար անձի ընտանիքի անդամները կերակրողին կորցնելու դեպքում կենսաթոշակի իրավունք ունեն օրենքի 13‑րդ հոդվածի պայմանները բավարարելու դեպքում: 1999 թվականի հոկտեմբերի 27-ին Հայաստանի Հանրապետության Ազգային ժողովի շենքում տեղի ունեցած ոճրագործության հետևանքով զոհված պաշտոնատար անձի այրուն օրենքով կերակրողին կորցնելու դեպքում կենսաթոշակ է նշանակվում անկախ նրա տարիքից:

4. Պաշտոնեական պարտականությունները կատարելիս կամ դրանք կատարելու առնչությամբ ստացած վնասվածքի, խեղման հետևանքով հաշմանդամ ճանաչված և աշխատանքային գործունեությամբ զբաղվելու կարողության 3-րդ աստիճանի սահմանափակում ունեցող պաշտոնատար անձին հաշմանդամության կենսաթոշակ է նշանակվում նրա պաշտոնային դրույքաչափով:

5. Զոհված պաշտոնատար անձի ընտանիքի՝ կերակրողին կորցնելու դեպքում կենսաթոշակի իրավունք ունեցող անդամներին նշանակվում է մեկ ընդհանուր կենսաթոշակ՝ զոհվածի պաշտոնային դրույքաչափով:

6. Զոհված պաշտոնատար անձի ընտանիքի՝ կերակրողին կորցնելու դեպքում կենսաթոշակի իրավունք ունեցող անդամի պահանջով կենսաթոշակի նրա բաժնեմասն առանձնացվում և կազմվում է կենսաթոշակի նոր գործ: Այս դեպքում կենսաթոշակի` ընտանիքի անդամի բաժնեմասը հաշվարկվում է նշանակված կենսաթոշակի չափն ընտանիքի՝ կերակրողին կորցնելու դեպքում կենսաթոշակի իրավունք ունեցող անդամների թվի վրա բաժանելու միջոցով:

7. 1999 թվականի հոկտեմբերի 27-ի ոճրագործության հետևանքով զոհված պաշտոնատար անձի ընտանիքի՝ կերակրողին կորցնելու դեպքում կենսաթոշակի իրավունք ունեցող անդամի պահանջով կենսաթոշակի նրա բաժնեմասն առանձնացնելու դեպքում այրու բաժնեմասը հաշվարկվում է նշանակված կենսաթոշակի 70 տոկոսի չափով, իսկ ընտանիքի յուրաքանչյուր անդամինը՝ կենսաթոշակի 30 տոկոսին հավասար բաժնեմասը ընտանիքի՝ կերակրողին կորցնելու դեպքում կենսաթոշակի իրավունք ունեցող մյուս անդամների թվի վրա բաժանելու միջոցով:

8. (կետն ուժը կորցրել է 27.12.12 N 1687-Ն)

9. Կենսաթոշակի բաժնեմասը վերահաշվարկվում է նաև ընտանիքի` կերակրողին կորցնելու դեպքում կենսաթոշակի իրավունք ունեցող անդամների թիվը փոխվելու դեպքում:

(9-րդ կետը փոփ. 27.12.12 N 1687-Ն)

10. Կենսաթոշակ նշանակելուն (վերահաշվարկելուն), կենսաթոշակի տեսակը փոխելուն, կենսաթոշակ վճարելուն, կենսաթոշակի գործերը (փաստաթղթերը) վարելուն առնչվող հարաբերությունները կարգավորվում են Հայաստանի Հանրապետության կառավարության 2011 թվականի մայիսի 5-ի «Պետական կենսաթոշակների մասին» Հայաստանի Հանրապետության օրենքի կիրարկումն ապահովելու մասին» N 665-Ն որոշմամբ հաստատված 1-ին, 2-րդ և 9-15-րդ հավելվածներով սահմանված կարգերով ու կանոններով:

11. Զոհված պաշտոնատար անձի ընտանիքին միանվագ դրամական օգնություն վճարվում է, եթե զոհված պաշտոնատար անձի ընտանիքի անդամն այն ստանալու մասին դիմումը և անհրաժեշտ փաստաթղթերը զոհված պաշտոնատար անձի աշխատանքի վայր է ներկայացնում պաշտոնատար անձի մահվան օրվանից հետո` 6 ամսվա ընթացքում:

12. Միանվագ դրամական օգնությունը զոհված պաշտոնատար անձի ամուսնուն կամ 14 տարեկան դարձած երեխային վճարվում են անկախ նրա հաշվառման վայրից, իսկ ընտանիքի այլ անդամի` պաշտոնատար անձի զոհվելու օրվա դրությամբ բնակության նույն վայրում (հասցեում) նրա հետ հաշվառված լինելու դեպքում:

(հավելվածը փոփ. 27.12.12 N 1687-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան

 

Ց Ա Ն Կ

ԿԵՆՍԱԹՈՇԱԿ ՆՇԱՆԱԿԵԼՈՒ (ՎԵՐԱՀԱՇՎԱՐԿԵԼՈՒ) ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՏԱԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ

1. Սույն ցանկով սահմանվում է Հայաստանի Հանրապետության Նախագահի, Ազգային ժողովի պատգամավորների, Գերագույն խորհրդի պատգամավորների, վարչապետի, կառավարության անդամների, սահմանադրական դատարանի անդամների, վերահսկիչ պալատի նախագահի և դատավորների (այսուհետ` պաշտոնատար անձ) կողմից իրենց պաշտոնեական պարտականությունները կատարելիս կամ դրանք կատարելու առնչությամբ ստացած վնասվածքի, խեղման հետևանքով հաշմանդամ ճանաչվելու և աշխատանքային գործունեությամբ զբաղվելու կարողության 3-րդ աստիճանի սահմանափակում ունենալու դեպքում նրանց՝ հաշմանդամության կենսաթոշակ, իսկ զոհվելու դեպքում նրանց ընտանիքների անդամներին կերակրողին կորցնելու դեպքում կենսաթոշակ նշանակելու (վերահաշվարկելու) և ընտանիքներին միանվագ դրամական օգնություն տալու համար անհրաժեշտ փաստաթղթերի ցանկը:

2. Պաշտոնատար անձին հաշմանդամության կենսաթոշակ նշանակելու (վերահաշվարկելու) համար անհրաժեշտ է ներկայացնել`

1) դիմում.

2) պաշտոնատար անձի անձնագիրը, սոցիալական ապահովության քարտը և դրանց պատճենները.

3) բժշկասոցիալական փորձաքննություն իրականացնող իրավասու պետական մարմնի տված տեղեկանքը պաշտոնատար անձին հաշմանդամ ճանաչելու և աշխատանքային գործունեությամբ զբաղվելու կարողության 3-րդ աստիճանի սահմանափակում ունենալու մասին.

4) պաշտոնատար անձի հիմնարկի աշխատակազմի ղեկավարի տված տեղեկանքն այն մասին, որ վնասվածք, խեղում ստանալու պատճառ հանդիսացած դեպքի ժամանակ պաշտոնատար անձը կատարել է իր պաշտոնեական պարտականությունները կամ այդ դեպքը տեղի է ունեցել նրա պաշտոնեական պարտականությունները կատարելու առնչությամբ:

3. Զոհված պաշտոնատար անձի ընտանիքի անդամներին կերակրողին կորցնելու դեպքում կենսաթոշակ նշանակելու (վերահաշվարկելու) համար «Պետական կենսաթոշակների մասին» Հայաստանի Հանրապետության օրենքի 33-րդ հոդվածի 1-ին մասում նշված՝ կենսաթոշակ նշանակելու համար դիմելու իրավունք ունեցող անձը ներկայացնում է`

1) դիմում.

2) պաշտոնատար անձի հիմնարկի աշխատակազմի ղեկավարի տված տեղեկանքն այն մասին, որ զոհվելու պատճառ հանդիսացած դեպքի ժամանակ պաշտոնատար անձը կատարել է իր պաշտոնեական պարտականությունները կամ այդ դեպքը տեղի է ունեցել նրա պաշտոնեական պարտականությունները կատարելու առնչությամբ.

3) դիմողի անձնագիրը, սոցիալական ապահովության քարտը և դրանց պատճենները.

4) զոհված պաշտոնատար անձի` երեխայի, հաշմանդամ զավակի, ամուսնու, ծնողի անձնագրերը (16 տարին լրացած չլինելու դեպքում` ծննդյան վկայականները) և սոցիալական ապահովության քարտերն ու դրանց պատճենները, զավակին հաշմանդամ ճանաչելու մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը, չաշխատելու մասին ամուսնու, ծնողի գրավոր հայտարարությունը.

5) զոհված պաշտոնատար անձի` 18 տարին չլրացած եղբոր, քրոջ, թոռան անձնագրերը (16 տարին լրացած չլինելու դեպքում` ծննդյան վկայականները) և սոցիալական ապահովության քարտերն ու դրանց պատճենները, կերակրողի մահվան օրվա դրությամբ նրա բնակության վայրում (հասցեում) հաշվառված լինելու մասին Հայաստանի Հանրապետության կառավարությանն առընթեր Հայաստանի Հանրապետության ոստիկանության բնակչության տեղական ռեգիստրը վարող տարածքային մարմնի տված տեղեկանքը, ինչպես նաև եղբոր, քրոջ, թոռան ծնողներին հաշմանդամ ճանաչելու մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը.

6) զոհված պաշտոնատար անձի` կերակրողին կորցնելու դեպքում կենսաթոշակի իրավունք ունեցող 14 տարին չլրացած երեխայի, եղբոր, քրոջ կամ թոռան խնամքով զբաղված` ընտանիքի այլ գործունակ չափահաս անդամի կամ խնամակալ ճանաչված անձի անձնագիրը և սոցիալական ապահովության քարտն ու դրանց պատճենները, չաշխատելու մասին գրավոր հայտարարությունը.

7) ամուսնության վկայականը և դրա պատճենը.

8) առկա (ցերեկային) ուսուցմամբ սովորելու մասին տեղեկանքը:

4. Միանվագ դրամական օգնություն տալու համար անհրաժեշտ է ներկայացնել`

1) դիմում.

2) անձնագիրը, սոցիալական ապահովության քարտը և դրանց պատճենները.

3) մահվան վկայականը և դրա պատճենը.

4) ամուսինը` ամուսնության վկայականը և դրա պատճենը, երեխան (զավակը)` ծննդյան վկայականը և դրա պատճենը, իսկ ընտանիքի այլ անդամ` պաշտոնատար անձի մահվան օրվա դրությամբ նրա բնակության վայրում հաշվառված լինելու մասին Հայաստանի Հանրապետության կառավարությանն առընթեր Հայաստանի Հանրապետության ոստիկանության բնակչության տեղական ռեգիստրը վարող տարածքային մարմնի տված տեղեկանքը:

 

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 3  ՀՀ կառավարության 2011 թվականի հունիսի 10-ի N 854-Ն որոշման

 Ձև

Տ Ե Ղ Ե Կ Ա Ն Ք

ՊԱՇՏՈՆԱՏԱՐ ԱՆՁԻ ԿՈՂՄԻՑ ԻՐ ՊԱՇՏՈՆԵԱԿԱՆ

ՊԱՐՏԱԿԱՆՈՒԹՅՈՒՆՆԵՐԸ ԿԱՏԱՐԵԼՈՒ ՄԱՍԻՆ

1. Պաշտոնատար անձը __________________________________________

                                                  (անունը, հայրանունը, ազգանունը)

2. Աշխատանքի վայրը ___________________________________________

3. Պաշտոնը ____________________________________________________

4. Դեպքը տեղի է ունեցել _________________________________________

                                          (վայրը, օրը, ամսաթիվը, տարեթիվը)

 (լրացվում է իրավապահ մարմնի տված տեղեկանքի հիման վրա)

________________________________________________________________

               (պաշտոնեական պարտականությունները կատարելիս կամ դրանք 
                                                         կատարելու առնչությամբ)

5. Զոհվել է _____________________________________________________

                                        (օրը, ամսաթիվը, տարեթիվը)

 (լրացվում է իրավապահ մարմնի տված տեղեկանքի հիման վրա)

6. Հաշմանդամ է ճանաչվել ______________________________________

                                             (օրը, ամսաթիվը, տարեթիվը)

(լրացվում է բժշկասոցիալական փորձաքննություն իրականացնող լիազոր

մարմնի տված տեղեկանքի հիման վրա)

Կազմակերպության աշխատակազմի ղեկավար _______________________________

(ստորագրությունը, անունը, ազգանունը)

____ ___________ 20 թ.

Կ.Տ

Հայաստանի Հանրապետության կառավարության աշխատակազմի ղեկավար

Դ. Սարգսյան