ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԵՐԵՎԱՆ ՔԱՂԱՔԻ ԱՎԱԳԱՆԻ

25 դեկտեմբերի 2012 թ.

N 552-Ն

Ո Ր Ո Շ ՈՒ Մ

ՀՈՂԱՄԱՍԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆԸ ՓՈԽԵԼՈՒ ՄԱՍԻՆ

Ղեկավարվելով Հայաստանի Հանրապետության հողային օրենսգրքի 3-րդ հոդվածի առաջին մասի 1-ին կետի, «Քաղաքաշինության մասին» Հայաստանի Հանրապետության օրենքի 14³-րդ հոդվածի 9-րդ և 12-րդ մասերի պահանջներով և հիմք ընդունելով Հայաստանի Հանրապետության կառավարության 2005 թվականի դեկտեմբերի 15-ի N 2330-Ն որոշումը՝

Երևան քաղաքի ավագանին որոշում է.

1. Երևան քաղաքի վարչական սահմաններում գտնվող մի շարք հողամասեր փոխադրել այլ նշանակության հողամասերի կատեգորիա` համաձայն հավելվածի:

2. Երևանի քաղաքապետին` սույն որոշման 1-ին կետով հողամասերի նպատակային նշանակության կատարված փոփոխության մասին 10-օրյա ժամկետում օրենսդրությամբ սահմանված կարգով տեղեկացնել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին և Հայաստանի Հանրապետության քաղաքաշինության նախարարությանը` կցելով սույն որոշման սահմանված կարգով հաստատված պատճենները:

Երևանի քաղաքապետ

Տ. Մարգարյան

Հավելված Երևան քաղաքի ավագանու 2012 թվականի դեկտեմբերի 25-ի N 552-Ն որոշման

Ց Ա Ն Կ

Երևան քաղաքում որոշ հողամասերի նպատակային նշանակության փոփոխության

N/N	Կառուցապատող	Հասցեն	Հողամասի մակերեսը /հեկտար/	Ներկայիս նպատակային նշանակությունը	Առաջարկվող նպատակային նշանակությունը	Ծանոթագրություն
1	2	3	4	5	6	7
1.	«Պրոգրես» ՓԲԸ	Նոր Նորք, Գյուրջյան N17	0,828	արդյունաբերական	բնակավայր	բնակելի կառուցապատում
2.	«Վենեցիա Պլազա» ՍՊԸ	Ավան, Աճառյան N 40/9	1,47535	արդյունաբերական	բնակավայր	հյուրանոցային համալիրի կառուցում
3.	«Հայկական բերքի առաջմղման կենտրոն» ՓԲԸ	Նորագավիթ թաղամասին հարող տարածք	155,91	գյուղատնտեսական	արդյունաբերական, ընդերքօգտագործման և այլն	ջերմատների կառուցում, ՀՀ կառավարության 03.05.2012թ. N633-Ն որոշում, կետ 3
4.	ՀՀ պաշտպանության նախարարություն	Նոր Նորք, Մառի, Գալշոյանի և Թևոսյան փող. հատված	1,6475	Հատուկ նշանակության	բնակավայր