ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 հոկտեմբերի 2012 թվականի N 1012-Ա

Ա. ՂԱՀՐԱՄԱՆՅԱՆԻ` ՍԱՐԱՆՍԿ ԵՎ ՉԵԲՈՔՍԱՐԻ ԳՈՐԾՈՒՂՄԱՆ ԾԱԽՍԵՐԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության Արմավիրի մարզի գյուղատնտեսության զարգացման ծրագրի շրջանակներում տրակտորներ ձեռք բերելու նպատակով բանակցություններ վարելու համար Հայաստանի Հանրապետության Արմավիրի մարզպետ Ա. Ղահրամանյանի՝ 2012 թվականի հոկտեմբերի 15-18-ը Սարանսկ և Չեբոքսարի (Ռուսաստանի Դաշնություն) գործուղման հետ կապված ծախսերը կատարել Հայաստանի Հանրապետության 2012 թվականի պետական բյուջեով Հայաստանի Հանրապետության Արմավիրի մարզպետարանի պահպանման համար նախատեսված ընդհանուր միջոցների հաշվին:

2. Հայաստանի Հանրապետության Արմավիրի մարզպետին` եռօրյա ժամկետում Հայաստանի Հանրապետության վարչապետին ներկայացնել Սարանսկ և Չեբոքսարի գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2012 թ. հոկտեմբերի 17 Երևան